ଶାହରୁଖ କହିଲେ; 'ମୋ ଉପରେ କେହି ରହିପାରିବେ ନାହିଁ, ମୁଁ ସମସ୍ତ କଳାକାରଙ୍କ ଛାତ'

ସୁପର୍‌ଷ୍ଟାର୍‌ ଶାହରୁଖ ଖାନ ଅନ୍ତର୍ଜାତୀୟ ଭାରତୀୟ ଚଳଚ୍ଚିତ୍ର ଏକାଡେମୀ ପୁରସ୍କାର (IIFA 2024)ରେ ହଙ୍ଗାମା କରିଛନ୍ତି। ଭିକି କୌଶଲଙ୍କ ସହ ତାଙ୍କର ଡ୍ୟାନ୍ସ ଭିଡିଓ ଇଣ୍ଟରନେଟ୍‌ରେ ଖୁବ୍ ଲୋକପ୍ରିୟ ହେବାରେ ଲଗିଛି। IIFA ୨୦୨୪ ସମାରୋହରୁ ଅନ୍ୟ ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ଶାହରୁଖ ଖାନ କରଣ ଜୋହରଙ୍କ ପ୍ରଶ୍ନର ମଜାଳିଆ ଉତ୍ତର ଦେଉଥିବାର ନଜର ଆସିଛନ୍ତି।

ପଢନ୍ତୁ ଏହି ଖବର: IIFA 2024 ପୁରସ୍କାର: ବାଜି ମାରିଲେ ରାନୀ ମୁଖାର୍ଜୀ, ଶାହରୁଖ ଖାନ

ପ୍ରଶ୍ନର ଉତ୍ତରରେ କିଙ୍ଗ୍‌ ଖାନ କହିଛନ୍ତି ଯେ ତାଙ୍କୁ ନାଚିବାକୁ ଆବଶ୍ୟକ ପଡେ ନାହିଁ, କାରଣ ପୂରା ଫିଲ୍ମ ଇଣ୍ଡଷ୍ଟ୍ରି ତାଙ୍କ ଆଙ୍ଗୁଠିରେ ନାଚିଥାଏ।

ପଢନ୍ତୁ ଏହି ଖବର: ଅମିତାଭ ଖୋଲିଲେ ଫିଟ୍‌ନେସ୍ ରାଜ୍; କହିଲେ ଏହି ପତ୍ରରୁ ସେ ଆରମ୍ଭ କରନ୍ତି ଦିନ

IIFA ୨୦୨୪ର ସ୍ୱତନ୍ତ୍ର ବିଭାଗରେ କରଣ ଜୋହର ଶାହରୁଖ ଖାନଙ୍କୁ ଏମିତି ଅନେକ ପ୍ରଶ୍ନ ପଚାରିଥିଲେ, ଯାହାକୁ ସେ ଏକ ମଜାଳିଆ ଢଙ୍ଗରେ ଉତ୍ତର ଦେଇଥିଲେ। ସେହି ସମୟର ଏକ ଭିଡିଓ ଏବେ ଭାଇରାଲ୍ ହେଉଛି। ଭିଡିଓରେ ଏହା ଦେଖିବାକୁ ମିଳେ ଯେ କରଣ ଜୋହର ଶାହରୁଖ ଖାନଙ୍କୁ ପଚାରିଥିଲେ, “ଆପଣ ମନତ୍‌ରେ ରୁହନ୍ତି, ବଙ୍ଗଳାରେ ରୁହନ୍ତି କିନ୍ତୁ ଆପଣ କେବେ ଆପାର୍ଟମେଣ୍ଟରେ ରହିବାକୁ ଚିନ୍ତା କରିଛନ୍ତି କି?”

