ଆଜିକାଲି ମହିଳାମାନଙ୍କୁ ସମାନ ଅଧିକାର ଏବଂ ସମ୍ମାନ ପ୍ରଦାନ ପାଇଁ ଅନେକ ପ୍ରୟାସ କରାଯାଉଛି। ତଥାପି, ସମାଜ ଏବଂ ଜାତିର ବିକାଶ କେବଳ ମହିଳା କିମ୍ବା କେବଳ ପୁରୁଷଙ୍କ ଉପରେ ନିର୍ଭର କରେ ନାହିଁ। ଏଥିପାଇଁ ଉଭୟ ପୁରୁଷ ଏବଂ ମହିଳାଙ୍କ ଗୁରୁତ୍ୱ ଏବଂ ଅବଦାନର ଆବଶ୍ୟକତା ରହିଛି।
ମହିଳା ସଶକ୍ତିକରଣ ଦିଗରେ ଅନେକ କାର୍ଯ୍ୟ କରାଯାଉ ଥିଲେ ମଧ୍ୟ ପୁରୁଷମାନଙ୍କ କଲ୍ୟାଣ ଏବଂ ସ୍ୱାସ୍ଥ୍ୟ ବିଷୟରେ ସଚେତନତା ସୃଷ୍ଟି କରିବାର ଆବଶ୍ୟକତା ମଧ୍ୟ ଅଛି।
Also Read
ଅଧିକ ପଢ଼ନ୍ତୁ: Health Tips: ଏମିତି ବ୍ୟବହାର କରନ୍ତୁ ଜାମୁକୋଳି ପାଉଡର; ମଧୁମେହ ଦୂର ହେବ, ଚୁଟି କଳା ହେବ
ଏନେଇ ମାନସିକ ବିକାଶ, ଲିଙ୍ଗଗତ ସମାନତା ଏବଂ ପୁରୁଷମାନଙ୍କର ସକରାତ୍ମକ ଗୁଣକୁ ପ୍ରଶଂସା କରିବା ଲକ୍ଷ୍ୟରେ ପ୍ରତିବର୍ଷ ‘ଆନ୍ତର୍ଜାତୀୟ ପୁରୁଷ ଦିବସ’ ପାଳନ କରାଯାଏ। ପୁରୁଷମାନେ ଜାତି, ସମାଜ ଏବଂ ପରିବାରର ଏକ ମଜବୁତ୍ ସ୍ତମ୍ଭ।
ତେବେ ଏହି ମାଧ୍ୟମରେ, ଆସନ୍ତୁ ଜାଣିବା ପୁରୁଷ ଦିବସ ପାଳନ କରିବାର ମୁଖ୍ୟ କାରଣ କ’ଣ? ‘ଆନ୍ତର୍ଜାତୀୟ ପୁରୁଷ ଦିବସ’ ପାଳନ କେବେ ଏବଂ କାହିଁକି ଆରମ୍ଭ ହେଲା, ଏହି ଦିନର ମହତ୍ତ୍ୱ ଏବଂ ଥିମ୍ କ’ଣ ଜାଣିବା।
କେବେ ହୁଏ ପାଳନ:
ପ୍ରତିବର୍ଷ ୧୯ ନଭେମ୍ବରରେ ‘ଆନ୍ତର୍ଜାତୀୟ ପୁରୁଷ ଦିବସ’ ପାଳନ କରାଯାଏ। ୬୦ରୁ ଅଧିକ ଦେଶ ପୁରୁଷ ଦିବସ ପାଳନ କରନ୍ତି। ଏହି ଅବସରରେ ଅନେକ ପ୍ରକାରର ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଥାଏ।
ଇତିହାସ:
