‘ବିଶ୍ୱ ଜନସଂଖ୍ୟା ଦିବସ’ ପ୍ରତିବର୍ଷ ୧୧ ଜୁଲାଇରେ ପାଳନ କରାଯାଏ। ଏହାର ଲକ୍ଷ୍ୟ ହେଉଛି ବିଶ୍ୱର ଜନସଂଖ୍ୟା ଧାରା ଏବଂ ଏହାର ପ୍ରଭାବ ପ୍ରତି ଧ୍ୟାନ ଆକର୍ଷିତ କରିବା।
ସ୍ଥାୟୀ ବିକାଶକୁ ପ୍ରୋତ୍ସାହିତ କରିବା ଏବଂ ଜନସଂଖ୍ୟା ବୃଦ୍ଧି ସହିତ ଜଡିତ ଆହ୍ୱାନର ସମାଧାନ ପାଇଁ ଏହି ଦିନ ଏକ ପ୍ଲାଟଫର୍ମ। ଏଥି ସହିତ, ଏହା ଆମକୁ ମନେପକାଇ ଦିଏ ଯେ, ମାନବିକତାର ସମୃଦ୍ଧ ଭବିଷ୍ୟତ ନିଶ୍ଚିତ କରିବାକୁ ସହଯୋଗ ଏବଂ କାର୍ଯ୍ୟାନୁଷ୍ଠାନର ଆବଶ୍ୟକତା ରହିଛି।
Also Read
ଚଳିତ ବର୍ଷର ଥିମ୍:
ମିଳିତ ଜାତିସଂଘର ଜନସଂଖ୍ୟା କୋଷ ପ୍ରତିବର୍ଷ ବିଶ୍ୱ ଜନସଂଖ୍ୟା ଦିବସ ଅବସରରେ ଏକ ଥିମ୍ ପ୍ରଦାନ କରିଥାଏ। ଚଳିତ ବର୍ଷର ବିଷୟବସ୍ତୁ ହେଉଛି 'ଏକ ଏପରି ବିଶ୍ୱର କଳ୍ପନା କର, ଯେଉଁଠାରେ ଆମର ସମସ୍ତ ୮୦୦ କୋଟି ଲୋକଙ୍କ ଭବିଷ୍ୟତ ଆଶା ଏବଂ ସମ୍ଭାବନାରେ ଭରପୂର ଥିବ।'
ଅଧିକ ପଢ଼ନ୍ତୁ: କାହିଁକି ବଢିଚାଲିଛି ଜନସଂଖ୍ୟା; କିପରି ଏଥିରେ ଦିଆଯିବ ଲଗାମ
ଇତିହାସ:
୧୧ ଜୁଲାଇ ୧୯୮୭ରେ ବିଶ୍ୱର ଜନସଂଖ୍ୟା ୫୦୦କୋଟିରେ ପହଞ୍ଚିଥିଲା। ଡକ୍ଟର କେ.ସି ଜାକରିଆ ଏହି ଦିନର ପ୍ରସ୍ତାବ ଦେଇଥିଲେ। ୧୧ ଜୁଲାଇ ୧୯୮୭ରେ ଜନସଂଖ୍ୟା ଯେତେବେଳେ ୫୦୦ କୋଟିରେ ପହଞ୍ଚିଲା, ଏହି ଦିବସକୁ ନେଇ ଚିନ୍ତା କରଯାଇଥିଲା। ପରିବାର ଯୋଜନା, ଲିଙ୍ଗଗତ ସମାନତା, ଦାରିଦ୍ର୍ୟ, ମାତୃ ସ୍ୱାସ୍ଥ୍ୟ ଏବଂ ମାନବିକ ଅଧିକାର ସମେତ ବିଭିନ୍ନ ଜନସଂଖ୍ୟା ସମ୍ବନ୍ଧୀୟ ସମସ୍ୟା ବିଷୟରେ ସଚେତନତା ସୃଷ୍ଟି କରିବା ବିଶ୍ୱ ଜନସଂଖ୍ୟା ଦିବସର ଲକ୍ଷ୍ୟ ରହିଛି।
ମହତ୍ୱ:
ବିଶ୍ୱ ଜନସଂଖ୍ୟା ଦିବସ ସରକାର, ସଂଗଠନ ଏବଂ ବ୍ୟକ୍ତିବିଶେଷଙ୍କୁ ଜନସଂଖ୍ୟା ସମ୍ବନ୍ଧୀୟ ପ୍ରସଙ୍ଗକୁ ପ୍ରାଥମିକତା ଦେବା ଏବଂ ସମସ୍ତଙ୍କ ପାଇଁ ଏକ ସ୍ଥାୟୀ ଭବିଷ୍ୟତ ସୃଷ୍ଟି ଦିଗରେ କାର୍ଯ୍ୟ କରିବାକୁ ମନେପକାଇଥାଏ। ବଢୁଥିବା ବିଶ୍ୱ ଜନସଂଖ୍ୟାର ଆହ୍ୱାନ ଏବଂ ସମାଧାନକୁ ପୂରଣ କରିବା ପାଇଁ ଏହା ସହଯୋଗ, ସଚେତନତା ଏବଂ ନୂତନ ରଣନୀତିର ଆବଶ୍ୟକତା ଉପରେ ମଧ୍ୟ ଗୁରୁତ୍ୱ ଦେଇଥାଏ।