ଗୋବିନ୍ଦାଙ୍କ 'ଦୁଲ୍‌ହେ ରାଜା'କୁ କିଣିନେଲେ ଶାହରୁଖ ଖାନ୍‌

ଶାହରୁଖ ଖାନ୍‌ଙ୍କ ବ୍ୟାନର ‘ରେଡ୍‌ ଚିଲିଜ୍ ଏଣ୍ଟର୍‌ଟେନ୍‌ମେଣ୍ଟ୍‌’ ହେଉଛି ଉଭୟ OTT ପ୍ଲାଟ୍‌ଫର୍ମ ଏବଂ ପ୍ରେକ୍ଷାଳୟରେ ଅଦ୍ଭୁତ ଫିଲ୍ମ ନିର୍ମାଣ କରୁଥିବା ବଲିଉଡ୍‌ର ଅନ୍ୟତମ ପାୱାର୍‌ହାଉସ୍‌। ଏକ ରିପୋର୍ଟ ଅନୁଯାୟୀ, ଶାହରୁଖଙ୍କ ପ୍ରଡକ୍ସନ୍ ବ୍ୟାନରରେ ୧୯୯୮ର କମେଡି-ଡ୍ରାମା 'ଦୁଲ୍‌ହେ ରାଜା'ର ରିମେକ୍ ଅଧିକାର ହାସଲ କରିଛି। ହରମିତ ମଲହୋତ୍ରାଙ୍କ ନିର୍ଦ୍ଦେଶିତ ଏହି ଫିଲ୍ମରେ ଗୋବିନ୍ଦା ଏବଂ ରବିନା ଟଣ୍ଡନ୍ ମୁଖ୍ୟ ଭୂମିକାରେ ଥିଲେ। ତେବେ ଏ ସଂକ୍ରାନ୍ତରେ ପ୍ରଡକ୍ସନ ହାଉସ୍ ତରଫରୁ କୌଣସି ସରକାରୀ ଘୋଷଣା କରାଯାଇ ନାହିଁ।

ନିକଟରେ ପ୍ରଡକ୍ସନ୍ ହାଉସର ନିକଟ ସୂତ୍ର କହିଛି ଯେ ଶାହରୁଖ ଖାନ କମେଡି ଫିଲ୍ମର ଜଣେ ବଡ଼ ପ୍ରଶଂସକ ଏବଂ ସେ ପସନ୍ଦ କରୁଥିବା କମେଡି ଫିଲ୍ମ ମଧ୍ୟରୁ 'ଦୁଲ୍‌ହେ ରାଜା' ଅନ୍ୟତମ। ଏହି ସୂତ୍ରରୁ ଜଣାପଡିଛି ଯେ ଯେତେବେଳେ ଜଣେ ସହକର୍ମୀ 'ଦୁଲ୍‌ହେ ରାଜା'ର ଅଧିକାର କିଣିବା ପାଇଁ କହିଥିଲେ, ସେତେବେଳେ ଶାହରୁଖ ତୁରନ୍ତ ଏହାକୁ ନେବାକୁ ରାଜି ହୋଇଯାଇଥିଲେ।

ରିପୋର୍ଟରେ କୁହାଯାଇଛି ଯେ ‘ଆଜିର ସମୟରେ ଦର୍ଶକଙ୍କ ଅନୁଯାୟୀ 'ଦୁଲ୍‌ହେ ରାଜା'କୁ କିପରି କରିବେ ତାହା ରେଡ୍ ଚିଲିସ୍ ଏଣ୍ଟରଟେନମେଣ୍ଟ’ର ଟିମ୍ ସ୍ଥିର କରିବ। କେବଳ ଏତିକି ନୁହେଁ, ଫିଲ୍ମର ସାଟେଲାଇଟ୍ ଓ ଡିଜିଟାଲ ଅଧିକାର ମଧ୍ୟ ଶାହାରୁଖ ଖାନଙ୍କ ପାଖରେ ଅଛି। 

ସୂତ୍ର ଏହା ମଧ୍ୟ କହିଛି ଯେ ଏହି ଡିଲ୍ ବହୁ ପୂର୍ବରୁ କରାଯାଇଥିଲା। ବର୍ତ୍ତମାନ ସଲମାନ ଖାନଙ୍କ ସହ 'କିସୀ କା ଭାଇ କିସି କୀ ଜାନ୍‌'ରେ କାମ କରୁଥିବା ଫରହାଦ ସାମଜୀ 'ଦୁଲ୍‌ହେ ରାଜା'ର ଡ୍ରାଫ୍ଟରେ କାମ ଆରମ୍ଭ କରିଛନ୍ତି। ଅଜଣା ସୂତ୍ରରୁ ଜଣାପଡିଛି ଯେ ମୌଳିକତାକୁ ଦୃଷ୍ଟିରେ ରଖି ଏକ ନୂଆ ସ୍କ୍ରିପ୍ଟ ପ୍ରସ୍ତୁତ କରିବାକୁ ଫରହାଦଙ୍କୁ ପରାମର୍ଶ ଦିଆଯାଇଛି।