Lala Lajpat Rai Birthday 2025: ଲାଲା ଲଜପତଙ୍କ ସ୍ଲୋଗାନରେ ଥରି ଉଠିଥିଲା ବ୍ରିଟିଶ୍ ସାମ୍ରାଜ୍ୟ

ଲାଲା ଲଜପତ ରାୟ ୨୮ ଜାନୁୟାରୀ ୧୮୬୫ରେ ପଞ୍ଜାବର ମୋଙ୍ଗା ଜିଲ୍ଲାରେ ଜନ୍ମଗ୍ରହଣ କରିଥିଲେ। ତାଙ୍କ ବାପାଙ୍କ ନାମ ମୁନ୍‌ସି ରାଧା କୃଷ୍ଣ ଆଜାଦ ଏବଂ ମାଆଙ୍କ ନାମ ଗୁଲାବ ଦେବୀ। ତାଙ୍କ ବାପା ପାରସ୍ୟ ଏବଂ ଉର୍ଦ୍ଦୁର ଜଣେ ମହାନ ପଣ୍ଡିତ ଏବଂ ମାଆ ଜଣେ ଧାର୍ମିକ ମହିଳା ଥିଲେ। ଲାଲାଜୀଙ୍କ ବାପା ରେୱାଡି ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଶିକ୍ଷକ ଥିଲେ।

ଦେଶର ସମ୍ମାନ ଓ ଗୌରବ ରକ୍ଷା କରିବା ପାଇଁ ପଞ୍ଜାବର ମାଟିରେ ଅନେକ ବୀର ଜନ୍ମ ହୋଇଛନ୍ତି। ସେମାନଙ୍କ ମଧ୍ୟରୁ ଲାଲା ଲଜପତ ରାୟ ଜଣେ। ସେ ଦେଶର ସ୍ୱାଧୀନତା ଆନ୍ଦୋଳନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଲାଲା ଲଜପତ ରାୟ ଅନେକ ପ୍ରମୁଖ ଆନ୍ଦୋଳନରେ ଭାଗ ନେଇଥିଲେ।

ସ୍ୱତନ୍ତ୍ର ପରିଚୟ:

ସାଇମନ୍ କମିଶନଙ୍କ ବିରୋଧରେ ତାଙ୍କର ଆନ୍ଦୋଳନ ତାଙ୍କୁ ଏକ ସ୍ୱତନ୍ତ୍ର ପରିଚୟ ଦେଇଥିଲା। ଯେତେବେଳେ ୦୩ ଫେବୃଆରୀ ୧୯୨୮ରେ ସାଇମନ୍ କମିଶନ ଭାରତ ଆସିଥିଲେ, ସେତେବେଳେ ଏହାକୁ ନେଇ ସମଗ୍ର ଦେଶରେ ନିଆଁ ଜଳିଥିଲା।

ସେତେବେଳେ ଲାଲା ଲଜପତ ରାୟ ଲାହୋରରେ ଏହି ଆନ୍ଦୋଳନର ନେତୃତ୍ୱ ନେଇଥିଲେ। ବ୍ରିଟିଶ ସରକାର ତାଙ୍କ ଆନ୍ଦୋଳନ ଦ୍ୱାରା କମ୍ପିତ ହୋଇଥିଲା। ଇଂରେଜମାନେ ବିଦ୍ରୋହୀଙ୍କ ଉପରେ ଲାଠି ଚାର୍ଜ କରିଥିଲେ। ଏହା ବିରୋଧରେ ପଞ୍ଜାବ କେଶରୀ ଲାଲା ଲଜପତ ରାୟ ୧୭ ନଭେମ୍ବର ୧୯୨୮ରେ ଶହୀଦ ହୋଇଥିଲେ।

ପିଲାଦିନରୁ ରାଷ୍ଟ୍ର ସେବା ପ୍ରତି ତାଙ୍କର ଆଗ୍ରହ ଥିଲା। ସେ ଦେଶକୁ ବ୍ରିଟିଶ ଶାସନରୁ ମୁକ୍ତ କରିବାକୁ ଶପଥ ନେଇଥିଲେ। ତାଙ୍କ କଲେଜ ସମୟରେ ସେ ଦେଶପ୍ରେମୀ ତଥା ସ୍ୱାଧୀନତା ସଂଗ୍ରାମୀ ଲାଲ୍‌ ହଂସ ରାଜ ଏବଂ ପଣ୍ଡିତ ଗୁରୁ ଦତ୍ତଙ୍କ ସଂପର୍କରେ ଆସିଥିଲେ। ବ୍ରିଟିଶମାନଙ୍କଠାରୁ ଦେଶକୁ ମୁକ୍ତ କରିବା ପାଇଁ ସେ ଏକ ବୈପ୍ଳବିକ ମାର୍ଗ ଗ୍ରହଣ କରିବା ସପକ୍ଷରେ ଥିଲେ।

