Rakhi Sawant: ଆଉ ଥରେ ବାହା ହେବେ ରାଖୀ ସାୱନ୍ତ; ଜାଣନ୍ତୁ କିଏ ହେବେ ତାଙ୍କ ଜୀବନସାଥୀ

ବଲିଉଡ୍‌ର 'ଡ୍ରାମା କ୍ୱିନ୍' ରାଖୀ ସାୱନ୍ତ ସବୁବେଳେ କିଛି ନା କିଛି ଘଟଣାକୁ ନେଇ ଚର୍ଚ୍ଚାରେ ରହିଥାନ୍ତି। ଏବେ ଖବର ଆସିଛି ଯେ ୪୬ ବର୍ଷ ବୟସରେ ସେ ପୁଣି ଥରେ ବିବାହ ପାଇଁ ପ୍ରସ୍ତୁତ ହେଉଛନ୍ତି। ଭାରତରେ ଦୁଇଟି ବିଫଳ ବିବାହର ଯନ୍ତ୍ରଣା ସାମ୍ନା କରିବା ପରେ ଅଭିନେତ୍ରୀ ବର୍ତ୍ତମାନ ପଡୋଶୀ ଦେଶ ପାକିସ୍ତାନରେ ବିବାହ କରିବାକୁ ଯୋଜନା କରୁଛନ୍ତି।

ରାଖୀ ଏହାପୂର୍ବରୁ ରିତେଶ ସିଂହଙ୍କୁ ବିବାହ କରିଥିଲେ। ରାଖୀ ପ୍ରଥମରୁ ରିତେଶଙ୍କ ବିବାହ କଥାକୁ ଲୁଚାଇ ରଖିଥିଲେ। ପରେ ସେ ରିତେଶଙ୍କ ସହ ‘ବିଗ୍ ବସ୍’କୁ ଯାଇଥିଲେ। ରାଖୀ ଏବଂ ରିତେଶଙ୍କ ଏହି ବିବାହ ମଧ୍ୟ ତିଷ୍ଠି ରହିଲା ନାହିଁ।

ଅଧିକ ପଢ଼ନ୍ତୁ: ଏହି ପୌରାଣିକ କାହାଣୀକୁ ନେଇ କାମ କରିବେ ରାଜାମୌଲି; ଅଂଶ ହେବେ ଜଣେ ଖାନ୍

ରାଖୀଙ୍କ ଦ୍ୱିତୀୟ ବିବାହ ଆଦିଲ ଖାନ ଦୁରାନୀଙ୍କ ସହ ହୋଇଥିଲା। ବର୍ତ୍ତମାନ ଏହି ବିବାହ ମଧ୍ୟ ଭାଙ୍ଗିଯାଇଛି। ରାଖି ଆଦିଲ ଖାନ ଦୁରାନୀଙ୍କ ବିରୋଧରେ ଅନେକ ଅଭିଯୋଗ ମଧ୍ୟ କରିଥିଲେ ଏବଂ ତାଙ୍କୁ ଜେଲ୍‌କୁ ପଠାଇଥିଲେ। ରାଖୀ ସାୱନ୍ତ ତାଙ୍କ ବ୍ୟକ୍ତିଗତ ଜୀବନକୁ ନେଇ ଅନେକ ସମୟରେ ଆଲୋଚିତ ହୁଅନ୍ତି। ବର୍ତ୍ତମାନ ଖବର ଆସିଛି ଯେ ରାଖୀଙ୍କ ପାଇଁ ପାକିସ୍ତାନରୁ ଭଲ ପ୍ରସ୍ତାବ ମିଳିଛି।

ଟାଇମ୍ସ ଅଫ୍ ଇଣ୍ଡିଆ ଟିଭି ସହିତ ଏକ ସ୍ୱତନ୍ତ୍ର ବାର୍ତ୍ତାଳାପରେ ରାଖୀ ଏହା ଉଲ୍ଲେଖ କରିଛନ୍ତି ଏବଂ ସେ ତୃତୀୟ ବିବାହ ପାଇଁ ପ୍ରସ୍ତୁତ ବୋଲି ସୂଚନା ଦେଇଛନ୍ତି। ସେ ପାକିସ୍ତାନରେ ବିବାହ କରିବେ ବୋଲି କହିଛନ୍ତି।