ଏହାର ଉତ୍ତରରେ କିଙ୍ଗ ଖାନ କହିଛନ୍ତି, “ଏହା ସମ୍ଭବ ନୁହେଁ। କାରଣ ମୋ ଉପରେ ଆଉ କେହି ରହିପାରିବେ ନାହିଁ। ମୁଁ ସମସ୍ତ କଳାକାରଙ୍କ ଛାତ ଅଟେ।”

ଫିଲ୍ମ ଇଣ୍ଡଷ୍ଟ୍ରି ମୋ ଆଙ୍ଗୁଠିରେ ନାଚୁଛି:

ଶାହରୁଖ ଖାନଙ୍କୁ 'ରୋମାନ୍ସର ରାଜା' କୁହାଯାଏ। କରଣ ଜୋହର ଏହି ସମ୍ବନ୍ଧୀୟ ପରବର୍ତ୍ତୀ ପ୍ରଶ୍ନ ପଚାରିଥିଲେ। ନିର୍ଦ୍ଦେଶକ ଶାହରୁଖ ଖାନଙ୍କୁ ପଚାଥିଲେ, “ଆପଣଙ୍କ ଅବସର ପରେ କ’ଣ ହେବେ ବୋଲି ଅନୁଭବ କରୁଛନ୍ତି? ରୋମାନ୍ସର ପରବର୍ତ୍ତୀ କିଙ୍ଗ୍ କିଏ ହେବେ?” ଏହାକୁ ନେଇ ସୁପରଷ୍ଟାର କହିଛନ୍ତି, “ପ୍ରକୃତ କଥା ହେଉଛି ରୋମାନ୍ସ ମଧ୍ୟ ମୋ ସହିତ ଅବସର ନେବ।”

ତା’ପରେ କରଣ ଜୋହର ପଚାରିଥିଲେ ଆପଣ ନିଜକୁ ଜଣେ ଭଲ ଡ୍ୟାନ୍ସର୍ ବୋଲି ଭାବୁଛନ୍ତି କି? ଏହି ପ୍ରଶ୍ନର ଉତ୍ତରରେ ଶାହରୁଖ ଖାନ କହିଥିଲେ, “ମୋତେ ନାଚିବା ଆବଶ୍ୟକ ନାହିଁ, କାରଣ ପୂରା ଫିଲ୍ମ ଇଣ୍ଡଷ୍ଟ୍ରି ମୋ ଆଙ୍ଗୁଠିରେ ନାଚିଥାଏ।”

ପଢନ୍ତୁ ଏହି ଖବର: ‘ଦେବରା’ କାହାଣୀରେ କିଛି ନୂଆ ନାହିଁ; ଜୁନିଅର ଏନ୍‌ଟିଆର୍‌ଙ୍କ କଟ୍‌ଆଉଟ୍‌କୁ ପୋଡ଼ିଦେଲେ ଲୋକେ

ଶାହରୁଖ ଖାନ ଫିଲ୍ମ 'କିଙ୍ଗ୍‌'ରେ ନଜର ଆସିବେ:

ଚାରି ବର୍ଷ ବ୍ୟବଧାନ ପରେ ୨୦୨୩ ମସିହାରେ ଶାହରୁଖ ଖାନ ଫିଲ୍ମ 'ପଠାନ' ସହିତ ପ୍ରତ୍ୟାବର୍ତ୍ତନ କରିଥିଲେ। ଏହା ବକ୍ସ ଅଫିସ୍‌ରେ ସର୍ବକାଳୀନ ବ୍ଲକବଷ୍ଟର ବୋଲି ପ୍ରମାଣିତ ହୋଇଥିଲା। ଏହା ପରେ ତାଙ୍କର ଫିଲ୍ମ 'ଜବାନ୍' ରିଲିଜ୍ ହୋଇଥିଲା, ଯାହା ସାରା ବିଶ୍ୱରେ ୧୧୫୦ କୋଟି ଟଙ୍କା ବ୍ୟବସାୟ କରିଥିଲା।

୨୦୨୩ ମସିହାରେ କିଙ୍ଗ୍‌ ଖାନଙ୍କ 'ଡଙ୍କି' ମଧ୍ୟ ଏକ ବଡ଼ ସଫଳତା ହାସଲ କରିଥିଲା। ଏବେ ଶାହରୁଖ ଖାନ ଫିଲ୍ମ 'କିଙ୍ଗ୍‌'ରେ ନଜର ଆସିବେ, ଯାହାର ନିର୍ଦ୍ଦେଶକ ସୁଜୟ ଘୋଷ। 'କିଙ୍ଗ୍‌'ର ଭିଡିଓ ଟିଜର ସୁପରଷ୍ଟାରଙ୍କ ଜନ୍ମଦିନ ବା ୨ ନଭେମ୍ବରରେ ମୁକ୍ତିଲାଭ କରିପାରେ।