ସେଜାନ୍‌ ଖାନ୍‌ କିଏ ? ଯାହାର ମେକ୍‌ଅପ୍‌ ରୁମ୍‌ରେ ଆତ୍ମହତ୍ୟା କଲେ ତୁନିଶା

ଟିଭି ଅଭିନେତ୍ରୀ ତୁନିଶା ଶର୍ମା ମାତ୍ର ୨୦ ବର୍ଷ ବୟସରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ଅତି ଅଳ୍ପ ବୟସରେ ଅଭିନେତ୍ରୀ ଆତ୍ମହତ୍ୟା କରିଥିବା ଖବର ସମସ୍ତଙ୍କୁ ଚକିତ କରୁଛି । ସମସ୍ତଙ୍କ ମନରେ କେବଳ ଗୋଟିଏ ପ୍ରଶ୍ନ ଆସୁଛି , ତୁନିଶା ଏପରି କାହିଁକି କଲେ । ଏପରି ନିଷ୍ପତ୍ତି ନେବା ପଛର କାରଣ କ’ଣ ? ଆଉ ଏବେ ତୁନିଶା ଶର୍ମା ମାମଲାରେ ଏକ ନୂଆ ଖୁଲାସା ହୋଇଛି । ଅଭିନେତ୍ରୀଙ୍କ ମାତା ଅଭିନେତା ସେଜାନ ମହମ୍ମଦ ଖାନଙ୍କ ବିରୋଧରେ ବଡ ଅଭିଯୋଗ କରିଛନ୍ତି ।

ତୁନିଶାଙ୍କ ମା’ ଆଣିଲେ ଗମ୍ଭୀର ଅଭିଯୋଗ

Also Read

Christmas Day 2022: ଖ୍ରୀଷ୍ଟମାସରେ କେକ୍, ଘଣ୍ଟି, ମହମବତୀ, ମୋଜାର କ’ଣ ରହିଛି ମହତ୍ୱ

ଏକ ଷ୍ଟୋର୍‌ରୁ ସାଣ୍ଟାକୁ ଗିରଫ କଲା ପୋଲିସ୍

ସୁଟିଂ ସେଟ୍‌ରେ ଜୀବନ ହାରିଲେ ଅଭିନେତ୍ରୀ

ଅଲି ବାବା ସୋ’ରେ ତୁନିଶା ଶର୍ମା ଏବଂ ସେଜାନ ମହମ୍ମଦ ଖାନ ଏକାଠି କାମ କରୁଥିଲେ । ସୋନି ଟିଭିରେ ପ୍ରସାରିତ ହେଉଥିବା ଆଲିବାବା ସୋ’ରେ ଉଭୟଙ୍କ କେମେଷ୍ଟ୍ରିକୁ ଦର୍ଶକ ବେଶ୍ ପସନ୍ଦ କରୁଥିଲେ । ହେଲେ ଏବେ ଅଭିନେତ୍ରୀଙ୍କ ମା ତୁନିଶାଙ୍କ ଆତ୍ମହତ୍ୟା ପଛରେ ସେଜାନଙ୍କ ହାତ ଥିବା ଅଭିଯୋଗ କରିଛନ୍ତି । ଅଭିନେତ୍ରୀ ଗତ କିଛି ଦିନ ହେବ ସେଜାନଙ୍କ ପାଇଁ ଟେନସନ୍‌ରେ ରହୁଥିଲେ । ଶେଷରେ ଆତ୍ମହତ୍ୟା ପରି ରାସ୍ତାକୁ ବାଛି ନେଇଥିବା ସେ କହିଛନ୍ତି ।

ପୋଲିସର ସୂଚନାନୁସାରେ, ତୁନିଶାଙ୍କ ମା ସେଜାନଙ୍କ ବିରୋଧରେ ଅଭିଯୋଗ କରିଛନ୍ତି । ତୁନିଶାଙ୍କ ମା ସେଜାନ ତାଙ୍କ ଝିଅକୁ ଆତ୍ମହତ୍ୟା କରିବାକୁ ଉସକାଇଥିବା ଅଭିଯୋଗ କରିଛନ୍ତି ।

ସେଜାନ ମହମ୍ମଦ ଖାନ କିଏ ?