ଅଧିକ ପଢ଼ନ୍ତୁ: ରାଜାମୌଲି କହିଲେ ‘ପ୍ରଭାସଙ୍କ ତୁଳନାରେ ହ୍ରିତିକ୍ ରୋଶନ କିଛି ନୁହେଁ’; ଅର୍ଶଦ କହିଲେ ପ୍ରଭାସ ଜୋକର୍

ମୁଁ ପାକିସ୍ତାନରେ ବିବାହ କରିବି:

ରାଖୀ କହିଛନ୍ତି, “ମତେ ପାକିସ୍ତାନରୁ ଅନେକ ପ୍ରସ୍ତାବ ମିଳିଛି। ମୁଁ ଯେତେବେଳେ ପାକିସ୍ତାନ ଯାଇଥିଲି, ସେ ଦେଖିଥିଲେ ଯେ ମୋର ଶେଷ ଦୁଇଟି ବିବାହରେ ମୁଁ କେତେ ଅସୁବିଧାର ସମ୍ମୁଖୀନ ହୋଇଛି। ମୁଁ ନିଶ୍ଚିତ ଭାବେ ପାକିସ୍ତାନରେ ବିବାହ କରିବାକୁ ଚାହିଁବି।”

ଅନେକ ପାକିସ୍ତାନୀ ଏବଂ ଭାରତୀୟ ବିବାହ କରିଛନ୍ତି:

ରାଖୀ ଆହୁରି କହିଛନ୍ତି ଯେ ଅନେକ ପାକିସ୍ତାନୀ ଏବଂ ଭାରତୀୟ ଯୋଡି ବିବାହ କରିଛନ୍ତି ଏବଂ ଆମେରିକା ଏବଂ ଦୁବାଇରେ ସେଟଲ୍ ହୋଇ ଭଲ ଜୀବନଯାପନ କରୁଛନ୍ତି। ଏହି ପ୍ରକାର ବିବାହ ଦୁଇ ଦେଶ ମଧ୍ୟରେ ଶାନ୍ତି ଏବଂ ବୁଝାମଣାକୁ ପ୍ରୋତ୍ସାହିତ କରିଥାଏ।

ରାଖୀ ଆହୁରି କହିଛନ୍ତି, “ଭାରତୀୟ ଏବଂ ପାକିସ୍ତାନୀମାନେ ପରସ୍ପର ବିନା କିଛି କରିପାରିବେ ନାହିଁ। ମୁଁ ପାକିସ୍ତାନୀ ଲୋକଙ୍କୁ ପସନ୍ଦ କରେ ଏବଂ ସେଠାରେ ମୋର ମଧ୍ୟ ପ୍ରଶଂସକ ଅଛନ୍ତି।”

ଆମେ ଦୁବାଇରେ ସେଟଲ୍ ହେବୁ:

ସେ ତାଙ୍କ ସମ୍ଭାବ୍ୟ ପ୍ରେମିକ ଡୋଡି ଖାନଙ୍କ ବିଷୟରେ ମଧ୍ୟ କହିଛନ୍ତି। ସେ ଜଣେ ଅଭିନେତା ଏବଂ ଜଣେ ପୋଲିସ ଅଫିସର ମଧ୍ୟ। ରାଖୀ କହିଛନ୍ତି, “ଏହି ବିବାହ ପାକିସ୍ତାନରେ ଇସ୍‌ଲାମି୍‌କ ରୀତିନୀତି ଅନୁଯାୟୀ ହେବ। ଏହି ବିବାହର ରିସେପ୍‌ସନ୍ ପାର୍ଟି ଭାରତରେ ହେବ ଏବଂ ଆମେ ଆମର ହନିମୁନ୍ ପାଇଁ ସ୍ୱିଜର୍‌ଲ୍ୟାଣ୍ଡ୍‌ କିମ୍ବା ନେଦର୍‌ଲ୍ୟାଣ୍ଡ ଯିବୁ। ଆମେ ଦୁବାଇରେ ସେଟଲ୍ ହେବୁ।”

ଅଧିକ ପଢ଼ନ୍ତୁ: କମାଲ୍ କଲେ ଅକ୍ଷୟ କୁମାର; ଟଙ୍କା ଛାଣୁଛି 'ସ୍କାଏ ଫୋର୍ସ'