LIVE TV
ରାମନବମୀ ଚୈତ୍ର ଶୁକ୍ଳପକ୍ଷର ନବମୀ ଦିନରେ ପାଳନ କରାଯାଏ। ଚୈତ୍ର ନବରାତ୍ରୀ ମଧ୍ୟ ଏହି ଦିନ ଶେଷ ହୁଏ। ଶାସ୍ତ୍ର ଅନୁଯାୟୀ, ଭଗବାନ ରାମ ଏହି ଦିନ ଜନ୍ମ ହୋଇଥିଲେ, ତେଣୁ ଏହି ଶୁଭ ଦିନକୁ ରାମ ନବମୀ ଭାବରେ ପାଳନ କରାଯାଏ। ଭଗବାନ ଶ୍ରୀରାମ ଭଗବାନ ବିଷ୍ଣୁଙ୍କ ସପ୍ତମ ଅବତାର ବୋଲି ବିବେଚନା କରାଯାଏ।
ଭଗବାନ ଶ୍ରୀରାମଙ୍କର ଅନେକ ଗୁଣ ଥିଲା ଯାହା ତାଙ୍କୁ ମର୍ଯ୍ୟାଦା ପୁରୁଷୋତ୍ତମମ୍ ଅର୍ଥାତ୍ ପୁରୁଷମାନଙ୍କ ମଧ୍ୟରେ ସର୍ବୋତ୍ତମ କରିଦେଇଥିଲା। ଏହି ଗୁଣକୁ ଶାସ୍ତ୍ରୀୟ ଭାଷାରେ ‘କଳା’ ବୋଲି କୁହାଯାଇଛି। ବିଶ୍ୱାସ କରାଯାଏ ଯେ ଶ୍ରୀରାମଙ୍କ ୧୨ କଳା ବା ଗୁଣ ଥିଲା। ତେବେ ଆସନ୍ତୁ ଶ୍ରୀରାମଙ୍କ ଠାରୁ ଏହି ଗୁଣସବୁ ଶିଖିନେବା।
ଆଜି ମଧ୍ୟ ଯେତେବେଳେ ଏକ ଉତ୍ତମ ସନ୍ତାନ, ଭାଇ, ବନ୍ଧୁ କିମ୍ବା ଅନ୍ୟ କୌଣସି ସମ୍ପର୍କର କଥା ଆସେ, ପ୍ରଭୁ ରାମଙ୍କ ଜୀବନ ଲୋକମାନଙ୍କୁ ଅନେକ ଶିକ୍ଷା ଦେଇଥାଏ। ଭଗବାନ ଶ୍ରୀରାମଙ୍କର ଅନେକ ଗୁଣ ଥିଲା ଯାହା ତାଙ୍କୁ ମର୍ଯ୍ୟାଦା ପୁରୁଷୋତ୍ତମ ଅର୍ଥାତ୍ ପୁରୁଷମାନଙ୍କ ମଧ୍ୟରେ ସର୍ବୋତ୍ତମ କରିଦେଇଥିଲା। ଏହି ଗୁଣକୁ ଶାସ୍ତ୍ରୀୟ ଭାଷାରେ ‘କଳା’ ବୋଲି କୁହାଯାଇଛି। ଭାରତୀୟ ଶାସ୍ତ୍ରାନୁସାରେ ଶ୍ରୀରାମ ୧୨ କଳାରେ ଜନ୍ମ ହୋଇଥିଲେ।
Also Read
ଅଧିକ ପଢ଼ନ୍ତୁ: ଅଶୋକାଷ୍ଟମୀ ପଛରେ ମାତା ସୀତାଙ୍କ ସହ ରହିଛି ସମ୍ୱନ୍ଧ; କିପରି ଜାଣନ୍ତୁ…
ଶାସ୍ତ୍ରରେ କଳାର ଅର୍ଥ କିଛି ଅବତାରିତ ଶକ୍ତିର ଏକକକୁ ସୂଚିତ କରେ। କଳାଗୁଡ଼ିକ ସୂର୍ଯ୍ୟ ଏବଂ ଚନ୍ଦ୍ରର ପରିବର୍ତ୍ତିତ ରୂପକୁ ମଧ୍ୟ ବୁଝାଏ। କୁହାଯାଏ 'ସୂର୍ଯ୍ୟ-ଚନ୍ଦ୍ର ହେଉଛନ୍ତି ସାକାର, ଅର୍ଥାତ୍ ଏପରି ଦେବତା ଯାହାଙ୍କୁ ସମସ୍ତେ ଦେଖିପାରନ୍ତି। ବିଜ୍ଞାନ ମଧ୍ୟ ଏହାକୁ ଗ୍ରହଣ କରିଛି। ଆଉ ଏକ ଗୁରୁତ୍ୱପୂର୍ଣ୍ଣ କଥା ହେଉଛି ସୂର୍ଯ୍ୟଙ୍କର ୧୨ କଳା ଥିବାବେଳେ ଚନ୍ଦ୍ରଙ୍କର ୧୬ କଳା ରହିଛି।
