Salman Khan Fans Angry: ଆମିର ଖାନଙ୍କ ପୁଅଙ୍କୁ ଠେଲିଦେଲେ ସଲମାନ ଖାନଙ୍କ ସିକ୍ୟୁରିଟି

ସଲମାନ ଖାନ ବହୁତ ଦିନ ଧରି ତାଙ୍କ ସୁରକ୍ଷାକୁ ନେଇ ଖବରରେ ଅଛନ୍ତି। ନିକଟରେ ସେ ଆମିର ଖାନଙ୍କ ଫିଲ୍ମ ‘ସିତାରା ଜମିନ ପର୍‌’ର ସ୍କ୍ରିନିଂରେ ଯୋଗ ଦେଇଥିଲେ। ଏହି ସମୟରେ ସୁରକ୍ଷାକୁ ନେଇ ଏକ ଭୁଲ୍ ସାମ୍ନାକୁ ଆସିଛି। ଜଣେ ବ୍ୟକ୍ତି ଜୋରଜବରଦସ୍ତ ତାଙ୍କ ପାଖକୁ ଯିବାକୁ ଚେଷ୍ଟା କରୁଥିଲେ, ଯାହାକୁ ଅଭିନେତାଙ୍କ ସୁରକ୍ଷା ଟିମ୍ ଠେଲି ଦେଇଥିଲେ।

ସ୍କ୍ରିନିଂ ସମୟରେ ଘଟିଥିବା ଏହି ଘଟଣା ବହୁତ ଚର୍ଚ୍ଚା ସୃଷ୍ଟି କରିଛି। ପ୍ରକୃତରେ ସଲମାନ ଖାନଙ୍କ ସୁରକ୍ଷା କର୍ମୀ ଆମିର ଖାନଙ୍କ ପୁଅ ଜୁନୈଦଙ୍କୁ ଠେଲି ଦେଇଥିଲେ। ଯେତେବେଳେ ସେ ତାଙ୍କୁ ଭେଟିବାକୁ ଆସୁଥିଲେ, ସୁରକ୍ଷା କର୍ମୀ ଜୁନୈଦଙ୍କୁ ଏକ ସାଇଡ୍‌କୁ ଠେଲି ଦେଇଥିଲେ।

ସଲମାନ ଖାନ ଏବଂ ଜୁନୈଦ ଖାନଙ୍କ ଏହି ଘଟଣାଟି ତୁରନ୍ତ କ୍ୟାମେରାରେ କଏଦ ହୋଇଗଲା। ଏହାକୁ ଦେଖିବା ପରେ ସମସ୍ତେ ସୋସିଆଲ ମିଡିଆରେ ପ୍ରତିକ୍ରିୟା ଦେବା ଆରମ୍ଭ କରିଛନ୍ତି। ଏହି ସମୟରେ କିନ୍ତୁ ସଲମାନ ଖାନଙ୍କ ଧ୍ୟାନ ଅନ୍ୟ ଆଡେ ଥିଲା ଏବଂ ଜୁନୈଦ ତାଙ୍କ ଆଡକୁ ଆସୁଥିଲେ। କିନ୍ତୁ ସଲମାନଙ୍କ ସିକ୍ୟୁରିଟି ତାଙ୍କୁ ଠେଲି ଦେଇଥିଲେ।

