International Girl Child Day: କେଉଁମାନେ କରିପାରିବେ ସୁକନ୍ୟା ସମୃଦ୍ଧି ଯୋଜନା; କ’ଣ ମିଳିବ ଲାଭ

‘ଆନ୍ତର୍ଜାତୀୟ ଶିଶୁ କନ୍ୟା ଦିବସ’ ପ୍ରତିବର୍ଷ ୧୧ ଅକ୍ଟୋବରରେ ସମଗ୍ର ବିଶ୍ୱରେ ପାଳନ କରାଯାଏ। ଏହାକୁ ଝିଅମାନଙ୍କର ସୁସ୍ଥ ଜୀବନ, ​​ଶିକ୍ଷା ଏବଂ ବୃତ୍ତି ପାଇଁ ପଥ ସୃଷ୍ଟି କରିବା ଉଦ୍ଦେଶ୍ୟରେ ପାଳନ କରାଯାଏ। ଏହି ଦିନ ମହିଳାମାନଙ୍କୁ ସେମାନଙ୍କର ଅଧିକାର ଏବଂ ମହିଳା ସଶକ୍ତିକରଣ ବିଷୟରେ ଅବଗତ କରାଯାଏ। ଆଜିକାଲି ଭାରତ ସମେତ ଅନେକ ଦେଶରେ ମହିଳାମାନଙ୍କୁ ଅନେକ ଆହ୍ୱାନର ସମ୍ମୁଖୀନ ହେବାକୁ ପଡୁଛି।

‘ଆନ୍ତର୍ଜାତୀୟ ଶିଶୁ କନ୍ୟା ଦିବସ’ର ଉଦ୍ଦେଶ୍ୟ ହେଉଛି କନ୍ୟା ସନ୍ତାନର ଜନ୍ମରୁ ନେଇ ପରିବାରରେ ତାଙ୍କର ସ୍ଥିତି, ଶିକ୍ଷା ତଥା ବୃତ୍ତିରେ ଥିବା ପ୍ରତିବନ୍ଧକକୁ ହଟାଇବା ପାଇଁ ସଚେତନତା ସୃଷ୍ଟି କରିବା।

ଇତିହାସ:

ଏକ ବେସରକାରୀ ସଂଗଠନ ଆନ୍ତର୍ଜାତୀୟ ପ୍ରକଳ୍ପ ଭାବରେ ଶିଶୁ କନ୍ୟା ଦିବସ ପାଳନ କରିବା ଆରମ୍ଭ କଲା। ଏହି ସଂସ୍ଥା ଏହି 'କାରଣ ମୁଁ ଜଣେ ଝିଅ' ନାମରେ ଏକ ଅଭିଯାନ ଆରମ୍ଭ କଲା। ଏହି ଅଭିଯାନକୁ ଆନ୍ତର୍ଜାତୀୟ ସ୍ତରରେ ବିସ୍ତାର କରିବାକୁ କାନାଡା ସରକାରଙ୍କ ନିକଟକୁ ଏକ ପ୍ରସ୍ତାବ ଆସିଲା।

ଏକ ସାଧାରଣ ସଭାରେ ‘ଆନ୍ତର୍ଜାତୀୟ ଶିଶୁ କନ୍ୟା ଦିବସ’ ପାଳନ କରିବାକୁ କାନାଡା ସରକାର ପ୍ରସ୍ତାବ ଦେଇଥିଲେ। ମିଳିତ ଜାତିସଂଘ ୧୯ ଡିସେମ୍ବର ୨୦୧୧ରେ ଏହି ପ୍ରସ୍ତାବକୁ ପାରିତ କଲା। ଏହା ପରେ ମିଳିତ ଜାତିସଂଘ ୧୧ ଅକ୍ଟୋବରରେ ‘ଶିଶୁ କନ୍ୟା ଦିବସ’ ପାଳନ କରିବାକୁ ନିଷ୍ପତ୍ତି ନେଇଥିଲା ଏବଂ ୧୧ ଅକ୍ଟୋବର ୨୦୧୨ରେ ପ୍ରଥମ ଥର ପାଇଁ ‘ଆନ୍ତର୍ଜାତୀୟ ଶିଶୁ କନ୍ୟା ଦିବସ’ ପାଳନ କରାଯାଇଥିଲା।

