Shehnaaz Gill: ହସପିଟାଲ ବେଡରେ ଶେହନାଜ. ଅବସ୍ଥା ଗମ୍ଭୀର...କରନ କହିଲେ ଶୀଘ୍ର ଠିକ ହେଇଯାଅ

ଏଣ୍ଟରଟେନମେଣ୍ଟ ଇଣ୍ଡଷ୍ଟ୍ରିର ପ୍ରିୟ ଅଭିନେତ୍ରୀ ଶେହନାଜ ଗିଲଙ୍କ ସ୍ୱାସ୍ଥ୍ୟ ଏବେ ଠିକ ନାହିଁ ଓ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କ ଖରାପ ସ୍ୱାସ୍ଥ୍ୟର ସଠିକ କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ, କିନ୍ତୁ ତାଙ୍କ ଅବସ୍ଥା ଗମ୍ଭୀର ବୋଲି କୁହାଯାଉଛି।

ଏହି ଖବର ପ୍ରଥମେ ତାଙ୍କ ଭାଇ ଶେହବାଜ ବଦେଶା ଦେଇଥିଲେ, ଯିଏ ତାଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି। ଶେହବାଜ ଏକ ଭିଡିଓ କଲର ଫଟୋ ସେୟାର କରିଥିଲେ, ଯେଉଁଥିରେ ଶେହନାଜ ହସ୍ପିଟାଲ ବେଡରେ ଶୋଇଥିବାର ଦେଖାଯାଉଛନ୍ତି।

କରନ ବୀର ମେହରା ଶେହନାଜଙ୍କ ସ୍ୱାସ୍ଥ୍ୟ ବିଷୟରେ ଜାଣିବା ପାଇଁ ହସ୍ପିଟାଲ ଯାଇଥିଲେ। ସେ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ଭିଡିଓ ସେୟାର କରି ଶେହନାଜଙ୍କ ସ୍ୱାସ୍ଥ୍ୟ ବିଷୟରେ ସୂଚନା ଦେଇଥିଲେ ଓ ତାଙ୍କ ଶୀଘ୍ର ଆରୋଗ୍ୟ କାମନା କରିଥିଲେ।

କରନ କହିଥିଲେ, “ମୁଁ ଚାହୁଁଛି ଆପଣ ସମସ୍ତେ ଏହି ଝିଅ ପାଇଁ…” ଏହାପରେ ସେ କ୍ୟାମେରାକୁ ଶେହନାଜଙ୍କ ଆଡ଼କୁ ବୁଲାଇଥିଲେ, ଯିଏ ବେଡରେ ଶୋଇଥିଲେ ଓ ମୁହଁ ଲୁଚାଉଥିଲେ। କରନ ଶେହନାଜଙ୍କ ହାତ ମଧ୍ୟ ଦେଖାଇଥିଲେ, ଯାହା ବ୍ୟାଣ୍ଡେଜରେ ଗୁଡ଼ାଯାଇଥିଲା ଓ ପାଖରେ ଏକ ସିରିଞ୍ଜ ରହିଥିଲା।

ଶେହନାଜ ହସିକି କହିଥିଲେ, “ଏ ମୋତେ ହସାଉଛି।” ବିଗ ବସ ୧୮ର ବିଜେତା କରନ ଶେହନାଜଙ୍କୁ ଶୀଘ୍ର ଆରୋଗ୍ୟ ପାଇଁ ଉତ୍ସାହିତ କରିଥିଲେ ଯାହା ଦ୍ୱାରା ସେମାନେ ଏକାଠି ପାର୍ଟି କରିପାରିବେ। ଶେହନାଜ ଗିଲଙ୍କ ହସ୍ପିଟାଲରେ ଭର୍ତ୍ତି ହେବାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

ଶେହନାଜ ଗିଲ ‘ଥ୍ୟାଙ୍କ ୟୁ ଫର କମିଙ୍ଗ’, ‘କିସି କା ଭାଇ କିସି କି ଜାନ’ ଭଳି ଅନେକ ଚଳଚ୍ଚିତ୍ରରେ କାମ କରିଛନ୍ତି। ବିଗ ବସ ୧୩ରେ ତାଙ୍କ ପ୍ରଦର୍ଶନ ପରେ ସେ ରାତାରାତି ଲୋକପ୍ରିୟ ହୋଇଥିଲେ। ସୋସିଆଲ ମିଡିଆରେ ତାଙ୍କ ନିର୍ଭୀକ ଅନ୍ଦାଜ ପାଇଁ ପ୍ରଶଂସକମାନେ ତାଙ୍କୁ ବହୁତ ପସନ୍ଦ କରନ୍ତି।

କରନ ବୀର ମେହରା ନିକଟରେ ବିଗ ବସ ୧୮ର ବିଜେତା ହୋଇଛନ୍ତି ଓ ୫୦ ଲକ୍ଷ ଟଙ୍କାର ନଗଦ ପୁରସ୍କାର ଜିତିଛନ୍ତି। ଏହାପୂର୍ବରୁ ସେ ‘ଖତରୋଂ କେ ଖିଲାଡ଼ି ୧୪’ ମଧ୍ୟ ଜିତିଥିଲେ। ବର୍ତ୍ତମାନ କରନ ଓମଙ୍ଗ କୁମାରଙ୍କ ଆଗାମୀ ଚଳଚ୍ଚିତ୍ର ‘ସିଲ୍ଲା’ର ସୁଟିଂରେ ବ୍ୟସ୍ତ ଅଛନ୍ତି, ଯେଉଁଥିରେ ହର୍ଷବର୍ଦ୍ଧନ ରାଣେ, ଇପ୍ସିତା ଓ ସାଦିୟା ଖତିବ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ।

ଅଧିକ ପଢନ୍ତୁ: ସବୁ ରେକର୍ଡ ଭାଙ୍ଗିଲା ଦୀପିକାଙ୍କ ରିଲ୍ସ ଭିଡିଓ; ପଛରେ ପଡିଲେ ରୋନାଲ୍ଡୋ, ହାର୍ଦ୍ଦିକ