ଅଧିକ ପଢ଼ନ୍ତୁ: ଆମିର ଖାନଙ୍କ ସହ ରେଖା; ସିନ୍ଥିରେ ସିନ୍ଦୂର, ମଥାରେ ଓଢଣୀ

ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ୍‌ ହେଉଛି। ଏଥିରେ ଆମିର ଖାନଙ୍କ ଫିଲ୍ମ ‘ସିତାରେ ଜମିନ ପର’ ଶୋ’ରେ ସଲମାନ ଖାନ ଯୋଗ ଦେଇଥିଲେ। ଜୁନୈଦ ଖାନ ସଲମାନଙ୍କୁ ଦେଖିବା ମାତ୍ରେ ତାଙ୍କୁ ଭେଟିବାକୁ ଆସିଥିଲେ। କିନ୍ତୁ ପାଖରେ ଥିବା ସିକ୍ୟୁରିଟିମାନେ ତୁରନ୍ତ ତାଙ୍କୁ ଅଟକାଇ ଦେଲେ। ଜୁନୈଦ ସିକ୍ୟୁରିଟୀଙ୍କୁ ବୁଝାଇବାକୁ ଚେଷ୍ଟା କରନ୍ତି କିନ୍ତୁ ସେମାନେ ତାଙ୍କୁ ସାଇଡ୍‌କୁ ଠେଲି ଦିଅନ୍ତି। ଏହା ଭିଡିଓରେ ସ୍ପଷ୍ଟ ଦେଖାଯାଉଛି।

ଜୁନୈଦ ଖାନଙ୍କ ପ୍ରତି ସଲମାନଙ୍କ ସିକ୍ୟୁରିଟିଙ୍କ ଏପରି ବ୍ୟବହାର ପାଇଁ ଅନେକ ଲୋକ ଖରାପ ଭାବିଛନ୍ତି। ଜଣେ ଲେଖିଛନ୍ତି - ସଲମାନ ଖାନ କ’ଣ ଅନ୍ଧ ଯେ ସେ ଜୁନୈଦଙ୍କୁ ଦେଖିପାରୁ ନାହାଁନ୍ତି। ଅନ୍ୟ ଜଣେ ଲେଖିଛନ୍ତି - ଏହା ବହୁତ ଅସଭ୍ୟ। ସେ ଜୁନୈଦ ଖାନଙ୍କୁ ଦେଖିପାରୁ ନାହାଁନ୍ତି କି? ଆମିର ଖାନ ଏବଂ ଜୁନୈଦ କ୍ୟାମେରା ସାମ୍ନାରେ ଏତେ ନମ୍ର ହେବା ବନ୍ଦ କରିବା ଉଚିତ। ସଲମାନ ଖାନଙ୍କୁ ଦେଖନ୍ତୁ, ସେ ତାଙ୍କ ସୁରକ୍ଷା କର୍ମୀଙ୍କ ସହିତ କେତେ ଅହଂକାରୀ ଭାବରେ ଚାଲୁଛନ୍ତି। ଜୁନୈଦଙ୍କୁ ଦେଖନ୍ତୁ, ସେ କେତେ ସୁନ୍ଦର ବ୍ୟକ୍ତି।

ଅନ୍ୟ ଜଣେ କହିଛନ୍ତି - ଜୁନୈଦ ଖାନ ନିଶ୍ଚୟ ସିକ୍ୟୁରିଟିମାନଙ୍କୁ କହୁଛନ୍ତି, ଭାଇ, ମୋତେ ଯିବାକୁ ଦିଅ, ମୁଁ ଆମିର ଖାନଙ୍କ ପୁଅ।

ଆମିର ଖାନଙ୍କୁ ତାଙ୍କ ୨୦୦୭ ମସିହାର ହିଟ୍ ଫିଲ୍ମ ‘ତାରେ ଜମିନ୍ ପର’ର ଆଧ୍ୟାତ୍ମିକ ସିକ୍ୱେଲ୍ 'ସିତାରେ ଜମିନ୍ ପର'ରେ ଦେଖିବାକୁ ମିଳିଛି। ଏହି ଫିଲ୍ମ ଆଜି ମୁକ୍ତିଲାଭ କରିଛି। ଏହି ଫିଲ୍ମରେ ଆମିରଙ୍କ ସହିତ ଜେନେଲିଆ ଡି'ସୁଜା ମଧ୍ୟ ମୁଖ୍ୟ ଭୂମିକାରେ ଅଛନ୍ତି।

ଅଧିକ ପଢ଼ନ୍ତୁ: ମାଳା ବିକାଳୀରୁ କୋଟିପତି! ବଲିଉଡ୍ ଷ୍ଟାର୍‌ଙ୍କ ଠାରୁ ବି ଅଧିକ ରୋଜଗାର କଲେଣି ମୋନାଲିସା