LIVE TV
ଦୁଇ-ତିନି ଦଶନ୍ଧି ପୂର୍ବରୁ ଗରିବର ଖାଦ୍ୟ ଥିବା ମାଣ୍ଡିଆ ଆଜି ଏକ ସ୍ୱତନ୍ତ୍ର ସ୍ଥାନ ନେଇଛି, ଏହା ଏବେ ଧନୀଙ୍କ ଖାଦ୍ୟ ହୋଇଯାଇଛି। ଦିନେ ଏହି ଧନୀମାନେ ଏହାକୁ ଆଡ ଆଖିରେ ଦେଖୁଥିଲେ। କିନ୍ତୁ ଯେତେବେଳେ ବୈଜ୍ଞାନିକମାନେ ଏହାର ଗୁଣକୁ ପରୀକ୍ଷା କଲେ, ଏହା ସମଗ୍ର ବିଶ୍ୱରେ ଏକ ସୁପରଫୁଡ୍ ହୋଇଗଲା। ମିଳିତ ଜାତିସଂଘ ଚଳିତ ବର୍ଷ ମାଣ୍ଡିଆର ବର୍ଷ ବୋଲି ଘୋଷଣା କରିଛି।
ଆଜିକାଲି ମାଣ୍ଡିଆ ବିଭିନ୍ନ ସ୍ୱାସ୍ଥ୍ୟପ୍ରଦ ଖାଦ୍ୟ ଷ୍ଟୋର୍ଗୁଡିକରେ ମିଳୁଛି। ମାଣ୍ତିଆରେ ଏମିତି ଅନେକ କିଛି ଅଛି ଯାହା ମାନବର ପୋଷଣ ପାଇଁ ଜରୁରୀ। ମାଣ୍ଡିଆରେ ଅନେକ ପ୍ରକାରର ଭିଟାମିନ୍, ମିନେରାଲ୍ସ ଏବଂ ଫାଇବର ରହିଛି। ଏହା ସହିତ, ଏଥିରୁ ଅନେକ ପ୍ରକାରର ଆଣ୍ଟିଅକ୍ସିଡାଣ୍ଟ ମିଳିଥାଏ ଯେଉଁଥିରେ କର୍କଟ ବିରୋଧୀ ଗୁଣ ମଧ୍ୟ ଥାଏ।
ହୃଦ୍ ରୋଗଠାରୁ ଆରମ୍ଭ କରି ମଧୁମେହ ଏବଂ ମାଂସପେଶୀ ପର୍ଯ୍ୟନ୍ତ ସବୁକିଛି ପାଇଁ ମାଣ୍ଡିଆ ଅତ୍ୟନ୍ତ ଲାଭଦାୟକ। ଆମେରିକୀୟ ନ୍ୟାସ୍ନାଲ୍ ସେଣ୍ଟର୍ ଫର୍ ବାୟୋଟେକ୍ନୋଲୋଜି ଇନ୍ଫର୍ମେସନ୍ (ଏନ୍ସିବିଆଇ) ର ଅନୁସନ୍ଧାନ ଅନୁଯାୟୀ, ମାଣ୍ଡିଆ କର୍କଟ ଭଳି ରୋଗର ଆଶଙ୍କାକୁ ହ୍ରାସ କରିଥାଏ।
Also Read
ମାଣ୍ଡିଆର ଉପକାରିତା:
କର୍କଟ ରୋଗର ପ୍ରତିରୋଧକ:
ଏନ୍ସିବିଇ ଅନୁସନ୍ଧାନ ଅନୁଯାୟୀ, ମାଣ୍ଡିଆରେ କର୍କଟ ବିରୋଧୀ ଗୁଣ ରହିଛି ଯାହା କର୍କଟ ରୋଗର ଆଶଙ୍କା ହ୍ରାସ କରିଥାଏ। ଏହା ପେଟ କର୍କଟ ରୋଗକୁ ବିଶେଷ ଭାବରେ ରୋକିଥାଏ। ମାଣ୍ଡିଆରେ ଥିବା ଆଣ୍ଟି-ଅକ୍ସିଡାଣ୍ଟ ଉପାଦାନଗୁଡିକ କୋଷରୁ ମୁକ୍ତ ରେଡିକାଲ୍ଗୁଡିକୁ ଅପସାରଣ କରିଥାଏ, ଯେଉଁ କାରଣରୁ କର୍କଟ କୋଷଗୁଡ଼ିକ ବଢିବାରେ ବାଧା ସୃଷ୍ଟି ହୁଏ।
