କରଣ କୁନ୍ଦ୍ରାଙ୍କ ସହ ନିଜ ସମ୍ପର୍କକୁ ନେଇ ମୁହଁ ଖୋଲିଲେ ତେଜସ୍ୱୀ ପ୍ରକାଶ

ଟିଭି ଜଗତର ଲୋକପ୍ରିୟ ଯୋଡିମାନଙ୍କ ମଧ୍ୟରୁ କରଣ କୁନ୍ଦ୍ରା ଏବଂ ତେଜସ୍ୱୀ ପ୍ରକାଶ ପ୍ରାୟତଃ ଚର୍ଚ୍ଚାରେ ରହିଥାନ୍ତି। ଟେଲିଭିଜନ ଇଣ୍ଡଷ୍ଟ୍ରିର ଏହି ପ୍ରସିଦ୍ଧ ଯୋଡି ପ୍ରାୟ ସମୟରେ ସୋସିଆଲ ମିଡିଆରେ ପରସ୍ପରକୁ ପ୍ରେମ କରନ୍ତି। 'ବିଗ୍ ବସ୍'ର ୧୫ ତମ ସିଜନରେ ନିକଟତର ହୋଇଥିବା କରଣ ଏବଂ ତେଜସ୍ୱୀ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛନ୍ତି।

ସମ୍ପ୍ରତି, ବର୍ତ୍ତମାନ କରଣ ଏବଂ ତେଜଙ୍କ ଏକ ଭିଡିଓ ଇଣ୍ଟର୍‌ନେଟ୍‌ରେ ଭାଇରାଲ୍‌ ହେବାରେ ଲାଗିଛି। ଏହି ଭିଡିଓରେ, ସବୁବେଳେ ହସୁଥିବା ଅଭିନେତ୍ରୀ ନିଜ ସମ୍ପର୍କକୁ ନେଇ କହୁଥିବା ବେଳେ କାନ୍ଦି ପକେଇବା ଦେଖାଯାଏ।

ଏହି ଭିଡିଓ ପ୍ରଶଂସକଙ୍କ ମଧ୍ୟରେ ଆଲୋଡ଼ନ ସୃଷ୍ଟି କରିଛି। ଏହି ଭାଇରାଲ୍ ଭିଡିଓ ଆରମ୍ଭରେ, ତେଜସ୍ୱୀ କରଣଙ୍କ ନିକଟରେ ବସିଥିବାର ଦେଖାଯାଏ ଏବଂ କଥାବାର୍ତ୍ତା ବେଳେ ହଠାତ୍ ତାଙ୍କ ଆଖିରୁ ଲୁହ ଆସିଯାଏ। ସେମାନଙ୍କର ପ୍ରିୟ ତାରକା କାନ୍ଦୁଥିବା ଦେଖି ତାଙ୍କ ପ୍ରଶଂସକମାନେ ମଧ୍ୟ ବିଭିନ୍ନ କଳ୍ପନା ଜଳ୍ପନା ଆରମ୍ଭ କରି ଦେଇଛନ୍ତି।

ଏହି ଭିଡିଓରେ, କାନ୍ଦୁଥିବାବେଳେ ତେଜସ୍ୱୀ ଏପରି କିଛି କୁହନ୍ତି ଯାହା ପ୍ରଶଂସକଙ୍କୁ ଖୁସି କରିଦିଏ। କାନ୍ଦି କାନ୍ଦି ତେଜସ୍ୱୀ କୁହନ୍ତି, “ମୁଁ ବର୍ତ୍ତମାନ ଭଲ ସମୟ କାଟୁଛି।” ଏହା ପରେ କରଣ ତାଙ୍କୁ ପଚାରୁଛନ୍ତି, “ତୁମେ କାନ୍ଦୁଛ?” ଏହାର ଜବାବରେ ତେଜସ୍ୱୀ କୁହନ୍ତି, “ମୁଁ କେବଳ ମୋ ପ୍ରଶଂସକମାନଙ୍କ ସହ ଶେୟାର କରିବାକୁ ଚାହେଁ ଯେ ମୁଁ ତୁମ ସହ କେତେ ଖୁସି ଅଛି। ମୁଁ ପ୍ରକୃତରେ ଖୁସି ଅଛି।”

#TejaTroops#KKundrraSquad have some shame man..Literally some of you are so pathetic. They are soo happy with each other and you all are making their social media experience unbearable with your constant judging.! Seriously kuch toh Sharam karo and stop this stupidity.! #TejRanpic.twitter.com/fMPh7xcIZ9

— SHARON aka StreamKaroBc 😛 (@streamRDH_Kamle) April 19, 2023

ତେଜସ୍ୱୀଙ୍କର ଏହି ଭିଡିଓ ଦେଖି ପ୍ରଶଂସକମାନେ ଜବରଦସ୍ତ ପ୍ରତିକ୍ରିୟା ଦେଉଛନ୍ତି। ଜଣେ ମନ୍ତବ୍ୟ ଦେଇ କହିଛନ୍ତି, “ଆମେ ତୁମକୁ ଭଲପାଉ ତେଜସ୍ୱୀ।” ଆଉ ଜଣେ କହିଛନ୍ତି, “ଉପରବାଲା ଆପଣଙ୍କ ଯୋଡିକୁ ସବୁବେଳେ ଏମିତି ରଖନ୍ତୁ।” ସେହିପରି ଅନ୍ୟଜଣେ କହିଛନ୍ତି, “ତେଜସ୍ୱୀ, ଆପଣ ଜଣେ ଷ୍ଟାର୍। ଆପଣ ଏମିତି କାନ୍ଦିବା ଭଲ ଲାଗୁନି। ଲଭ୍‌ ୟୁ।”