LIVE TV
ଭାରତୀୟ ମହାକାଶ ଗବେଷଣା ସଂଗଠନ (ISRO) ବର୍ତ୍ତମାନ ଚନ୍ଦ୍ରୟାନ ୩ର ଉତ୍କ୍ଷେପଣ କରିଛି। ଉତ୍କ୍ଷେପଣ ହେବା ପରେ ଏହା ୨୩ କିମ୍ବା ୨୪ ଅଗଷ୍ଟରେ ଚନ୍ଦ୍ର ପୃଷ୍ଠରେ ସପ୍ଟ ଲାଣ୍ଡିଂ କରିବ ବୋଲି ଆଶା କରାଯାଉଛି। ISRO ଚନ୍ଦ୍ରୟାନ -୩ ରେ ମଧ୍ୟ ଅନେକ ପରିବର୍ତ୍ତନ କରିଛି।
'ହିନ୍ଦୁସ୍ତାନ ଟାଇମ୍ସ'କୁ ଦେଇଥିବା ଏକ ସାକ୍ଷାତକାରରେ ISRO ମୁଖ୍ୟ ଏସ୍ ସୋମନାଥ କହିଛନ୍ତି ଯେ, ଗତଥର ୩ଟି ବଡ ଭୁଲ ଏଥର ସଂଶୋଧିତ ହୋଇଛି। ଚନ୍ଦ୍ରୟାନ - ୩ ର ଉତ୍କ୍ଷେପଣ ଅବସରରେ ପ୍ରାୟ ଚାରି ବର୍ଷ ପୂର୍ବେ ଆରମ୍ଭ ହୋଇଥିବା ଚନ୍ଦ୍ରୟାନ ୨ ର ସ୍ମୃତି ମଧ୍ୟ ସତେଜ ହୋଇଛି।
Also Read
ଚନ୍ଦ୍ରୟାନ-୨ କେବେ ପହଞ୍ଚିଥିଲା:
ଚନ୍ଦ୍ରୟାନ - ୨ ଅଗଷ୍ଟ ୨୦ରେ ସକାଳ ୯:୦୨ରେ ଚନ୍ଦ୍ରର କକ୍ଷପଥରେ ପହଞ୍ଚିଥିଲା। କକ୍ଷପଥରେ ସମ୍ପୂର୍ଣ୍ଣ ସ୍ଥାପିତ ହେବାକୁ ପ୍ରାୟ ଅଧ ଘଣ୍ଟା ସମୟ ଲାଗିଥିଲା। ISRO କହିଥିଲା ଯେ ୨୩ ଦିନ ପୃଥିବୀ ଚାରିପଟେ ବୁଲିବା ପରେ ଚନ୍ଦ୍ରର କକ୍ଷପଥରେ ପହଞ୍ଚିବାକୁ ୬ ଦିନ ସମୟ ଲାଗିଥିଲା। ଏହା ପରେ ଚନ୍ଦ୍ରୟାନ-୨ ଚନ୍ଦ୍ରକୁ ୧୩ ଦିନ ପରିକ୍ରମା କରିଥିଲା।
କେବେ ହେଲା ଲାଣ୍ଡିଂ:
୨୨ ଜୁଲାଇ ୨୦୧୯ ରେ ISRO ଦ୍ୱାରା ଚନ୍ଦ୍ରୟାନ ୨ ଲଞ୍ଚ କରାଯାଇଥିଲା। ୬-୭ ସେପ୍ଟେମ୍ବର ମଧ୍ୟରାତ୍ରିରେ ଚନ୍ଦ୍ରୟାନ-୨ର ଲ୍ୟାଣ୍ଡର ଚନ୍ଦ୍ର ପୃଷ୍ଠରେ ଅବତରଣ କରିବାକୁ ଥିଲା। ଏପରିକି ମଧ୍ୟରାତ୍ରିରେ ସାରା ଦେଶର ଆଖି ISROର ମିଶନ ଚନ୍ଦ୍ରାୟନ ୨ ଉପରେ ଥିଲା । ଲକ୍ଷ ଲକ୍ଷ ଲୋକ ଟିଭି ପରଦାକୁ ଚାହିଁ ରହିଥିଲେ। ତେବେ ଚନ୍ଦ୍ରୟାନ-୨ ସଫଳତାର ସହ ଅବତରଣ କରିପାରି ନ ଥିବାରୁ ଲୋକମାନେ ନିରାଶ ହୋଇଥିଲେ।
ପରେ, ISRO ସୂଚନା ଦେଇଥିଲା ଯେ କକ୍ଷପଥରୁ ପ୍ରାପ୍ତ ଫଟୋ ଦର୍ଶାଉଛି ଯେ ବିକ୍ରମ ଲାଣ୍ଡରର ଚନ୍ଦ୍ର ପୂଷ୍ଠରେ ହାର୍ଡ ଲାଣ୍ଡିଂ ହୋଇଥିଲା। ଚନ୍ଦ୍ରଯାନ-୨ ପ୍ରଥମ ଥର ପାଇଁ ଚନ୍ଦ୍ର ପୃଷ୍ଠରେ ଜଳର ଉପସ୍ଥିତି ଚିହ୍ନଟ କରି ଭାରତକୁ ବିଶ୍ୱରେ ଗର୍ବିତ କରିଥିଲା।
ଏହି ମିଶନ୍ ପୂର୍ବଠାରୁ ବହୁତ ଭିନ୍ନ:
ଏଥର ମିଶନ୍ ପୂର୍ବ ମିଶନ୍ ଠାରୁ ସମ୍ପୂର୍ଣ୍ଣ ଭିନ୍ନ। ISRO ଏଥର ଅନେକ ପରିବର୍ତ୍ତନ କରିଛି। ISRO ସହିତ ଦେଶବାସୀ ମଧ୍ୟ ଆଶା ରଖିଛନ୍ତି ଯେ ଏଥର ସଫଳତା ମିଳିବ। ଏହି ଅବସରରେ ISRO ମୁଖ୍ୟ କହିଛନ୍ତି ଯେ ଚନ୍ଦ୍ରୟାନ-୨ ବଦଳରେ ଚନ୍ଦ୍ରୟାନ -୩ ରେ ଗୋଡକୁ ଅଧିକ ଶକ୍ତିଶାଳୀ କରାଯାଇଛି।
