LIVE TV
ଆଲୋକ ଏବଂ ଉତ୍ସାହର ପର୍ବ ଦୀପାବଳିକୁ ସାରା ଦେଶରେ ପାଳନ କରାଯାଏ। ମିଠା ଏବଂ ଡିସ୍ ସହିତ ବାଣ ଏବଂ ଆତସବାଜି ବିନା ଏହି ପର୍ବ ଅସମ୍ପୂର୍ଣ୍ଣ ମନେହୁଏ। କିନ୍ତୁ ଉତ୍ସାହ ଏବଂ ଆନନ୍ଦ ମଧ୍ୟରେ, ସ୍ୱାସ୍ଥ୍ୟ ଏବଂ ନିରାପତ୍ତା ପ୍ରତି ମଧ୍ୟ ସଜାଗ ରହିବା ଦରକାର।
ଦୀପାବଳି ସମୟରେ, ବାଣ ଧୂଆଁ ଯୋଗୁଁ ଆଜ୍ମା ଏବଂ ଶ୍ୱାସକ୍ରିୟାରେ ସମସ୍ୟା ବଢିବାର ଆଶଙ୍କା ରହିଥାଏ। ଏହା ବ୍ୟତୀତ, ପ୍ରତିବର୍ଷ ଦୀପାବଳିରେ ଅସାବଧାନତା ହେତୁ ବାଣ ଫୁଟାଇବା ବେଳେ ଅନେକଙ୍କ ହାତରେ ନିଆଁ ଲାଗିଯିବା କିମ୍ବା ଆଖିରେ ଆଘାତ ଲାଗିଥିବାର ଅନେକ ଘଟଣା ମଧ୍ୟ ଦେଖାଯାଏ।
Also Read
ବାଣକୁ ନେଇ ଯେକୌଣସି ପ୍ରକାରର ଅସାବଧାନତା ବେଳେବେଳେ ଗମ୍ଭୀର ସମସ୍ୟା ମଧ୍ୟ ସୃଷ୍ଟି କରିପାରେ। ଯଦି ଆପଣ ମଧ୍ୟ ଏହି ଉତ୍ସବ ସମୟରେ ଏପରି ସମସ୍ୟାର ଶିକାର ହୁଅନ୍ତି, ତେବେ ତୁରନ୍ତ ଡାକ୍ତରୀ ସାହାଯ୍ୟ ନେବା ଜରୁରୀ। ହଠାତ ଉପଶମ ପାଇଁ କିଛି ଘରୋଇ ଉପଚାର ଆରାମ ଦେଇପାରେ। ଆସନ୍ତୁ ସେ ବିଷୟରେ ଜାଣିବା।
ପ୍ରଭାବିତ ଅଞ୍ଚଳରେ ଥଣ୍ଡା ଶେକ:
ଯଦି ବାଣ ଦ୍ୱାରା ହାତ କିମ୍ବା ଚର୍ମ ଜଳିଯାଏ, ପୋଡିଯାଇଥିବା ସ୍ଥାନକୁ ଥଣ୍ଡା ପାଣିରେ ୧୦-୧୫ ମିନିଟ୍ ରଖନ୍ତୁ। ଏହା ଦ୍ୱାରା ଜ୍ୱଳନ କମିଯାଏ ଏବଂ ଫୁଲା ବୃଦ୍ଧି ହୁଏ ନାହିଁ। ଜଳିଯାଇଥିବା ସ୍ଥାନକୁ ଏକ ପରିଷ୍କାର ଏବଂ ଶୁଖିଲା କପଡ଼ାରେ ଘୋଡାନ୍ତୁ ଯାହା ଦ୍ୱାରା ଧୂଳି-ମଳି ସେଠାରେ ଲାଗିବ ନାହିଁ। ଏହା ଦ୍ୱାରା ସଂକ୍ରମଣର ଆଶଙ୍କା କମିଯାଏ।
ଚର୍ମକୁ ଶୁଷ୍କ ନେ ହେବାକୁ ଦେବା:
ପୋଡିଯିବା ସ୍ଥାନରେ ମଶ୍ଚରାଇଜିଂ ଲୋସନ୍ ମଧ୍ୟ ଲଗାଯାଇପାରିବ, ଏହା ଚର୍ମକୁ ଶୁଷ୍କ ହେବାକୁ ଦିଏ ନାହିଁ। ତେବେ ଡାକ୍ତରଙ୍କ ପରାମର୍ଶ ନ କରି କୌଣସି କ୍ରିମ୍ କିମ୍ବା ଲୋସନ୍ ବ୍ୟବହାର କରନ୍ତୁ ନାହିଁ। କେବଳ ଡାକ୍ତରଙ୍କ ପରାମର୍ଶରେ ହିଁ କୌଣସି ଯନ୍ତ୍ରଣା ନିବାରକ ଔଷଧ ବ୍ୟବହାର କରନ୍ତୁ।
ଆଲୋଭେରା:
ଚର୍ମର ଜ୍ୱଳନ କିମ୍ବା ଅନ୍ୟାନ୍ୟ ସମସ୍ୟା ହ୍ରାସ କରିବାରେ ଆଲୋଭେରା ଉପକାରୀ ବୋଲି ଜଣାଯାଏ। ଏହାର ଆଣ୍ଟି ବ୍ୟାକ୍ଟେରିଆ ଏବଂ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ସଂକ୍ରମଣର ଚାରିପାଖରେ ବ୍ୟାକ୍ଟେରିଆର ବୃଦ୍ଧିକୁ ରୋକିବାରେ ଏବଂ ସଂକ୍ରମଣର ଆଶଙ୍କା ହ୍ରାସ କରିବାରେ ଲାଭଦାୟକ ହେବ। ଏଥିରୁ ସିଧାସଳଖ ବାହାର କରାଯାଇଥିବା ଶୁଦ୍ଧ ଆଲୋଭେରା ଜେଲ୍ର ବ୍ୟବହାର ଅଧିକ ଲାଭଦାୟକ ହୋଇଥାଏ।
ନଡ଼ିଆ ତେଲ:
ଏହା ବ୍ୟତୀତ ନଡ଼ିଆ ତେଲ ଲଗାଇବା ଦ୍ୱାରା ଚର୍ମ ସମସ୍ୟା ମଧ୍ୟ ଦୂର ହୋଇଥାଏ। ନଡ଼ିଆ ତେଲରେ ଭିଟାମିନ୍ ଇ ଥାଏ ଯାହା ଚର୍ମ ଜଳିଯିବା ପରେ ଯେଉଁ ଚିହ୍ନ ରହିଯାଏ ତାହା କମାଇବାରେ ବହୁତ ଲାଭଦାୟକ ହୋଇଥାଏ।