ଶ୍ରୀରାମଙ୍କୁ ଭଗବାନ ବିଷ୍ଣୁଙ୍କ ସପ୍ତମ ଅବତାର ବୋଲି ବିବେଚନା କରାଯାଏ, ଯିଏ ୧୨ଟି କଳା ସହିତ ଜଡିତ ଥିଲେ। ଏହାର କାରଣ ହେଲା ଶ୍ରୀରାମ ଜଣେ ସୂର୍ଯ୍ୟବଂଶୀ ଥିଲେ ଏବଂ ସୂର୍ଯ୍ୟଙ୍କର ୧୨ କଳା ଅଛି। ତେଣୁ ବିଶ୍ୱାସ କରାଯାଏ ଯେ ଶ୍ରୀରାମଙ୍କ ପାଖରେ ସୂର୍ଯ୍ୟଦେବଙ୍କ ସମସ୍ତ କଳା ଥିଲା। ତେବେ ଆସନ୍ତୁ ଶ୍ରୀରାମଙ୍କ ଠାରୁ ଏହି ୧୨ କଳା ବା ଗୁଣ ଶିଖିନେବା।
- ବିଦ୍ୟା କଳା - ଯାହାର ବିଦ୍ୟା ଅଛି ସେ ଜ୍ଞାନବାନ। ଜ୍ଞାନ ପାଇବା ଏବଂ ହାସଲ କରିବା ମଧ୍ୟ ଏକ କଳା। ଜ୍ଞାନର ଅନେକ କଳା ମଧ୍ୟ ଅଛି। ଯେପରି ବେଦ ଜ୍ଞାନ, ଯୁଦ୍ଧ କଳା, ରାଜନୀତି କଳା ଇତ୍ୟାଦି
- ବିମଳ କଳା - ଶ୍ରୀରାମଙ୍କ ମନରେ ପ୍ରତାରଣା, ଭେଦଭାବ ନଥିଲା, ସେ ଥିଲେ ନିରପେକ୍ଷ। ତାଙ୍କର କୌଣସି ଦୋଷ ନଥିଲା, ତାଙ୍କର ଚିନ୍ତାଧାରା ଶୁଦ୍ଧ।
- ବ୍ୟକ୍ତିତ୍ୱ - ଜଣେ ବ୍ୟକ୍ତି ଯାହାଙ୍କର କେବଳ ଦର୍ଶନରେ ହିଁ ଆନନ୍ଦ ମିଳେ, ଯାହାଙ୍କ ବ୍ୟକ୍ତିତ୍ୱରେ ଏକ ଭିନ୍ନ ଚମକ ଥାଏ।
- କାନ୍ତି କଳା - ଯାହାଙ୍କ ଚେହେରା ଦେଖିବା ମାତ୍ରେ ଜଣେ ହଜିଯାଏ, ତାଙ୍କ ସୌନ୍ଦର୍ଯ୍ୟ ଦ୍ୱାରା ପ୍ରଭାବିତ ହୁଏ। ସେଥିପାଇଁ ତ ଶ୍ରୀରାମଙ୍କୁ ଦେଖି ଋଷିମାନେ ମଧ୍ୟ ତାଙ୍କୁ ପତି ଭାବେ ଗ୍ରହଣ କରିବାକୁ ନେହୁରା ହୋଇଥିଲେ।
- ଉତ୍କର୍ଷିଣୀ ଶକ୍ତି - ଯିଏ ଅନ୍ୟମାନଙ୍କୁ ପ୍ରେରଣା ଦିଏ, ସେମାନଙ୍କୁ ନିଜ କର୍ତ୍ତବ୍ୟ ଆଡକୁ ଜାଗ୍ରତ କରେ, ଯିଏ ଅନ୍ୟମାନଙ୍କୁ ସେମାନଙ୍କର ଲକ୍ଷ୍ୟ ହାସଲ କରିବାକୁ ଉତ୍ସାହିତ କରେ ଏବଂ ସେମାନଙ୍କୁ ମାର୍ଗଦର୍ଶନ କରେ।
