/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1750064274.jpg )
Follow Us/odishatv-khabar/media/post_attachments/uploadimage/library/16_9/16_9_0/IMAGE_1757513139.jpg)
sapna choudery
ଯଦି ନୃତ୍ୟ ଓ ମଞ୍ଚ ପ୍ରଦର୍ଶନର କଥା ହୁଏ ଆଉ ସପନା ଚୌଧରୀଙ୍କ ନାମ ନ ଆସେ, ତାହେଲେ କଥାଟା ଅଧୁରା ଲାଗେ। ହରିୟାଣାର ମଞ୍ଚରୁ ଦେଶ-ବିଦେଶ, ଫିଲ୍ମ ଓ ବିଗ୍ ବସ୍ ପର୍ଯ୍ୟନ୍ତ ପହଞ୍ଚିଥିବା ସପନାଙ୍କୁ ଆଜି କୌଣସି ସ୍ବତନ୍ତ୍ର ପରିଚୟର ଆବଶ୍ୟକତା ନାହିଁ ।
ସପନାଙ୍କ ଜନ୍ମ ରୋହତକ ଜିଲ୍ଲାର ଏକ ଛୋଟ ଗାଁରେ ହୋଇଥିଲା। ସାଧାରଣ ପରିବାରରେ ଜନ୍ମିତ, ପିତାଙ୍କ ମୃତ୍ୟୁ ପରେ ଆର୍ଥିକ ଅଭାବ ଭିତରେ ବଢ଼ିଥିଲେ । ତାଙ୍କୁ ସ୍କୁଲ ଛାଡ଼ିବାକୁ ପଡ଼ିଥିଲା, କିନ୍ତୁ ସପନାଙ୍କର ଆତ୍ମବିଶ୍ୱାସ କମ ହୋଇନଥିଲା । ପିଲାଦିନରୁ ନୃତ୍ୟ ପ୍ରତି ତାଙ୍କର ଆଗ୍ରହ ଥିଲା । ଗାଁର ମେଳାରେ ଲୋକଗୀତରେ ନାଚୁଥିଲେ ଓ ଲୋକେ ତାଙ୍କୁ ପ୍ରଶଂସାରେ ପୋତିପକାଉଥିଲେ ।
ସେ ଭାବିଥିଲେ, ‘ଏହା ହିଁ ମୋର ସୁଯୋଗ!’ ଦିଲ୍ଲୀର ରାସ୍ତା ଧରିଥିଲେ, ଯେଉଁଠି ରାସ୍ତା କଣ୍ଟାରେ ଭରା ଥିଲା। ଛୋଟ ଛୋଟ ଶୋ’ରେ ସୁଯୋଗ ମିଳିଥିଲା, ଅନେକଙ୍କ କଥା ମଧ୍ୟ ଶୁଣିବାକୁ ପଡ଼ିଥିଲା। କିନ୍ତୁ ସପନା ହାର ମାନି ନଥିଲେ। ୟୁଟ୍ୟୁବରେ ତାଙ୍କର ‘ତେରୀ ଆଖିୟା କା ୟୋ କାଜଲ’ ଗୀତ ରିଲିଜ୍ ହୋଇଥିଲା ଓ ରାତାରାତି ଭାଇରାଲ ହୋଇଥିଲା। ଲକ୍ଷ ଲକ୍ଷ ଭ୍ୟୁ, ଫ୍ୟାନ ଫଲୋଇଙ୍ଗ । ସପନା ଏବେ ହରିୟାଣୀ ସଙ୍ଗୀତର ରାଣୀ ହୋଇଥିଲେ।
‘ବିଗ୍ ବସ୍’ରେ ତାଙ୍କ ସାଦାସିଧା ଅନ୍ଦାଜ ଓ ନୃତ୍ୟ ଦର୍ଶକଙ୍କ ମନ ଜିଣି ନେଇଥିଲା। ତା’ପରେ ଆସିଥିଲା ମ୍ୟୁଜିକ୍ ଭିଡିଓ, ଫିଲ୍ମ ଓ ମଞ୍ଚ ପ୍ରଦର୍ଶନ। ସପନା କେବେ ନିଜ ମୂଳକୁ ଭୁଲି ନଥିଲେ। ଆଜି ସେ ଲକ୍ଷ ଲକ୍ଷ ଝିଅଙ୍କ ପାଇଁ ପ୍ରେରଣା, ଯେଉଁମାନେ ସ୍ୱପ୍ନ ଦେଖିବାକୁ ଭୟ କରନ୍ତି। ତାଙ୍କର କାହାଣୀ ଶିଖାଏ ଯେ କଠିନ ପରିଶ୍ରମ ଓ ଆତ୍ମବିଶ୍ବାସ ସହ କୌଣସି ଲକ୍ଷ୍ୟ ଦୂର ନୁହେ। ସପନା ଚୌଧରୀ ଏବେ କେବଳ ଏକ ନାମ ନୁହେ, ବରଂ ଏକ ଉଦାହରଣ। ଗାଁର ଗଳିରୁ ଚମକୁଥିବା ମଞ୍ଚ ପର୍ଯ୍ୟନ୍ତ, ସେ ପ୍ରମାଣ କରିଛନ୍ତି ଯେ ସ୍ୱପ୍ନ ସତ ହୁଏ।