National Nutrition Week: ସକାଳେ ଖାଆନ୍ତୁ ନାହିଁ ଏହିସବୁ ଜିନିଷ; ହୋଇପାରେ ସାଂଘାତିକ ସମସ୍ୟା

ଦେଶରେ ସେପ୍ଟେମ୍ବର ୧ରୁ ଆରମ୍ଭ ହୋଇଥିବା ‘ଜାତୀୟ ପୋଷଣ ସପ୍ତାହ’ ଆଜି ତୃତୀୟ ଦିନରେ ପହଞ୍ଚିଛି। ଦେଶର ପ୍ରତ୍ୟେକ ନାଗରିଙ୍କୁ ସୁସ୍ଥ ରଖିବା ନେଇ ସଚେତନ କରିବା ନେଇ ଏହି ସପ୍ତାହ ପାଳନ କରାଯାଉଛି। ସ୍ୱାସ୍ଥ୍ୟ କଥା ଉଠିଲେ ସାଧାରଣତଃ ମନକୁ ଆସେ କ’ଣ ଖାଇବା ଉଚିତ। କିନ୍ତୁ ସବୁଠାରୁ ବଡ କଥା ହେଲା କ’ଣ ନ ଖାଇବା ସେଥିପ୍ରତି ମଧ୍ୟ ଗୁରୁତ୍ୱ ଦେବା ଜରୁରୀ। ତେବେ ଆସନ୍ତୁ ସେ ବିଷୟରେ ଜାଣିନେବା।

ସାଧାରଣତଃ ସକାଳର ଜଳଖିଆକୁ ଦିନର ସବୁଠାରୁ ଗୁରୁତ୍ୱପୂର୍ଣ୍ଣ ଭୋଜନ ଭାବରେ ବିବେଚନା କରାଯାଏ। ଶରୀରକୁ ସୁସ୍ଥ ଏବଂ ଫିଟ୍ ରଖିବା ପାଇଁ ସ୍ୱାସ୍ଥ୍ୟ ବିଶେଷଜ୍ଞମାନେ ସମସ୍ତଙ୍କୁ ପୁଷ୍ଟିକର ଖାଦ୍ୟ, ଫଳ, ବାଦାମ ଏବଂ ଅଣ୍ଡାକୁ ସକାଳ ଜଳଖିଆରେ ଅନ୍ତର୍ଭୁକ୍ତ କରିବାକୁ ପରାମର୍ଶ ଦିଅନ୍ତି।

ରାତିରେ ୮-୪୦ ଘଣ୍ଟା ପେଟ ଖାଲି ରହିବା ପରେ, ଦିନର ଆରମ୍ଭରୁ ଶରୀର କାମ କରିବା ପାଇଁ ଶକ୍ତି ଆବଶ୍ୟକ କରେ। ଏହା ସହିତ ସକାଳେ ମେଟାବୋଲିଜିମ୍ ସ୍ତର ମଧ୍ୟ ଅଧିକ ସକ୍ରିୟ ହୋଇଥାଏ, ତେଣୁ ଏହି ସମୟରେ ଯେତେ ପୁଷ୍ଟିକର ଖାଦ୍ୟ ଖାଇବା ଶରୀର ପ୍ରତି ଅତି ଉତ୍ତମ ହୋଇଥାଏ।

ଡାଏଟିସିଆନ୍‌ଙ୍କ ମତରେ, ଏକ ଉତ୍ତମ ଜଳଖିଆ ଆପଣଙ୍କୁ ସକ୍ରିୟ, ଶକ୍ତିଶାଳୀ ଅନୁଭବ କରିବାରେ ସାହାଯ୍ୟ କରିଥାଏ। ସଠିକ୍ ପରିମାଣର ପ୍ରୋଟିନ୍, ଭିଟାମିନ୍, ମିନେରାଲ୍ସ ସହିତ ଏକ ସନ୍ତୁଳିତ ଜଳଖିଆ ଆପଣଙ୍କୁ କାମ କରିବାକୁ ଶକ୍ତି ଦେଇଥାଏ। ତେବେ ସକାଳ ଜଳଖିଆର ଖାଦ୍ୟରେ ଯଦି ଭୁଲ ଜିନିଷ ଚୟନ କରାଯାଏ ଏହା ଅନେକ ସମସ୍ୟା ଆଣିଥାଏ।

ତେବେ ଆସନ୍ତୁ ଜାଣିବା କେଉଁ ଜିନିଷ ଜଳଖିଆରେ ଖାଇବା ଉଚିତ୍ ନୁହେଁ।

କଫି ବା ଚା’:

ଯଦି ଆପଣ ଚା’ କିମ୍ବା କଫି ଭଳି ଜିନିଷରୁ ଦିନ ଦିନ ଆରମ୍ଭ କରୁଛନ୍ତି, ତେବେ ସାବଧାନ ହୋଇଯାଆନ୍ତୁ। ସ୍ୱାସ୍ଥ୍ୟ ବିଶେଷଜ୍ଞମାନେ ଏହା ସ୍ୱାସ୍ଥ୍ୟ ପାଇଁ କ୍ଷତିକାରକ ବୋଲି କୁହନ୍ତି। ସକାଳେ ପ୍ରଥମେ କଫି ପିଇବା ଦ୍ୱାରା କର୍ଟିସୋଲ୍‌ ସ୍ତର ବଢିପାରେ; ଏହା ହର୍‌ମୋନ୍ ସ୍ତରକୁ ଅସନ୍ତୁଳନ କରିଦିଏ। ଖାଲି ପେଟରେ ଚା’ ପିଇଲେ ଏସିଡ୍ ହେବାର ଆଶଙ୍କା ମଧ୍ୟ ଅଛି।

