କାଲିଠୁ କାର୍ତ୍ତିକ ମାସ , ଏଥର ଶ୍ରୀକ୍ଷେତ୍ରରେ ନାହାନ୍ତି ହବିଷ୍ୟାଳୀ

ପୁରୀ: ଆସନ୍ତାକାଲିଠୁ ଆରମ୍ଭ ହେଉଛି ଧର୍ମ ମାସ କାର୍ତ୍ତିକ। ଏହି ସମୟରେ ଶ୍ରୀକ୍ଷେତ୍ରରେ ଭକ୍ତ ହାଉଜାଉ ହେବା କଥା। ବିଶେଷ କରି ମହିଳା ଭକ୍ତ, କାରଣ କାର୍ତ୍ତିକ ବ୍ରତ କରି ସବୁ ଦିନ ଶ୍ରୀଜିଉଙ୍କ ରାଧା ଦାମୋଦର ବେଶ ଦେଖିବା ଓ ମହାପ୍ରସାଦ ପାଇବା କାହା ଭାଗ୍ୟରେ ଥାଏ ! ଏଥର କିନ୍ତୁ ଶ୍ରୀକ୍ଷେତ୍ର ଖାଁ ଖାଁ, ହବିଷ୍ୟାଳୀଙ୍କ ଭିଡ଼ ନାହିଁ । ହୋଟେଲ, ଲଜ୍ ଫାଙ୍କା । କାରଣ କରୋନା ଓ ଏଥିପାଇଁ ପ୍ରଶାସନର କଟକଣା ତଥାପି ଶ୍ରୀଜିଉଙ୍କ ଦର୍ଶନ କରିବା ଓ ମହାପ୍ରସାଦ ପ୍ରାପ୍ତିର ଆକାଂକ୍ଷା କିଛି ଭକ୍ତଙ୍କୁ ଟାଣି ଆଣିଛି ଶ୍ରୀକ୍ଷେତ୍ରକୁ।

କାଲିଠାରୁ ଆରମ୍ଭ ହେଉଛି ଧର୍ମ ମାସ କାର୍ତ୍ତିକ । ଶ୍ରୀମନ୍ଦିରରେ ରାଧା ଦାମୋଦର ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି ଶ୍ରୀଜିଉ। କାର୍ତ୍ତିକ ବ୍ରତ ପାଳନ ପାଇଁ ହଜାର ହଜାର ହବିଷ୍ୟାଳି ଶ୍ରୀକ୍ଷେତ୍ରକୁ ଆସିଥାନ୍ତେ । କିନ୍ତୁ କରୋନା ପାଇଁ ଏବଂ ଏହି ମହାମାରୀ ପାଇଁ ସରକାର କଟକଣା ଜାରି କରିଥିବାରୁ ଏଥର ସେତେଟା ଭିଡ଼ ନାହାନ୍ତି । ତଥାପି ଶ୍ରୀଜିଉଙ୍କ ଭକ୍ତି କିଛି ହବିଷ୍ୟାଳିଙ୍କୁ ଶ୍ରୀକ୍ଷେତ୍ରକୁ ଟାଣି ଆଣିଛି। କିଛି ବନ୍ଧୁ ବାନ୍ଧବଙ୍କ ଘରେ ରହୁଛନ୍ତି ତ କିଏ ଘର ଭଡ଼ା ନେଇଛନ୍ତି। ଶ୍ରୀମନ୍ଦିର ମାର୍ଗଦର୍ଶିକା ଅନୁଯାଇ କରୋନାର ଦୁଇଟି ଯାକ ଟିକା ନେବା ସହିତ ଏହାର ପ୍ରମାଣ ପତ୍ର ଆଣିଛନ୍ତି, ପରିଚୟ ପତ୍ର ଆଣିଛନ୍ତି। ଆଶା ଅଛି ହବିଷ ପାଳନ ସହିତ ମାସକ ଯାକ ଶ୍ରୀଜିଉଙ୍କ ଦର୍ଶନ କରିବେ ଓ ମହାପ୍ରସାଦ ପାଇବେ।

Also Read

ନୂଆ ଦଳ ଗଢ଼ିବେ ପଞ୍ଜାବର ପୂର୍ବତନ ସିଏମ୍ ଅମରିନ୍ଦର ସିଂହ

ଆଜି କୁମାର ପୂର୍ଣ୍ଣିମା: କାଲିଠୁ ମଣ୍ଡପରେ ପୂଜା ପାଉଛନ୍ତି ମାଆ ଗଜଲକ୍ଷ୍ମୀ

ସ୍ୱାମୀଙ୍କୁ ବଂଚାଇବାକୁ ଯାଇ ଗୁଳି ଖାଇଲା ସ୍ତ୍ରୀ

କରୋନା ଯୋଗୁଁ କାର୍ତ୍ତକ ମାସରେ ଏଥର ପୁରୀ ନ ଆସିବାକୁ ଜିଲ୍ଲା ପ୍ରଶାସନ ପକ୍ଷରୁ ଲୋକଙ୍କୁ ପରାମର୍ଶ ଦିଆଯାଇଛି। ବଡ଼ଦାଣ୍ଡରେ ଥିବା ଧର୍ମଶାଳା, ଲଜରେ ହବିଷ୍ୟାଳିଙ୍କ ଭିଡ଼ ନକରିବାକୁ ମଧ୍ୟ ତାଗିଦ କରିଛି ପ୍ରଶାସନ । ତେଣୁ ସବୁ ଲଜ୍ ଓ ଧର୍ମଶାଳା ଖାଁ ଖାଁ । ତେବେ କାର୍ତ୍ତିକରେ ଶୃଙ୍ଖଳିତ ନୀତି, ଦର୍ଶନର ବ୍ୟବସ୍ଥା ସହିତ ନୀତି ର୍ନିଘଣ୍ଟ ଉପରେ ଗୁରୁତ୍ୱ ଦିଆଯାଇଛି । ଯେଉଁ ଦିନ ଅଧିକ ଗହଳି ହେବାର ସମ୍ଭାବନା ଅଛି, ସେହି ଦିନ ଭକ୍ତଙ୍କ ପାଇଁ ଶ୍ରୀମନ୍ଦିର ବନ୍ଦ ରହିବ ବୋଲି କହିଛନ୍ତି ଜିଲ୍ଲାପାଳ।