- ନୀର-କ୍ଷୀର ବିବେକ - ଯିଏ ନିଜ ଜ୍ଞାନ ବଳରେ କେବଳ ନିଷ୍ପତ୍ତି ନିଏ। ଯିଏ ବିବେକଶୀଳ ଏବଂ ଲୋକଙ୍କ ପାଇଁ ସଠିକ୍ ମାର୍ଗ ପରାମର୍ଶ ଦେବାକୁ ସକ୍ଷମ।
- କର୍ମଣ୍ୟତା - ଯିଏ କେବଳ ପରାମର୍ଶ ଦିଏ ନାହିଁ ବରଂ ସେହି ପରାମର୍ଶକୁ ନିଜେ ମଧ୍ୟ ଅନୁସରଣ କରେ।
- ଯୋଗଶକ୍ତି - ଯୋଗ ଓ ଆଧ୍ୟାତ୍ମିକ ଶକ୍ତିରେ ନିପୂଣ। ଯିଏ ଆତ୍ମାକୁ ପରମାତ୍ମାଙ୍କ ସହିତ ଯୋଡିଥାଏ। ଯୋଗ ମଧ୍ୟ ଏକ କଳା।
- ସତ୍ୟର ଧାରଣା - ସତ କହିବା ସମସ୍ତଙ୍କ ଶକ୍ତିରେ ନାହିଁ। ଯଦି ଜଣେ ଆଘାତପାଏ ବା ଖରାପ ଅନୁଭବ କରେ ତେବେ ମିଥ୍ୟା କୁହେ। କିନ୍ତୁ ଯେଉଁମାନେ ସତ୍ୟର ରାସ୍ତା ବାଛନ୍ତି ସେମାନେ କଠିନ ପରିସ୍ଥିତିରେ ମଧ୍ୟ ସତ୍ୟକୁ ଛାଡନ୍ତି ନାହିଁ।
- ବିନୟ କଳା - ଜଣେ ସର୍ବଜ୍ଞ, ସର୍ବଶକ୍ତିମାନ ହୋଇ ମଧ୍ୟ ଯଦି ଅହଂକାର ତାଙ୍କ ସ୍ପର୍ଶ କରେ ନାହିଁ। ସେମାନଙ୍କ ବ୍ୟକ୍ତିତ୍ୱ ସବୁବେଳେ ଶାଳିନତାପୂର୍ଣ୍ଣ।
- ଆଧିପତ୍ୟ - ଜଣେ କାହା ଉପରେ ବଳ ପ୍ରୟୋଗ କରି ନିଜର କର୍ତ୍ତୃତ୍ୱ ପ୍ରତିଷ୍ଠା କରିବା ଉଚିତ ନୁହେଁ, ଲୋକମାନେ ତାଙ୍କର ଅଧିକାରକୁ ଗ୍ରହଣ କରିବା ଉଚିତ ଏବଂ ତାଙ୍କୁ ସେମାନଙ୍କର ଗୁରୁ ବୋଲି ଭାବିବା ଉଚିତ। ଯାହାଙ୍କ ଆଧିପତ୍ୟରେ ଲୋକମାନେ ନିଜକୁ ସୁରକ୍ଷିତ ମନେକରନ୍ତି।
- ଦୟାଳୁ କଳା - ଯିଏ ଅନ୍ୟମାନଙ୍କ କଲ୍ୟାଣ ପାଇଁ କାମ କରେ, ଦାନ କରେ, ଅନ୍ୟମାନଙ୍କୁ ସାହାଯ୍ୟ କରିବା ପାଇଁ ନିଜର ଦକ୍ଷତାକୁ ବ୍ୟବହାର କରେ।
ଅଧିକ ପଢ଼ନ୍ତୁ: ମଶାଣିରେ କାହିଁକି ରୁହନ୍ତି ଭଗବାନ ଶିବ; ସମାଜକୁ ଦିଅନ୍ତି ଜୀବନର କେଉଁ ବାର୍ତ୍ତା