ଫଳ ରସ:

ଯଦିଓ ଫଳ ଖାଇବା ସ୍ୱାସ୍ଥ୍ୟ ପାଇଁ ଅନେକ ଉପାୟରେ ଲାଭଦାୟକ, ତେବେ ସ୍ୱାସ୍ଥ୍ୟ ବିଶେଷଜ୍ଞମାନେ ସକାଳେ ଫଳ ରସ ନ ଖାଇବାକୁ ପରାମର୍ଶ ଦିଅନ୍ତି। ଫଳ ରସରେ ପୋଷକ ତତ୍ତ୍ୱ ଏବଂ ଆଣ୍ଟିଅକ୍ସିଡାଣ୍ଟ ଥାଏ, କିନ୍ତୁ ଏଥିରେ ସୁଗାର୍‌ର ମାତ୍ରା ମଧ୍ୟ ଅଧିକ ହୋଇପାରେ, ଅର୍ଥାତ୍ ଏହା ଆପଣଙ୍କ ପେଟ ଭରିବା ପାଇଁ ପର୍ଯ୍ୟାପ୍ତ ହୋଇ ନପାରେ। ତେବେ ସକାଳେ ପ୍ରଥମେ କିଛି ପୁଷ୍ଟିକର ଖାଦ୍ୟ ଖାଇବାର କିଛି ଘଣ୍ଟା ପରେ ଏହାକୁ ଖାଇପାରିବେ।

ଫାଷ୍ଟଫୁଡ୍ କିମ୍ବା ସେକା ଖାଦ୍ୟ:

ଫାଷ୍ଟ-ଜଙ୍କ୍ ଫୁଡ୍ ଖାଇବା ସ୍ୱାସ୍ଥ୍ୟ ପାଇଁ ଅନେକ ପାର୍ଶ୍ୱ ପ୍ରତିକ୍ରିୟା ବୋଲି ବିବେଚନା କରାଯାଏ। ଯଦି ଆପଣ ଏହାକୁ ଜଳଖିଆରେ ଖାଆନ୍ତି ତେବେ ସ୍ୱାସ୍ଥ୍ୟ ଉପରେ ନକାରାତ୍ମକ ପ୍ରଭାବ ପଡିପାରେ। ସାଣ୍ଡ୍‌ୱିଚ୍ କିମ୍ବା କିମା, ହ୍ୟାସ୍ ବ୍ରାଉନ୍ସ ଇତ୍ୟାଦିରେ କ୍ୟାଲୋରୀ, ଚର୍ବି ଏବଂ ପ୍ରକ୍ରିୟାକୃତ କାର୍ବସ୍ ଅଧିକ ଥାଏ। ସକାଳ ଜଳଖିଆରେ ଏହା ଖାଇବା ଦ୍ୱାରା ଶରୀର ପାଇଁ ଅନେକ ଉପାୟରେ କ୍ଷତିକାରକ ହୋଇପାରେ।

ହ୍ୱାଇଟ୍ ବ୍ରେଡ୍:

ହ୍ୱାଇଟ୍ ବ୍ରେଡ୍ କିମ୍ବା ଏଥିରୁ ପ୍ରସ୍ତୁତ ଜିନିଷ ସ୍ୱାସ୍ଥ୍ୟ ପାଇଁ ଅତ୍ୟନ୍ତ କ୍ଷତିକାରକ। ଏହା ସ୍ୱାସ୍ଥ୍ୟ ପାଇଁ ଏକ ଆଦର୍ଶ ବିକଳ୍ପ ନୁହେଁ। ହ୍ୱାଇଟ୍ ବ୍ରେଡ୍‌ ବହୁତ କମ୍ ପୋଷଣ ଦେଇଥାଏ। ଏହା ଆମ ହଜମ ପ୍ରକ୍ରିୟାକୁ ଆହୁରି ଖରାପ ହୋଇପାରେ। ଏହା ବ୍ୟତୀତ ବ୍ରେଡ୍ ପ୍ରାୟତଃ ମଇଦାରୁ ପ୍ରସ୍ତୁତ ହୋଇଥାଏ, ଯେଉଁ କାରଣରୁ ହଜମ ହେବାରେ ସମସ୍ୟା ଆଣିବା ସହିତ ସୁଗାର ସ୍ତର ଏବଂ ମୋଟାପଣ ବୃଦ୍ଧି ହେବାର ଆଶଙ୍କା ଥାଏ। ହ୍ୱାଇଟ୍ ବ୍ରେଡ୍ ବଦଳରେ ବ୍ରାଉନ୍ ବ୍ରେଡ୍ ବ୍ୟବହାର କରାଯାଇପାରେ।