ରକ୍ତ ଶର୍କରାରେ ନିୟନ୍ତ୍ରଣ:
ଅଧ୍ୟୟନ ଅନୁଯାୟୀ, ମାଣ୍ଡିଆ ହେଉଛି ଏକ ସୁପର୍ଫୁଡ୍ ଯାହା ଡାଏଟାରୀ ଫାଇବରରେ ଭରପୂର। ମାଣ୍ଡିଆ ଗ୍ଲୁଟେନ୍ ମୁକ୍ତ। ଏହାର ଗ୍ଲାଇସେମିକ୍ ଇଣ୍ଡେକ୍ସ ବହୁତ କମ୍। ମାଣ୍ଡିଆରେ ୦.୩୮ ପ୍ରତିଶତ କ୍ୟାଲ୍ସିୟମ୍, ୧୮ ପ୍ରତିଶତ ଡାଏଟାରୀ ଫାଇବର ଏବଂ ୩ ପ୍ରତିଶତ ଫେନୋଲିକ୍ ଯୌଗିକ ଥାଏ, ଯାହା ଦ୍ୱାରା ଏହା ଆଣ୍ଟି-ଡାଇବେଟିସ୍ ଏବଂ ଆଣ୍ଟି-ଟ୍ୟୁମୋରୋଜେନିକ୍ ହୋଇଯାଏ। ଏହାକୁ ଖାଇବା ପରେ ରକ୍ତରେ ଶର୍କରା ବୃଦ୍ଧି ହୁଏ ନାହିଁ।
ହୃଦ୍ରୋଗର ଆଶଙ୍କା ହ୍ରାସ:
ହେଲ୍ଥ୍ ଲାଇନ ଖବର ଅନୁଯାୟୀ, ମାଣ୍ଡିଆରେ ଥିବା ଫାଇବର ପେଟରେ ଏକ ଅଠାଳିଆ ପଦାର୍ଥରେ ପରିଣତ ହୁଏ। ଏହା ଚର୍ବିକୁ ଏହାର ଜାଲରେ ଛନ୍ଦିଦିଏ, ଯାହା କୋଲେଷ୍ଟ୍ରଲ ବୃଦ୍ଧି ହେବାର ସମ୍ଭାବନାକୁ ବହୁତ କମ କରିଥାଏ। ଅଧ୍ୟୟନରୁ ଏହା ମଧ୍ୟ ଜଣାପଡିଛି ଯେ ମାଣ୍ଡିଆର ବ୍ୟବହାର ଟ୍ରାଇଗ୍ଲାଇସରାଇଡ୍ର ସ୍ତରକୁ ଯଥେଷ୍ଟ କମ କରିଥାଏ। ଅନେକ ଅଧ୍ୟୟନରେ ଏହା ମଧ୍ୟ ପ୍ରମାଣିତ ହୋଇଛି।
ବୟସର ପ୍ରଭାବରେ ହ୍ରାସ:
ଅଧ୍ୟୟନରେ କୁହାଯାଇଛି ଯେ ମାଣ୍ଡିଆରେ ଥିବା ପଲିଫେନୋଲ ଶରୀରର କାର୍ଯ୍ୟକୁ ତ୍ୱରାନ୍ୱିତ କରିଥାଏ ଯେଉଁଥିପାଇଁ ଚର୍ମରେ ସବୁବେଳେ ଚମକ ଦେଖାଯାଏ ଏବଂ ବୟସର ପ୍ରଭାବ କମିଯାଏ।
ହାଡ଼କୁ କରେ ଶକ୍ତିଶାଳୀ:
ମାଣ୍ଡିଆରେ ସର୍ବାଧିକ କ୍ୟାଲସିୟମ୍ ଥାଏ ଯାହା ହାଡକୁ ଶକ୍ତିଶାଳୀ କରିଥାଏ। ନିୟମିତ ଭାବେ ମାଣ୍ଡିଆ ଖାଉଥିବା ବ୍ୟକ୍ତିର ଅସ୍ଥି ଲୁହା ଭଳି ଶକ୍ତିଶାଳୀ ହୋଇଯାଏ।