ଉଦ୍ଦେଶ୍ୟ:

ଏହି ବିଶେଷ ଦିବସ ପାଳନ କରିବାର ମୁଖ୍ୟ ଉଦ୍ଦେଶ୍ୟ ହେଉଛି ନାରୀ ଶକ୍ତିକୁ ବୃଦ୍ଧି କରିବା। ଝିଅମାନଙ୍କ ଜୀବନର ବିକାଶ ଏବଂ ମହିଳାମାନେ ସମ୍ମୁଖୀନ ହେଉଥିବା ଆହ୍ୱାନଗୁଡିକ ବିଷୟରେ ଲୋକଙ୍କୁ ଅବଗତ କରାଇବା। ଏହା ସହିତ ମହିଳାମାନଙ୍କୁ ଆତ୍ମନିର୍ଭରଶୀଳ ହେବାକୁ ପଡ଼ିବ, ଯାହାଦ୍ୱାରା ମହିଳାମାନେ ମଧ୍ୟ ଦେଶ ଏବଂ ସମାଜର ବିକାଶରେ ଯୋଗଦାନ କରିପାରିବେ। ସେମାନଙ୍କୁ ସମ୍ମାନ ଏବଂ ଅଧିକାର ଦେବା ପାଇଁ ‘ଆନ୍ତର୍ଜାତୀୟ ଶିଶୁ କନ୍ୟା ଦିବସ’ ଅବସରରେ ଅନେକ ଦେଶରେ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଥାଏ।

ମହିଳାଙ୍କ ସୁରକ୍ଷା ପାଇଁ ମଧ୍ୟ ଭାରତ ସରକାର ଅନେକ ପକ୍ଷକ୍ଷେପ ହାତକୁ ନେଇଛନ୍ତି। ମହିଳାଙ୍କ ବିକାଶ ପାଇଁ ଅନେକ ଯୋଜନା ମଧ୍ୟ କରିଛନ୍ତି। ଏହିସବୁ ଯୋଜନା ମଧ୍ୟରେ ଗୋଟିଏ ହେଲା ‘ସୁକନ୍ୟା ସମୃଦ୍ଧି ଯୋଜନା’। ତେବେ ଆସନ୍ତୁ ଜାଣିନେବା କେଉଁମାନେ ଏଥିପାଇଁ ଯୋଗ୍ୟ ଓ କ’ଣ ରହିଛି ଏଥିରେ ଲାଭ ।

ସୁକନ୍ୟା ସମୃଦ୍ଧି ଯୋଜନା(SSY) ପାଇଁ ଯୋଗ୍ୟତା:

• ସୁକନ୍ୟା ସମୃଦ୍ଧି ଯୋଜନା ଖାତା କେବଳ ଝିଅମାନଙ୍କ ନାମରେ ବାପାମାଆ କିମ୍ବା ଆଇନଗତ ଭାବେ ବୈଧ ଅଭିଭାବକମାନେ ଖୋଲି ପାରିବେ
• ଖାତା ଖୋଲିବା ସମୟରେ କନ୍ୟା ସନ୍ତାନଙ୍କର ବୟସ ୧୦ ବର୍ଷରୁ କମ୍ ହେବା ଉଚିତ
• ଗୋଟିଏ ଝିଅ ପାଇଁ ଏକରୁ ଅଧିକ ସୁକନ୍ୟା ସମୃଦ୍ଧି ଆକାଉଣ୍ଟ ଖୋଲାଯାଇପାରିବ ନାହିଁ
• ଗୋଟିଏ ପରିବାରକୁ କେବଳ ଦୁଇଟି SSY ଖାତା ଖୋଲିବାକୁ ଅନୁମତି ମିଳିବ
• ଯଦି ଯାଆଁଳା ବା ତିନି ଝିଅ ଜନ୍ମ ପୂର୍ବରୁ ଜଣେ ଝିଅର ଜନ୍ମ ହୋଇଥାଏ କିମ୍ବା ପୂର୍ବରୁ ଏକାବେଳେ ତିନି ଜଣ କନ୍ୟା ଜନ୍ମ ହୋଇଥାନ୍ତି ତେବେ ତୃତୀୟ ଖାତା ଖୋଲାଯାଇପାରିବ
• ଯଦି ଯାଆଁଳା ବା ତିନି ଝିଅ ଜନ୍ମ ପରେ ଆଉ ଏକ ଝିଅ ଜନ୍ମ ହୁଏ, ତେବେ ତୃତୀୟ SSY ଖାତା ଖୋଲାଯାଇ ପାରିବ ନାହିଁ