ତାଙ୍କର ନୀତି ଭାରତୀୟ ଜାତୀୟ କଂଗ୍ରେସ ବିରୋଧରେ ଥିଲା। ବିପିନ ଚନ୍ଦ୍ର ପାଲ, ଅରବିନ୍ଦ ଘୋଷ ଏବଂ ବାଲ ଗଙ୍ଗାଧର ତିଲକଙ୍କ ସହ ସେ ମଧ୍ୟ ବିଶ୍ୱାସ କରୁଥିଲେ ଯେ କଂଗ୍ରେସର ନୀତି ନକାରାତ୍ମକ ପ୍ରଭାବ ପକାଉଛି। ସେ ସମ୍ପୂର୍ଣ୍ଣ ସ୍ୱରାଜଙ୍କୁ ସମର୍ଥନ କରୁଥିଲେ।

ଓକିଲାତି ଛାଡି ରାଜନୀତି:

ଲଜପତ ରାୟ ଓକିଲାତି ଛାଡି ଭାରତକୁ ମୁକ୍ତ କରିବା ପାଇଁ ନିଜର ସମସ୍ତ ଶକ୍ତି ଉତ୍ସର୍ଗ କରିଥିଲେ। ସେ ଅନୁଭବ କରିଥିଲେ ଯେ ବ୍ରିଟିଶ ଶାସନର ଅତ୍ୟାଚାରକୁ ସାରା ବିଶ୍ୱକୁ ଜଣାଇବାର ଅଛି। ଏହା ଦ୍ୱାରା ଅନ୍ୟ ଦେଶରୁ ସହଯୋଗ ମିଳିପାରେ।

ଏହି ବିଚାରରେ ଲାଲା ଲଜପତ ରାୟ ୧୯୧୪ ରେ ବ୍ରିଟେନ ଏବଂ ପରେ ୧୯୧୭ରେ ଆମେରିକା ଯାଇଥିଲେ। ଅକ୍ଟୋବର, ୧୯୧୭ରେ ସେ ନ୍ୟୁୟର୍କରେ ଇଣ୍ଡିଆନ୍ ହୋମ୍ ରୁଲ୍ ଲିଗ୍ ପ୍ରତିଷ୍ଠା କରିଥିଲେ। ଏହା ପରେ ସେ ୧୯୧୭ରୁ ୧୯୨୦ ପର୍ଯ୍ୟନ୍ତ ଆମେରିକାରେ ରହିଥିଲେ।

ପିଲାଦିନର ହୃଦୟସ୍ପର୍ଶୀ କାହାଣୀ:

ଥରେ ସ୍କୁଲ୍ ପିକ୍‌ନିକ୍‌ରେ ଲାଲା ଲଜପତ ରାୟ ଯାଇଥିଲେ। ପରିବାର ଖୁବ୍ ଗରିବ ଥିବାରୁ ପିକ୍‌ନିକ୍‌କୁ ନେଇଯିବା ପାଇଁ ମା’ କିଛି ତିଆରି କରିପାରୁ ନଥିଲେ।

ତାଙ୍କ ବାପା ଯେତେବେଳେ ଏ କଥା ଜାଣିଇଲେ ଯେତେବେଳେ ସେ ପଡ଼ୋଶୀଙ୍କ ଘରକୁ ଧାର ମାଗିବାକୁ ଯାଉଥିଲେ। ଲାଲା ଦେଖି କେହିଲେ, ବାପା! ଋଣ ପାଇଁ ଯାଆନ୍ତୁ ନାହିଁ, ମୁଁ ଏମିତିରେ ବି ପିକ୍‌ନିକ୍ ଯିବାକୁ ଚାହୁଁ ନଥିଲି। ଯଦିଓ ମୋତେ ଯିବାକୁ ହେଉଛି, ଘରେ ତ ଖଜୁରୀ ଅଛି, ମୁଁ ତାକୁ ନେଇଯିବି।

ବ୍ରିଟିଶ ବିରୋଧରେ ପ୍ରଥମ ସ୍ଲୋଗାନ:

ବହୁତ କମ ଲୋକ ଜାଣିଥିବେ ଯେ ବ୍ରିଟିଶଙ୍କୁ ଦେଶ ଛାଡିବାର ସ୍ଲୋଗାନ ପ୍ରଥମେ ଲାଲା ଲଜପତ ରାୟ ହିଁ ଦେଇଥିଲେ। ସାଇମନ୍ କମିଶନଙ୍କୁ ବିରୋଧ କରୁଥିବାବେଳେ ସେ ଏହି ସ୍ଲୋଗାନ୍‌ ଦେଇଥିଲେ। ଲାଲା ଲଜପତ ରାୟ ତାଙ୍କର ଶେଷ ଭାଷଣରେ କହିଥିଲେ, “ମୋ ଦେହରେ ଲାଗିଥିବା ପ୍ରତ୍ୟେକ କ୍ଷତ ବ୍ରିଟିଶ ସାମ୍ରାଜ୍ୟ କଫିନ୍‌ର ନଖ ହୋଇଯିବ।” ପରେ ତାଙ୍କ କଥା ସଠିକ ପ୍ରମାଣିତ ହେଲା। ଏହା ପରେ ବ୍ରିଟିଶ ସରକାରଙ୍କ ଓଲଟା ଗଣନା ଆରମ୍ଭ ହୋଇଗଲା।