ବଲିଉଡ୍ ସୁପରଷ୍ଟାର ରଣବୀର କପୁର ବର୍ତ୍ତମାନ ତାଙ୍କ ନୂଆ ଚଳଚ୍ଚିତ୍ର 'ରାମାୟଣ' ପାଇଁ ଖବରରେ ଅଛନ୍ତି। ଏଥିରେ ସେ ପ୍ରଭୁ ଶ୍ରୀରାମଙ୍କ ଭୂମିକାରେ ନଜର ଆସିବେ। ଏଥିସହିତ ସାଇ ପଲ୍ଲଭୀ ମାତା ସୀତା ଭୂମିକାରେ ନଜର ଆସିବେ ବୋଲି ପୂର୍ବରୁ କୁହାଯାଇଥିଲା। ନିକଟରେ ଆଉ ଏକ ଖବର ଆସିଥିଲା ଯେ ନିର୍ମାତା ସାଇ ପାଲ୍ଲଭୀଙ୍କୁ ରିପ୍ଲେସ୍ କରି ଜାହ୍ନବୀ କପୁରଙ୍କୁ ମାତା ସୀତାଙ୍କ ଭୂମିକା ପାଇଁ ଚୟନ କରିଛନ୍ତି।
କିନ୍ତୁ ବର୍ତ୍ତମାନ କୁହାଯାଉଛି ଯେ ଏହି ଖବର ସମ୍ପୂର୍ଣ୍ଣ ମିଥ୍ୟା। 'ରାମାୟଣ'ରେ ରଣବୀର କପୁରଙ୍କ ବିପକ୍ଷରେ ସାଇ ପାଲ୍ଲଭୀଙ୍କ ବ୍ୟତୀତ ଆଉ କେହି ନଜର ଆସିବେ ନାହିଁ।
ଅଧିକ ପଢ଼ନ୍ତୁ: ପୁଣି ଭିଲେନ ହେବେ ଇମ୍ରାନ୍ ହାଶ୍ମି; ୨୫୦ କୋଟିର ଏହି ଫିଲ୍ମରେ ଆସିବେ ନଜର
Also Read
ରିପୋର୍ଟ ଅନୁଯାୟୀ, 'ରାମାୟଣ' ପାଇଁ ସମସ୍ତ ତାରକାଙ୍କ କାଷ୍ଟିଂ ଚୂଡାନ୍ତ ହୋଇଯାଇଛି। ଚଳଚ୍ଚିତ୍ର ସହିତ ଜଡିତ ଏକ ଉତ୍ସକୁ ପଚରାଯାଇଥିଲା କି ନିର୍ମାତା ସାଇ ପଲ୍ଲଭୀଙ୍କ ସ୍ଥାନରେ ଜାହ୍ନବୀ କପୁରଙ୍କୁ ନେଇଛନ୍ତି କି? ଏହି ପ୍ରଶ୍ନର ଉତ୍ତରରେ ଉତ୍ସ କହିଛି- “ନା, ଏହା ସମ୍ପୂର୍ଣ୍ଣ ମିଥ୍ୟା ଅଟେ। ଫିଲ୍ମର କାଷ୍ଟିଂକୁ ନେଇ କିଛି ଲୋକ ଗଣମାଧ୍ୟମ ଏବଂ ଇଣ୍ଡଷ୍ଟ୍ରିରେ ଦ୍ୱନ୍ଦ୍ୱ ସୃଷ୍ଟି କରିବାକୁ ଚେଷ୍ଟା କରୁଛନ୍ତି, ରାମାୟଣରେ ମାତା ସୀତାଙ୍କ ଭୂମିକା ପାଇଁ ଜାହ୍ନବୀ କପୁରଙ୍କୁ କେବେ ବି କୁହାଯାଇନି। ଆରମ୍ଭରୁ ନିର୍ମାତାଙ୍କ ପସନ୍ଦ ଆଲିଆ ଭଟ୍ଟ କିମ୍ବା ସାଇ ପଲ୍ଲଭୀ ଥିଲେ।”
ତେବେ ରଣବୀର କପୁର ଏବଂ ସାଇ ପଲ୍ଲଭୀଙ୍କ ଏହି ଫିଲ୍ମ 'ରାମାୟଣ'ରେ ହନୁମାନଙ୍କ ଭୂମିକାରେ ସନ୍ନି ଦେଓଲ ନଜର ଆସିବେ। ଏଥି ସହିତ ସୁପର୍ଷ୍ଟାର୍ ୟଶ୍ ହେବେ ରାବଣ। ନିତେଶ ତିୱାରୀ 'ରାମାୟଣ'ର ନିର୍ଦ୍ଦେଶନା ଦାୟିତ୍ୱ ଗ୍ରହଣ କରିଛନ୍ତି। ଫିଲ୍ମର ପ୍ରି-ପ୍ରଡକ୍ସନ୍ କାମ ଆରମ୍ଭ ହୋଇଯାଇଛି।
ଚଳିତ ବର୍ଷ ମାର୍ଚ୍ଚରେ ଫିଲ୍ମ ଫ୍ଲୋରକୁ ଆସିବ। ଟାଇମ୍ସ ଅଫ୍ ଇଣ୍ଡିଆ ଅନୁଯାୟୀ ଏହି ଫିଲ୍ମର ସୁଟିଂ ପ୍ରଥମେ ମୁମ୍ବାଇରେ ହେବ। ରଣବୀର କପୁର ୬୦ ଦିନ ସୁଟିଂ କରିବେ। ଏହା ପରେ ଲଙ୍କା ଦହନର ସୁଟିଂ ଲଣ୍ଡନ୍ରେ ହେବ। ଏହି ସୁଟିଂ ପାଇଁ ରଣବୀର କପୁର ସେଠାକୁ ଯିବେ। ସେହି ସମୟ ମଧ୍ୟରେ ୟଶ ମଧ୍ୟ ଫିଲ୍ମର ଟିମ୍ ସହ ଯୋଗଦେବେ।
କୁହାଯାଉଛି ଯେ 'ରାମାୟଣ' ତିନି ଭାଗରେ ମୁକ୍ତିଲାଭ କରିବ। ଚଳିତ ବର୍ଷ ମେ’ରେ ସନ୍ନି ଦେଓଲ ଫିଲ୍ମର ଟିମ୍ରେ ଯୋଗଦେବେ। ତେବେ, ପ୍ରଥମ ଭାଗରେ ତାଙ୍କର କେବଳ ଅତିଥି ରୂପ ରହିବ। ଦ୍ୱିତୀୟ ଏବଂ ତୃତୀୟ ଭାଗରେ ସନ୍ନି ଦେଓଲ ଭଲଭାବେ ସ୍ଥାନ ପାଇବେ। ରାବଣର ଭାଇ ବିଭୀଷଣ ଭୂମିକା ପାଇଁ ବିଜୟ ସେତୁପତିଙ୍କ ସହ ଆଲୋଚନା ଚାଲିଛି ବୋଲି ଶୁଣାଯାଉଛି।