ବିନିଯୋଗର ଲାଭ:

‘ବେଟି ବଚାଓ ବେଟି ପାଢାଓ’ ଯୋଜନାର ଏକ ଅଂଶ ଭାବରେ ଆରମ୍ଭ ହୋଇଥିବା ‘ସୁକନ୍ୟା ସମୃଦ୍ଧି ଯୋଜନା’ ବିଭିନ୍ନ ସୁବିଧା ପ୍ରଦାନ କରିଥାଏ। ଏହି ଯୋଜନାର କେତେକ ପ୍ରମୁଖ ଲାଭ ହେଉଛି:

ଉଚ୍ଚ ସୁଧ ହାର 

PPY ପରି ଅନ୍ୟ ସରକାରୀ ଯୋଜନା ତୁଳନାରେ SSY ଏକ ଉତ୍ତମ ସୁଧ ହାରର ଏକ ଯୋଜନା। ଏହି ଯୋଜନାରେ, ବର୍ତ୍ତମାନ ଅର୍ଥାତ୍ Q3 ଆର୍ଥିକ ବର୍ଷ ୨୦୨୩-୨୪ ଅନୁଯାୟୀ, ୮% ହାରରେ ସୁଧ ଦିଆଯାଉଛି

ଗ୍ୟାରେଣ୍ଟି ରିଟର୍ନ 

ଯେହେତୁ ସୁକନ୍ୟା ସମୃଦ୍ଧି ଯୋଜନା ଏକ ସରକାରୀ ଯୋଜନା, ତେଣୁ ଏଥିରେ ନିଶ୍ଚିତ ରିଟର୍ନ ରହିଛି

ଟିକସ ସୁବିଧା 

ଏହି ଯୋଜନାର ଧାରା ୮୦C ଅନୁଯାୟୀ ବାର୍ଷିକ ୧.୫ ଲକ୍ଷ ଟଙ୍କା ପର୍ଯ୍ୟନ୍ତ ଟିକସ ଛାଡ।

ସୁବିଧା ଅନୁଯାୟୀ ବିନିଯୋଗ 

ଯେକୌଣସି ବ୍ୟକ୍ତି ଗୋଟିଏ ବର୍ଷରେ ସର୍ବନିମ୍ନ ୨୫୦ଟଙ୍କା ବିନିଯୋଗ କରିପାରିବେ। ସର୍ବାଧିକ ୧.୫ ଲକ୍ଷ ଟଙ୍କା ବାର୍ଷିକ ଜମା କରିପାରିବେ।

କମ୍ପାଉଣ୍ଡିଂ ଲାଭ 

ଏହି ଯୋଜନା (SSY) ହେଉଛି ଏକ ଦୀର୍ଘକାଳୀନ ବିନିଯୋଗ ଯୋଜନା, କାରଣ ଏହା ବାର୍ଷିକ କମ୍ପାଉଣ୍ଡିଂ ସୁଧର ଲାଭ ପ୍ରଦାନ କରେ। ଯଦିବି ଆପଣ କମ୍ ବିନିଯୋଗ କରନ୍ତି, ତେବେ ଆପଣ ଦୀର୍ଘ ସମୟ ମଧ୍ୟରେ ଭଲ ରିଟର୍ନ ପାଇପାରିବେ

ସହଜରେ ଟ୍ରାନ୍ସଫର୍ 

ଏହି ଆକାଉଣ୍ଟକୁ ଦେଶର ଗୋଟିଏ ସ୍ଥାନରୁ ଅନ୍ୟ ଏକ ସ୍ଥାନକୁ (ବ୍ୟାଙ୍କ / ଡାକଘର) ସହଜରେ ସ୍ଥାନାନ୍ତର କରାଯାଇପାରିବ।