୯ ସେପ୍ଟେମ୍ବର ୧୯୯୪ ରେ ମହାରାଷ୍ଟ୍ରର ମୁମ୍ବାଇର ଏକ ମୁସଲମାନ ପରିବାରରେ ସେଜାନ ଖାନ୍‌ଙ୍କ ଜନ୍ମ । ସେ ମୁମ୍ବାଇ ବିଶ୍ୱବିଦ୍ୟାଳୟରୁ ସ୍ନାତକ ହାସଲ କରିଛନ୍ତି । ସେଜାନ ବୃତ୍ତିରେ ଜଣେ ଅଭିନେତା ଏବଂ ମଡେଲ୍ । ଅଳ୍ପ ବୟସରୁ ହିଁ ସେ ଅଭିନୟ ଜଗତରେ ପ୍ରବେଶ କରିଥିଲେ । 'ଯୋଦ୍ଧା ଆକବର'ରେ ସେ ଆକବରଙ୍କ ପିଲାଦିନର ଭୂମିକାରେ ଅଭିନୟ କରି ଲୋକଲୋଚନକୁ ଆସିଥିଲେ ।

ଏହା ପରେ ସେ ତୁନିଶା ଶର୍ମାଙ୍କ ସହ ଟିଭି ଧାରାବାହିକ 'ଅଲି ବାବା ଦସ୍ତାନ-ଇ-କାବୁଲ'ରେ ମୁଖ୍ୟ ଭୂମିକାରେ ନଜର ଆସିଥିଲେ । ସେଜନଙ୍କ ଇନଷ୍ଟାଗ୍ରାମ ଆକାଉଣ୍ଟରେ ତୁନିଶାଙ୍କ ସହ ଅନେକ ଫଟୋ ଏବଂ ଭିଡିଓ ଅଛି । ଏହି ଫଟୋ ଏବଂ ଭିଡିଓରୁ ଜଣାପଡ଼ୁଛି ଉଭୟ ତାରକାଙ୍କ ମଧ୍ୟରେ ଏକ ମଧୁର ସମ୍ପର୍କ ଗଢ଼ି ଉଠିଥିଲେ । ଅଭିନୟ ବ୍ୟତୀତ ସେଜାନ ତାଙ୍କ ଫିଟନେସ ଉପରେ ବହୁତ ଧ୍ୟାନ ଦିଅନ୍ତି । ସୋସିଆଲ ମିଡିଆରେ ସେ ପ୍ରାୟ ସମୟରେ ତାଙ୍କର ୱାର୍କଆଉଟ୍ ଭିଡିଓ ମଧ୍ୟ ପୋଷ୍ଟ କରନ୍ତି ।

ସେଜାନଙ୍କ ମେକଅପ୍‌ ରୁମରେ ଫାଶୀ ଲଗାଇ ଦେଲେ !

ଗତକାଲି ନେଚର ଷ୍ଟୁଡିଓରେ ଆଲିବାବା ସୋର ସୁଟିଂ ଚାଲିଥିଲା । ଏହି ସମୟରେ ତୁନିଶା ତାଙ୍କ କୋ-ଷ୍ଟାର ସେଜାନଙ୍କ ମେକ୍ ଇନ୍ ରୁମରେ ପହଞ୍ଚି ସେଠାରେ ପ୍ରସ୍ତୁତ ହେଉଥିଲେ । ହେଲେ କ’ଣ ହେଲା କେଜାଣି ସେଠାରେ ସେ ଆତ୍ମହତ୍ୟା କରିଛନ୍ତି ।

ସେଜାନ୍ କହିଛନ୍ତି, ଗୋଟିଏ ସିନ୍‌ ସୁଟିଂ ସାରି ସେ ମେକଅପ ରୁମକୁ ଗଲାବେଳେ ଭିତରୁ ଗେଟ୍ ବନ୍ଦ ଥିବା ସେ ଦେଖଥିଲେ । ଅନେକ ଥର ଡାକିବା ପରେ ମଧ୍ୟ କୌଣସି ପ୍ରତିକ୍ରିୟା ମିଳିଲା ନାହିଁ । ଏହା ପରେ ମେକ୍ ଅପ୍ ରୁମର କବାଟ ଭାଙ୍ଗି ଭିତରକୁ ପଶିବା ପରେ ସେଠାରେ ତୁନିଶାଙ୍କୁ ଚେତାଶୂନ୍ୟ ଭାବରେ ଦେଖିବାକୁ ମିଳିଥିଲା । ତୁରନ୍ତ ତାଙ୍କୁ ଡାକ୍ତରଖାନା ନିଆଯାଇଥିଲା, ହେଲେ ସେଠାରେ ତାଙ୍କୁ ମୃତ ଘୋଷଣା କରିଥିଲେ ଡାକ୍ତର ।