LIVE TV
ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ସବୁଠାରୁ ଲୋକପ୍ରିୟ ତଥା ପ୍ରତିଭାବାନ ଅଭିନେତା ଫହଦ୍ ଫାସିଲ୍ ୪୧ ବର୍ଷ ବୟସରେ ଆଟେନ୍ସନ୍-ଡେଫିସିଟ୍ / ହାଇପରଏକ୍ଟିଭିଟି ଡିସ୍ଅର୍ଡର (ADHD) ନାମକ ଏକ ରୋଗରେ ପୀଡିତ ହୋଇଥିଲେ। ADHD ହେଉଛି ଏକ ନ୍ୟୁରୋଡେଭଲପ୍ମେଣ୍ଟାଲ୍ ବ୍ୟାଧି ଯାହା ଦ୍ୱାରା ମନର ଧ୍ୟାନ ବ୍ୟକ୍ତି ଆଚରଣ ଏବଂ ଆବେଗକୁ ନିୟନ୍ତ୍ରଣ କରିବାର କ୍ଷମତାକୁ ପ୍ରଭାବିତ କରିଥାଏ।
ପିଲାମାନଙ୍କ କ୍ଷେତ୍ରରେ ଏହା ସାଧାରଣ ହୋଇଥିବା ବେଳେ ବୟସ୍କମାନଙ୍କ ପାଇଁ ଏହା ବିପଦଜନକ ବୋଲି ବିବେଚନା କରାଯାଏ। ଫହଦ ଏକ କାର୍ଯ୍ୟକ୍ରମରେ ନିଜର ଏହି ରୋଗ ଏବଂ ଏଥିରୁ ଆରୋଗ୍ୟ ହେବା ବିଷୟରେ କହିଥିଲେ।
Also Read
ଅଧିକ ପଢ଼ନ୍ତୁ: 'ପୁଷ୍ପା ପୁଷ୍ପା' ପରେ ଏହି ଦିନ ରିଲିଜ୍ ହେବ ଦ୍ୱିତୀୟ ଗୀତ; ରୋମାଣ୍ଟିକ୍ ହେବେ ଅଲୁ-ରଶ୍ମିକା
କେରଳର କୋଠାମଙ୍ଗଳମ୍ରେ 'ପିସ୍ ଭ୍ୟାଲୀ ଚିଲ୍ଡ୍ରେନ୍ ଭିଲେଜ୍' ଉଦ୍ଘାଟନ କରିବା ପରେ ଫହଦ୍ ଫସିଲ ପିଲାମାନଙ୍କର ଗାଁ ପରିଦର୍ଶନ କରିବାବେଳେ ଡାକ୍ତରଙ୍କୁ ପଚାରିଥିଲେ ଯେ ADHD ଚିକିତ୍ସା କରିବା ସହଜ କି? ଏହାକୁ ନେଇ ସେ କୁହନ୍ତି, “ଡାକ୍ତର ମୋତେ କହିଥିଲେ ଯେ ଯଦି ଏହା କମ ବୟସରେ ଚିହ୍ନଟ ହୁଏ ତେବେ ଏହା ସହଜରେ ଆରୋଗ୍ୟ ହୋଇପାରିବ।”
ଫହଦ ଆହୁରି କହିଥିଲେ, “ମୁଁ ପଚାରିଥିଲି ୪୧ ବର୍ଷ ବୟସରେ ADHD ରୋଗ ଭଲ ହୋଇପାରିବ କି? ମୋତେ ୪୧ ବର୍ଷ ବୟସରେ ADHD ଚିହ୍ନଟ କରାଯାଇଥିଲା ଏବଂ ମୁଁ ବର୍ତ୍ତମାନ ସୁସ୍ଥ ଅଛି।” ଫିଲ୍ମ ‘ଆଭେଶମ’ର ସଫଳତା ପରେ ତାଙ୍କର ଏହି ମତ ଆସିଛି। ସମାଲୋଚକ ଏବଂ ଦର୍ଶକଙ୍କ ଦ୍ୱାରା ‘ଆଭେଶମ’କୁ ଖୁବ ପ୍ରଶଂସା କରାଯାଇଛି। ଚଳଚ୍ଚିତ୍ରର ସିନେମାଟୋଗ୍ରାଫି, ଆକ୍ସନ୍ ସିନ୍ ଏବଂ ବିଜିଏମ୍କୁ ମଧ୍ୟ ଖୁବ୍ ପ୍ରଶଂସା କରାଯାଇଥିଲା।
ଅଧିକ ପଢ଼ନ୍ତୁ: ଫିଲ୍ମ କଥା ଛାଡନ୍ତୁ, ପାର୍ଟି ଫଙ୍କସନ୍ଙ୍କୁ ଗଲେ ବି ଏତେ କୋଟି ନିଅନ୍ତି ପ୍ରଭାସ
ଚଳିତ ବର୍ଷର ସର୍ବାଧିକ ଆୟ କରିଥିବା ଭାରତୀୟ ଚଳଚ୍ଚିତ୍ର ମଧ୍ୟରୁ ‘ଆଭେଶମ୍’ ଗୋଟିଏ। ଏହାକୁ ଜିତୁ ମାଧବନ ଲେଖିଥିଲେ ଏବଂ ନିର୍ଦ୍ଦେଶନା ଦେଇଥିଲେ। ଏଥିରେ ଫହଦ୍ ଜଣେ ଗ୍ୟାଙ୍ଗଷ୍ଟର ଭୂମିକାରେ ଅଭିନୟ କରିଛନ୍ତି। ବର୍ତ୍ତମାନ, ଫହଦ ନିର୍ଦ୍ଦେଶକ ଜିତୁ ଜୋସେଫଙ୍କ ସହ କାମ କରିବାକୁ ଯାଉଛନ୍ତି। ଜିତୁ ମୋହନଲାଲ ଷ୍ଟାରର ମାଲାୟାଲମ୍ ଫିଲ୍ମ ଫ୍ରାଞ୍ଚାଇଜ୍ 'ଦୃଶ୍ୟମ' ଏବଂ 'ଦୃଶ୍ୟମ ୨' ନିର୍ଦ୍ଦେଶନା ଦେଇଥିଲେ।
ଏହା ବ୍ୟତୀତ ଫହଦଙ୍କୁ ପୁଣି ଥରେ ଅଲୁ ଅର୍ଜୁନ-ରଶ୍ମିକା ମନ୍ଦନା ଷ୍ଟାରର 'ପୁଷ୍ପା ୨'ରେ ଦେଖିବାକୁ ମିଳିବ। ସେ ରଜନୀକାନ୍ତଙ୍କ ଅଭିନୀତ 'ଭେଟ୍ଟାୟାନ'ରେ ମୁଖ୍ୟ ଭୂମିକାରେ ଅଭିନୟ କରିବେ। ଏହା ଟିଜେ ଗ୍ନାନଭେଲଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ। ଏଥିରେ ଅମିତାଭ ବଚ୍ଚନ, ରାଣା ଦଗ୍ଗୁବାତୀ ଏବଂ ମଞ୍ଜୁ ୱାରିଅର୍ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିବେ।