୧୯୨୩ ମସିହାରେ ପ୍ରଥମ ଥର ପାଇଁ ପୁରୁଷ ଦିବସ ପାଳନ କରିବାର ଦାବି କରାଯାଇଥିଲା। ଆନ୍ତର୍ଜାତୀୟ ମହିଳା ଦିବସ ଅବସରରେ, ଫେବୃଆରୀ ୨୩ରେ ସର୍ବଭାରତୀୟ ସ୍ତରରେ ପୁରୁଷ ଦିବସ ପାଳନ କରିବାକୁ ଏକ ଦାବି କରାଯାଇଥିଲା। ଏଥିପାଇଁ ଆମେରିକା, ଅଷ୍ଟ୍ରେଲିଆ ଏବଂ ମାଲ୍ଟାର ସଂଗଠନଗୁଡ଼ିକୁ ନିମନ୍ତ୍ରଣ କରାଯାଇଥିଲା।
ଓଷ୍ଟର ଦୁଇ ବର୍ଷ ଧରି ପୁରୁଷ ଦିବସ କାର୍ଯ୍ୟକ୍ରମ ଆୟୋଜନ କରିଥିଲା। ୧୯୯୫ ପର୍ଯ୍ୟନ୍ତ, ବହୁତ କମ୍ ସଂସ୍ଥା ଏହି ଆୟୋଜନର ଅଂଶ ହୋଇଥିଲେ। ଫଳରେ ଇଭେଣ୍ଟ ବନ୍ଦ ହୋଇଯାଇଥିଲା।
ପ୍ରଥମ ଥର ପାଇଁ କେବେ ପାଳନ କରାଯାଇଥିଲା:
ତ୍ରିନିଦାଦ ଏବଂ ଟୋବାଗୋରେ ଥିବା ୱେଷ୍ଟ୍ଇଣ୍ଡିଜ୍ ବିଶ୍ୱବିଦ୍ୟାଳୟର ଇତିହାସ ପ୍ରଫେସର ଡକ୍ଟର ଜେରୋମ ତିଲକ ସିଂହ ୧୯୯୯ରେ ପ୍ରଥମ ଥର ପାଇଁ ୧୯ ନଭେମ୍ବରରେ ପୁରୁଷ ଦିବସ ପାଳନ କରିଥିଲେ।
ତାଙ୍କ ବାପାଙ୍କ ଜନ୍ମଦିନ ଅବସରରେ ପ୍ରଫେସର ଏହି ଦିନ ପାଳନ କରିଥିଲେ। ସେ ପୁରୁଷମାନଙ୍କୁ ନେଇ ପ୍ରସଙ୍ଗ ଉଠାଇବାକୁ ଲୋକଙ୍କୁ ଉତ୍ସାହିତ କରିଥିଲେ। ୧୯ ନଭେମ୍ବର ୨୦୦୭ରେ ପ୍ରଥମ ଥର ପାଇଁ ‘ଆନ୍ତର୍ଜାତୀୟ ପୁରୁଷ ଦିବସ’ ପାଳନ କରାଯାଇଥିଲା।
ଚଳିତ ବର୍ଷର ଥିମ୍:
ଏକ ସ୍ୱତନ୍ତ୍ର ଥିମ୍ ଆଧାରରେ ପ୍ରତିବର୍ଷ ‘ଆନ୍ତର୍ଜାତୀୟ ପୁରୁଷ ଦିବସ’ ପାଳନ କରାଯାଏ। ଚଳିତ ବର୍ଷର ଥିମ୍ ହେଉଛି "ପୁରୁଷ ସ୍ୱାସ୍ଥ୍ୟ ଚାମ୍ପିଅନ୍ସ"(Men's Health Champions)" । ଏହି ଥିମ୍ ବାଳକ ଏବଂ ପୁରୁଷଙ୍କ ସ୍ୱାସ୍ଥ୍ୟରେ ଉନ୍ନତି ଉପରେ ଧ୍ୟାନ କେନ୍ଦ୍ରିତ କରୁଛି।
ଜଣେ ପୁରୁଷ ଏ ସମାଜ ପାଇଁ ଆଦର୍ଶ ହୋଇଥାଏ। ତେବେ ଏହି ଆଦର୍ଶ ପୁରୁଷ ହେବା ପାଇଁ ଜଣଙ୍କ ପାଖରେ କେଉଁସବୁ ସକାରାତ୍ମକ ଗୁଣ ରହିବା ଜରୁରୀ ଆସନ୍ତୁ ଜାଣିବା।
