ଭଲ ହାଇଟ୍ ହେବା ପିଲାଙ୍କ କନଫିଡେନ୍ସ ସ୍ତର ଓ ପର୍ସନାଲିଟି ଉଭୟକୁ ବୃଦ୍ଧି କରିଥାଏ । ହାଇଟ୍ ଏମିତି ଏକ ଫ୍ୟାକ୍ଟର, ଯାହା ଖୁବ୍ ସମୟ ଯାଏ ଅନୁବଂଶିକ କାରଣ ଉପରେ ନିର୍ଭର କରିଥାଏ, କିନ୍ତୁ ଅନେକ ସମୟରେ ଖାଦ୍ୟପେୟ ଠିକ୍ ନଥିଲେ ଏହା ଶିଶୁଙ୍କ ହାଇଟ୍ ଉପରେ ପ୍ରଭାବ ପକାଇଥାଏ । ଏମିତି ହୁଏ କି, ଅଳ୍ପ ବୟସରେ ଶିଶୁର ହାଇଟ୍ କମିଯିବା ଭଳି ଲାଗେ । ଯାହାକୁ ନେଇ ମାତା-ପିତା ଖୁବ୍ ଚିନ୍ତାରେ ପଡ଼ିଯା'ନ୍ତି । ହେଲେ ଏହି ସମୟରେ ଯଦି କିଛି ବେସିକ୍ ଏକ୍ସରସାଇଜ ଓ ସଠିକ୍ ଖାଦ୍ୟପେୟକୁ ଧ୍ୟାନ ଦିଆଯାଏ, ତେବେ ଏହା ହାଇଟ୍ ବୃଦ୍ଧି ପାଇଁ ଭଲ ପ୍ରଭାବ ମଧ୍ୟ ପକାଇଥାଏ । ଆପଣ ଶିଶୁର ଡାଏଟ୍ରେ କିଛି ଏମିତି ଜୁସ୍ ସାମିଲ କରନ୍ତୁ, ଯାହା ତାଙ୍କୁ ସବୁ ଜରୁରୀ ପୋଷକ ତତ୍ତ୍ୱ ପ୍ରଦାନ କରିବ ।
ଆସନ୍ତୁ ଜାଣିବା ଏମିତି କିଛି ଜୁସ୍ ବିଷୟରେ ...
Also Read
- ଗାଜର ଜୁସ୍ : ଗାଜରରେ ପର୍ଯ୍ୟାପ୍ତ ମାତ୍ରାରେ ଭିଟାମିନ୍-ଏ, ଭିଟାମିନ୍-ସି, ଫାଇବର, ପୋଟାସିୟମ୍, ଆଣ୍ଟିଅକ୍ସିଡେଣ୍ଟସ, ଭିଟାମିନ-କେ, ଫସଫରସ୍ ଭଳି ପୋଷକ ତତ୍ତ୍ଵ ମିଳିଥାଏ । ଗାଜର ସେବନ କରିବା ଦ୍ଵାରା ଶରୀର ଏଥିରେ ଥିବା ଭିଟାମିନ-ଏ’କୁ ବିଟା-କ୍ୟାରୋଟିନ୍ରେ କନଭର୍ଟ କରିଦେଇ ଥାଏ, ଯେଉଁଥରେ ହାଡ଼ ଗୁଡ଼ିକ ମଜବୁତ ହୁଏ ଓ ଶରୀରର ଅଭିବୃଦ୍ଧିରେ ସାହାଯ୍ୟ ମିଳିଥାଏ ।
