Salman Khan: ପୂର୍ବରୁ ଲୋକମାନେ ପରସ୍ପର ପାଇଁ ତ୍ୟାଗ କରୁଥିଲେ, ଏବେ ଗୋଡ ବାଜିଗଲେ ଛାଡପତ୍ର; ସଲମାନ୍ ଖାନ୍

'ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ'ର ତୃତୀୟ ସିଜିନ୍ ଖୁବ୍ ଶୀଘ୍ର ଆରମ୍ଭ ହେବାକୁ ଯାଉଛି। କିନ୍ତୁ ଏହି ଶୋ' ସହିତ ଜଡିତ ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି, ଯେଉଁଥିରେ ସଲମାନ ଖାନ ଷ୍ଟେଜ୍‌ରେ ନଜର ଆସୁଛନ୍ତି। ଭିଡିଓରେ, ଅଭିନେତା ଆଜିକାଲି ସାଧାରଣତଃ ସମ୍ପର୍କ ମଧ୍ୟରେ ଛାଡପତ୍ର ଏବଂ କଳହ ଉପରେ ମନ୍ତବ୍ୟ ଦେଇଛନ୍ତି। ଆସନ୍ତୁ ଜାଣିବା ସେ କ’ଣ କହିଛନ୍ତି।

ସୋସିଆଲ ମିଡିଆରେ ଏହି ଭାଇରାଲ୍‌ ଭିଡିଓରେସଲମାନ ଖାନ ମଜ୍ଜାଳିଆ ଢଙ୍ଗରେ କହିଛନ୍ତି, “ପୂର୍ବରୁ ଲୋକମାନେ ପରସ୍ପର ପାଇଁ ତ୍ୟାଗ କରୁଥିଲେ ଏବଂ ପରସ୍ପରକୁ ବୁଝିପାରୁଥିଲେ। ଏବେ ଯଦି ରାତିରେ ଜଣଙ୍କର ଗୋଡ ଟିକେ ବାଜିଯାଉଛି, ତେବେ ସେଥିପାଇଁ ଛାଡପତ୍ର ହୋଇଯାଉଛି। ଯଦି ଜଣେ ଘୁଙ୍ଗୁଡ଼ି ମାରୁଛି, ତେବେ ଛାଡପତ୍ର ହୋଇଯାଉଛି। ଲୋକମାନେ ଛୋଟ ଛୋଟ କଥାରେ ଛାଡପତ୍ର ଦେବାକୁ ନିଷ୍ପତ୍ତି ନେଇଯାଉଛନ୍ତି। କେବଳ ଏତିକି ନୁହେଁ, ଏହାପରେ ସେ ଅଧା ଟଙ୍କା ନେଇ ଚାଲିଯାଏ।”

ଅଧିକ ପଢ଼ନ୍ତୁ: ଚାଲି-ହସ ପୂରା ସୁପର୍‌ଷ୍ଟାର୍; ମୋନାଲିସାଙ୍କ ଆଗରେ ପୂରା ଫିକା ଦୀପିକା-କାଟ୍ରୀନା

ଅଭିନେତା ଏହା କହିବା ପରେ, ଶୋ'ରେ ଥିବା ଅର୍ଚ୍ଚନା ପୁରନ ସିଂହ ଏବଂ ନବଜୋତ ସିଂହ ସିଦ୍ଧୁ ଖୁବ୍ ହସୁଥିବାର ନଜର ଆସନ୍ତି।

ସଲମାନ ଖାନଙ୍କ ଏହି ଭିଡିଓ ଭାଇରାଲ ହେବା ମାତ୍ରେ ସୋସିଆଲ ମିଡିଆ ବ୍ୟବହାରକାରୀଙ୍କ ଠାରୁ ପ୍ରତିକ୍ରିୟା ଆସିବା ଆରମ୍ଭ ହୋଇଯାଇଛି। ଜଣେ ଲେଖିଛନ୍ତି - ସିକନ୍ଦର ଭାଇ ଏକ ଉଚିତ କଥା କହିଛନ୍ତି।

ଆଉ ଜଣେ କହିଛନ୍ତି - ଅଭିନେତା ତାଙ୍କ କ୍ୟାରିଅର ଆରମ୍ଭରୁ ତାଙ୍କ ବିଚାରରେ ସ୍ପଷ୍ଟ ଥିଲେ, କିନ୍ତୁ ସେ କେବେବି ଜ୍ଞାନୀ ହେବାର ଅଭିନୟ କରି ନାହାନ୍ତି। ଏହା ବ୍ୟତୀତ ଆଉ ଜଣେ ୟୁଜର ଲେଖିଛନ୍ତି - ଏହା ସତ ଯେ ଆଜିକାଲି ବିବାହ ଏବଂ ସମ୍ପର୍କ ଏହିପରି।

‘ଦି ଗ୍ରେଟ୍ ଇଣ୍ଡିଆନ୍ କପିଲ ଶର୍ମା’ର ତୃତୀୟ ସିଜିନ୍ ଜୁନ୍ ୨୧ ରୁ ନେଟ୍‌ଫ୍ଲିକ୍ସରେ ଷ୍ଟ୍ରିମ୍ ହେବ। ଏଥର ସୁନୀଲ ଗ୍ରୋଭର, କୃଷ୍ଣା, କିକୁ ଶାରଦା, ଅର୍ଚ୍ଚନା ପୁରନ୍ ସିଂହ ଏବଂ ନବଜୋତ ସିଂହ ସିଦ୍ଧୁ ଏହି ଶୋ’ରେ ନଜର ଆସିବେ।

ଅଧିକ ପଢ଼ନ୍ତୁ: ଆଉ ଗୋଟେ ପାଦ ଆଗକୁ ଗଲେ ମୋନାଲିସା; ମ୍ୟୁଜିକ୍ ଭିଡିଓରେ ନାୟିକା