Viral Video: ନୂଆ ବୋହୂ ସୋନାକ୍ଷୀ ସିହ୍ନାଙ୍କୁ ଶଶୁର ଘରକୁ ଦମଦାର ସ୍ୱାଗତ; ଭିଡିଓ ହେଲା ଭାଇରାଲ୍

ସୋନାକ୍ଷୀ ସିହ୍ନା ଏବଂ ଜହୀର ଇକ୍‌ବାଲ୍‌ ରବିବାର ଦିନ ପରିବାର ଏବଂ ଘନିଷ୍ଠ ବନ୍ଧୁଙ୍କ ଉପସ୍ଥିତିରେ ବିବାହ କରିଛନ୍ତି। ଏହା ପରେ, ଦମ୍ପତିଙ୍କ ଗ୍ରାଣ୍ଡ୍‌ ରିସେପ୍ସ୍‌ର ଆୟୋଜନ ହୋଇଥିଲା, ଯେଉଁଥିରେ ବଲିଉଡ୍‌ର ସେଲିବ୍ରେଟିମାନଙ୍କ ଏକ ସମାବେଶ ଦେଖିବାକୁ ମିଳିଥିଲା। ସଲମାନ ଖାନଙ୍କ ଠାରୁ ଆରମ୍ଭ କରି ଭେଟେରାନ ଅଭିନେତ୍ରୀ ରେଖାଙ୍କୁ ମଧ୍ୟ ଏହି ପାର୍ଟୀରେ ଦେଖିବାକୁ ମିଳିଥିଲା।

ଜହୀର୍‌ ଇକ୍‌ବାଲ୍‌ଙ୍କ ସହ ବିବାହ ପରେ ସୋନାକ୍ଷୀ ସିହ୍ନା ପ୍ରଥମ ଥର ପାଇଁ ଏକ ଲାଲ୍ ରେଶମୀ ଶାଢୀରେ ନଜର ଆସିଥିଲେ। ସେ ଏକ ସୁନ୍ଦର ସବୁଜ ଏବଂ ସୁନେଲି ହାର ପିନ୍ଧିଥିଲେ, ମ୍ୟାଚିଙ୍ଗ୍ ଡ୍ରପ୍ କାନଫୁଲ ଏବଂ ନାଲି ରଙ୍ଗର ଚୁଡିରେ ସେ ଖୁବ ସୁନ୍ଦର ଦେଖାଯାଉଥିଲେ।

ଅଧିକ ପଢ଼ନ୍ତୁ: ଜହୀର ଇକ୍‌ବାଲ୍‌ଙ୍କ ପାଇଁ ସିନ୍ଦୁର ପିନ୍ଧିଲେ ସୋନାକ୍ଷୀ; ଦେଖାଯାଉଥିଲେ ହିନ୍ଦୁ ବୋହୂ ପରି

ସୋନାକ୍ଷୀ ତାଙ୍କର ଏହି ବିଶେଷ ଦିନରେ ଆଇଲାଇନ୍ ଏବଂ ପିଙ୍କ୍ ଲିପ୍ କଲର୍ ସହିତ ବହୁତ ଖୁସି ଦେଖାଯାଉଥିଲେ। ସେ ପ୍ରଥମ ଥର ପାଇଁ ମଥାରେ ସିନ୍ଦୁର ଲଗେଇଥିଲେ ଏବଂ ଜହୀରଙ୍କ ପାଖେ ପାଖେ ଥିଲେ। ଜହୀର ବର ବେଶରେ ଏକ ଧଳା କୁର୍ତ୍ତା ପିନ୍ଧିଥିଲେ।

ସୋନାକ୍ଷୀ ସିହ୍ନା ଏବଂ ଜହୀର ଇକ୍‌ବାଲ୍‌ ସାତ ବର୍ଷରୁ ଅଧିକ ସମୟ ଡେଟିଂ କରିବା ପରେ ମୁମ୍ବାଇରେ ବିବାହ କରିଥିଲେ। ଏହି ପ୍ରେମପକ୍ଷୀ ସେମାନଙ୍କର ଘନିଷ୍ଠ ବନ୍ଧୁ ଏବଂ ପରିବାରର ଉପସ୍ଥିତିରେ ଏକ ଅନ୍ତରଙ୍ଗ ସମାରୋହରେ ବିବାହ କରିଥିଲେ।