- ପିଜୁଳି ଜୁସ୍ : ବୟସ ବୃଦ୍ଧି ସହ ପିଲାର ହାଇଟ୍ ବଢିବା ପାଇଁ ତାକୁ ପିଜୁଳିର ଜୁସ୍ ପିଆଇବା ମଧ୍ୟ ଖୁବ୍ ଫଳପ୍ରଦ । ପିଜୁଳିରେ ଭରପୂର ମାତ୍ରାରେ ଭିଟାମିନ-ସି, କାଲସିୟମ୍, ଆଇରନ, ଭିଟାମିନ୍-ଡି, ଭିଟାମିନ୍-ବି୬, ଭିଟାମିନ୍ -ବି ୧୨ ଓ ମ୍ୟାଗ୍ନେସିୟମ ମିଳିଥାଏ । ଏହା ପିଲାଙ୍କ ସ୍ୱାସ୍ଥ୍ୟ ପାଇଁ ଖୁବ୍ ଲାଭକାରୀ । ଏହାକୁ ପିଇବା ଦ୍ଵାରା ପେଟ ସହ ଜଡ଼ିତ ସବୁ ସମସ୍ୟା ଦୂର ହୋଇଥାଏ ।
ଅଧିକ ପଢ଼ନ୍ତୁ : ସୁସ୍ଥ କେଶ ଓ ନଖ ପାଇଁ କେଉଁ ଖାଦ୍ୟରୁ ପାଇବେ ‘ବାୟୋଟିନ୍’
- ପାଳଙ୍ଗ ଜୁସ୍ : ପିଲାଙ୍କୁ ନିୟମିତ ଭାବେ ପାଳଙ୍ଗର ଜୁସ୍ ପିଆଇବା ମଧ୍ୟ ଫଳପ୍ରଦ । ଏହାକୁ ପିଇବା ଦ୍ଵାରା ଶରୀରରେ ଆଇରନର ଅଭାବ ଦୂର ହୋଇଥାଏ । ଶରୀରର ଇମ୍ୟୁନିଟିକୁ ଷ୍ଟ୍ରଙ୍ଗ କରିବାକୁ ହେଲେ ବା ଆଖିର ରଶ୍ମିକୁ ବଢ଼ାଇବା ପାଇଁ ପାଳଙ୍ଗର ଜୁସ୍ ବେଶ୍ ଫଳପ୍ରଦ ହୋଇଥାଏ । ଏସବୁ ବ୍ୟତୀତ ବୟସ ବଢିବା ସହ ପାଳଙ୍ଗ ଜୁସ୍ ପିଲାଙ୍କ ହାଇଟ୍ ବଢ଼ାଇବାରେ ସାହାଯ୍ୟ କରିଥାଏ ।
- କମଳା ଜୁସ୍ : ବୟସ ବୃଦ୍ଧି ସହ ପିଲାର ହାଇଟ୍ ବୃଦ୍ଧି ପାଇଁ ତାଙ୍କ ଡାଏଟ୍ରେ କମଳାର ଜୁସ୍ ସାମିଲ ମଧ୍ୟ ଖୁବ୍ ଉପକାରୀ । କମଳାରେ ପର୍ଯ୍ୟାପ୍ତ ମାତ୍ରାରେ ଭିଟାମିନ୍ ସି କ୍ୟାଲସିୟମ, ଫାଇବର, ଆଇରନ ଫସଫରସ ଓ କ୍ୟାରୋଟିନ ଭଳି ଗୁରୁତ୍ତ୍ଵପୂର୍ଣ ପୋଷକ ତତ୍ତ୍ଵ ଥାଏ । ଏହାକୁ ପିଇବା ଦ୍ଵାରା ଶରୀରର ଇମ୍ୟୁନିଟି ମଜବୁତ ହୋଇଥାଏ ଏବଂ ହାଡ଼ ମଜବୁତ ହୋଇଥାଏ ।
- କଦଳୀ ଶେକ୍ : କଦଳୀ ସୁପରଫୁଡ୍ କ୍ୟାଟେଗୋରୀରେ ଆସିଥାଏ । ଏଥିରେ ପର୍ଯ୍ୟାପ୍ତ ମାତ୍ରାରେ ଭିଟାମିନ୍,କ୍ୟାଲସିୟମ, ଫାଇବର, ମ୍ୟାଗ୍ନେସିୟମ ଓ ପୋଟାସିୟମ ମିଳିଥାଏ । ଯାହା ପିଲାଙ୍କ ହାଇଟ୍ ବୃଦ୍ଧି କରିବାରେ ସହାୟକ ହୋଇଥାଏ ।