ସହାନୁଭୂତି - ଅନ୍ୟମାନଙ୍କ ଭାବନାକୁ ବୁଝିବା ଏବଂ ତାଙ୍କୁ ସମର୍ଥନ କରିବା ଜରୁରୀ। ଜଣେ ଆଦର୍ଶ ବ୍ୟକ୍ତି ଅନ୍ୟମାନଙ୍କୁ ଭଲ ଭାବରେ ଶୁଣେ, ଦୟା ଦେଖାଏ ଏବଂ ଆବଶ୍ୟକ ସମୟରେ ସାହାଯ୍ୟ କରେ।
ସହନଶୀଳତା - ପ୍ରତିକୂଳ ପରିସ୍ଥିତିକୁ ଦୂର କରିବା ଏବଂ ଏକ ସକରାତ୍ମକ ମନୋଭାବ ବଜାୟ ରଖିବାର କ୍ଷମତା ରହିବା ଉଚିତ। ଏହି ଗୁଣ ଅନ୍ୟମାନଙ୍କୁ ବିପଦ ବେଳେ ସାହସ ଜୁଟେଇବାକୁ ପ୍ରେରଣା ଦିଏ।
ସଚ୍ଚୋଟତା - ପରିସ୍ଥିତି ଯେତେ କଷ୍ଟ ହେଉନା କାହିଁକି ସଚ୍ଚୋଟତା ଏବଂ ନୈତିକ ମୂଲ୍ୟବୋଧ ସହିତ କାମ କରିବା ହେଉଛି ପୁରୁଷପଣିଆ। ସଚ୍ଚୋଟତା ବିଶ୍ୱାସ ଏବଂ ସମ୍ମାନ ବୃଦ୍ଧି କରେ, ଯାହା ଏକ ସକରାତ୍ମକ ପ୍ରଭାବ ପକାଇବା ପାଇଁ ଜରୁରୀ।
ଦୟା - ଅନ୍ୟମାନଙ୍କ କଲ୍ୟାଣ ପାଇଁ ସତ୍ ଚିନ୍ତା ଏବଂ ସେମାନଙ୍କୁ ସାହାଯ୍ୟ କରିବାର ଇଚ୍ଛା ରହିବା ଆବଶ୍ୟକ। ଦୟାଳୁ ବ୍ୟକ୍ତିମାନେ ସେମାନଙ୍କ ଆଖପାଖରେ ଥିବା ଲୋକଙ୍କ ଜୀବନରେ ଉନ୍ନତି ଆଣିବା ପାଇଁ କାମ କରନ୍ତି।
ଦାୟିତ୍ୱବୋଧ - ନିଜ କାମ ଏବଂ ନିଷ୍ପତ୍ତି ପାଇଁ ଦାୟୀ ହେବା। ଏହା ଅନ୍ୟମାନଙ୍କୁ ଦାୟିତ୍ୱବାନ ହେବା ଏବଂ ନିଜ ଭୁଲକୁ ଗ୍ରହଣ କରିବାର ଗୁରୁତ୍ୱପୂର୍ଣ୍ଣ ଶିକ୍ଷା ଦିଏ।
ନେତୃତ୍ୱ - ଉଦାହରଣ ହୋଇ ଅନ୍ୟମାନଙ୍କୁ ପ୍ରେରଣା ଦେବା ଏବଂ ସେମାନଙ୍କୁ ସେମାନଙ୍କର ସାମର୍ଥ୍ୟରେ ପହଞ୍ଚେଇବାରେ ସାହାଯ୍ୟ କରିବାର ଗୁଣ ଜଣେ ପୁରୁଷ ପାଖରେ ରହିବା ଉଚିତ। ଏକ ସକରାତ୍ମକ ଆଦର୍ଶ ଅନ୍ୟମାନଙ୍କୁ ସେମାନଙ୍କ ଜୀବନରେ ସକରାତ୍ମକ ପରିବର୍ତ୍ତନ ଆଣିବାକୁ ପ୍ରେରଣା ଦିଏ।