‘ଲକ୍ଷ୍ମଣ’ଙ୍କୁ ମିଳିଲା ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହର ନିମନ୍ତ୍ରଣ

ଜାନୁଆରୀ ୨୨ରେ ଅଯୋଧ୍ୟାରେ ରାମ ମନ୍ଦିରର ପ୍ରାଣ ପ୍ରତିଷ୍ଠା ସମାରୋହ ପୂର୍ବରୁ ଶୁକ୍ରବାର ଠାରୁ ଏକ ୧୧ ଦିନିଆ ସ୍ୱତନ୍ତ୍ର ରୀତିନୀତି ଆରମ୍ଭ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ମୁଖ୍ୟ କାର୍ଯ୍ୟକ୍ରମରେ ଯୋଗଦେଉଥିବା ବେଳେ କାର୍ଯ୍ୟକ୍ରମ ପାଇଁ ବଲିଉଡ୍‌ ଏବଂ ସାଉଥ୍‌ର ବହୁ କଳାକାରଙ୍କ ସହ ଅନେକ ଦଳର ନେତାଙ୍କୁ ନିମନ୍ତ୍ରଣ କରାଯାଇଛି।

ରାମାନନ୍ଦ ସାଗରଙ୍କ 'ରାମାୟଣ'ରେ ରାମ ଏବଂ ସୀତା ଭୂମିକାରେ ଅଭିନୟ କରିଥିବା ଦୀପିକା ଚିଖ୍‌ଲିଆ ଏବଂ ଅରୁଣ ଗୋବିଲ ଏହି ନିମନ୍ତ୍ରଣ ପାଇ ସାରିଛନ୍ତି, କିନ୍ତୁ ଏହି ଶୋ’ରେ 'ଲକ୍ଷ୍ମଣ' ଭୂମିକାରେ ଅଭିନୟ କରିଥିବା ସୁନୀଲ ଲାହିର୍‌ଙ୍କୁ ଏହି ମହାନ କାର୍ଯ୍ୟକ୍ରମ ପାଇଁ ନିମନ୍ତ୍ରଣ ମିଳିନଥିବାରୁ ଅସନ୍ତୋଷ ପ୍ରକାଶ କରିଥିଲେ। କିନ୍ତୁ ଏହି ଭବ୍ୟ କାର୍ଯ୍ୟକ୍ରମ ପୂର୍ବରୁ ତାଙ୍କୁ ନିମନ୍ତ୍ରଣ ମିଳିଯାଇଛି।

ରାଜନେତାଙ୍କ ବ୍ୟତୀତ ଆଲିଆ ଭଟ୍ଟ, ରଣବୀର କପୁର, ଅମିତାଭ ବଚ୍ଚନ, ଦୀପିକା ଚିଖ୍‌ଲିଆ, କଙ୍ଗନା ରାଣାୱତ, ଅକ୍ଷୟ କୁମାର, ରଣଦୀପ ହୁଡା ଏବଂ ଅନ୍ୟାନ୍ୟ ପ୍ରମୁଖ ତାରକାଙ୍କୁ ରାମ ମନ୍ଦିର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ପାଇଁ ନିମନ୍ତ୍ରଣ କରାଯାଇଛି। ରାମାନନ୍ଦ ସାଗରଙ୍କ 'ରାମାୟଣ'ର 'ଲକ୍ଷ୍ମଣ' ପୂର୍ବରୁ ଅସନ୍ତୁଷ୍ଟ ଥିବା ବେଳେ ବର୍ତ୍ତମାନ ସେ ନିଜର ଅସନ୍ତୋଷକୁ ଦୂର କରିଛନ୍ତି।

ବାସ୍ତବରେ ସୁନୀଲ ଲାହିରି ନିମନ୍ତ୍ରଣ ପାଇ ନ ଥିବାରୁ ନିରାଶ ହୋଇଥିଲେ, କିନ୍ତୁ ବର୍ତ୍ତମାନ ତାଙ୍କୁ ନିମନ୍ତ୍ରଣ ମିଳିଛି। ଇନ୍‌ଷ୍ଟାଗ୍ରାମ୍‌ରେ ଏକ ଭିଡିଓ ମାଧ୍ୟମରେ ସେ ନିଜର ଖୁସି ବ୍ୟକ୍ତ କରିଛନ୍ତି। ଏହି ଭବ୍ୟ ଉତ୍ସବର ସାକ୍ଷୀ ହେବା ପାଇଁ ନିମନ୍ତ୍ରଣ ପାଇବା ପରେ ସେ ଭଗବାନ ଏବଂ ତାଙ୍କ ପ୍ରଶଂସକମାନଙ୍କୁ ଯେଉଁମାନେ ସେ ନିମନ୍ତ୍ରଣ ପାଇବାକୁ ପ୍ରାର୍ଥନା କରିଥିଲେ ସେମାନଙ୍କୁ ଧନ୍ୟବାଦ ଜଣାଇଛନ୍ତି।

View this post on Instagram

A post shared by Sunil Lahri (@sunil_lahri)

ସେ ରାମ ମନ୍ଦିର କମିଟିକୁ ଧନ୍ୟବାଦ ଜଣାଇ କହିଛନ୍ତି ଯେ ଏହି ସୁଯୋଗ ଜୀବନରେ ଥରେ ମିଳେ ଏବଂ ଆଉ କାହାକୁ ଦ୍ୱିତୀୟ ଥର ମିଳେନି। ତେବେ ଇତିହାସ ସୃଷ୍ଟି କରିଥିବା ଏହି ‘ରାମାୟଣ’ରେ ତାଙ୍କୁ 'ଲକ୍ଷ୍ମଣ'ର ଚରିତ୍ରରେ ଅଭିନୟ କରିବାକୁ ସୁଯୋଗ ଦେଇଥିବାରୁ ସେ ରାମାନନ୍ଦ ସାଗରଙ୍କୁ ଧନ୍ୟବାଦ ଜଣାଇଛନ୍ତି। ସେ ତାଙ୍କ ଜନ୍ମଦିନରେ ପ୍ରଶଂସକଙ୍କ ସହ ଏହି ଖୁସି ଖବର ଶେୟାର କରିଛନ୍ତି। ଏହାଠାରୁ ଆଉ ଭଲ ଉପହାର କିଛି ହୋଇ ନ ପାରେ ବୋଲି ସେ କହିଛନ୍ତି।