ସୋନାକ୍ଷୀ ସିହ୍ନା କହିଛନ୍ତି ଯେ ସାତ ବର୍ଷ ପୂର୍ବେ ସେ ଏହି ଦିନ ଜହୀର ଇକ୍‌ବାଲ୍‌ଙ୍କ ପ୍ରତି ପ୍ରେମ ଅନୁଭବ କରିଥିଲେ। ସେ ଫଟୋର କ୍ୟାପ୍‌ସନ୍‌ରେ ଲେଖିଛନ୍ତି, “ସାତ ବର୍ଷ ପୂର୍ବେ (୨୩.୦୬.୨୦୧୭) ଆମେ ପରସ୍ପରଙ୍କ ଆଖିରେ ଶୁଦ୍ଧ ରୂପରେ ପ୍ରେମକୁ ଦେଖିଥିଲୁ।”

ବର୍ତ୍ତମାନ ସେମାନଙ୍କ ବିବାହକୁ ନେଇ ଏକ ନୂଆ ଭିଡିଓ ସାମ୍ନାକୁ ଆସିଛି, ଯେଉଁଥିରେ ଦମ୍ପତିଙ୍କୁ ସ୍ୱାଗତ କରାଯାଉଥିବା ଦେଖିବାକୁ ମିଳିଛି। ଏହି ଭିଡିଓରେ ଜହୀରଙ୍କ ଘରେ ତାଙ୍କ ଭଉଣୀ ଉଭୟଙ୍କୁ ସ୍ୱାଗତ କରୁଥିବା ଦେଖାଯାଏ। ସୋସିଆଲ୍ ମିଡିଆରେ ଏହି ଭିଡିଓ ଖୁବ୍ ଭାଇରାଲ୍ ହେଉଛି ଏବଂ ପ୍ରଶଂସକଙ୍କ ଠାରୁ ପ୍ରେମ ପାଇବାରେ ଲାଗିଛି।

ଏହି କ୍ଲିପ୍‌ରେ ସୋନାକ୍ଷୀ ସିହ୍ନାଙ୍କ ଆଖିରେ ଲୁହ ଦୃଶ୍ୟମାନ ହେଉଛି। ଏହି ଭିଡିଓ ଶେୟାର କରିବାବେଳେ ଏହାର କ୍ୟାପ୍‌ସନ୍‌ରେ ଲେଖାଯାଇଛି, “ମୋ ଭାଇ ଏବେ ବିବାହିତ। ଅଭିନନ୍ଦନ ପା ଏବଂ ସୋନା। ଆପଣଙ୍କ ପାଇଁ ବହୁତ ଖୁସି।”

ସୋନାକ୍ଷୀ ଏବଂ ଜହୀର ଇକ୍‌ବାଲ୍‌ ମୁମ୍ବାଇର ଶିଳ୍ପା ଶେଟ୍ଟୀଙ୍କ ରେଷ୍ଟୁରାଣ୍ଟ ବେଷ୍ଟିଅନ୍‌ରେ ଏକ ବିବାହ ଭୋଜି ଦେଇଥିଲେ। ଏଠି ଦମ୍ପତିଙ୍କ ପରିବାର ଏବଂ ଘନିଷ୍ଠ ବନ୍ଧୁଙ୍କ ବ୍ୟତୀତ ବଲିଉଡ୍‌ର ସେଲିବ୍ରେଟମାନଙ୍କ ଭିଡ ଜମିଥିଲା। ବର୍ତ୍ତମାନ ଏହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଅଧିକ ପଢ଼ନ୍ତୁ: ଜହୀର-ସୋନାକ୍ଷୀଙ୍କ ବିବାହରେ ସେଲିବ୍ରେଟିଙ୍କ ଭିଡ; ଅନିଲ୍ ଜିତିଲେ ହୃଦୟ