ଆସୁଛି 'ପୋନ୍ନିୟିନ୍ ସେଲଭନ୍-୨'; ଏହିଦିନ ହେବ ରିଲିଜ୍

ଭାରତୀୟ ସିନେମାକୁ ଏକରୁ ଅଧିକ ଚଳଚ୍ଚିତ୍ର ଦେଇଥିବା ପ୍ରସିଦ୍ଧ ନିର୍ଦ୍ଦେଶକ ମଣିରତ୍ନମଙ୍କ ଚଳଚ୍ଚିତ୍ର 'ପୋନ୍ନିୟିନ୍ ସେଲଭନ୍-୧' ୨୦୨୨ ମସିହାରେ ସବୁ ପ୍ରେକ୍ଷାଳୟରେ ଜବରଦସ୍ତ ଧମାକା ସୃଷ୍ଟି କରିଥିଲା। ସବୁ ବଡ ବଡ ଷ୍ଟାର୍‌କାଷ୍ଟରେ ସୁସଜ୍ଜିତ ଏହି ଚଳଚ୍ଚିତ୍ର ଦେଖିବା ପରେ ଏହାର ଦ୍ୱିତୀୟ ଭାଗ ପାଇଁ ଦର୍ଶକଙ୍କ ହୃଦୟରେ ଅହେତୁକ ଉତ୍ସାହ ଦେଖାଦେଇଛି।

ସବୁ ଦର୍ଶକ ଉତ୍ସାହର ସହିତ 'ପୋନ୍ନିୟିନ୍ ସେଲ୍‌ଭନ୍ ୨' କୁ ଅପେକ୍ଷା କରିଛନ୍ତି। ଏଭଳି ପରିସ୍ଥିତିରେ ଶେଷରେ ଏବେ ଲୋକଙ୍କ ଏହି କୌତୁହଳକୁ ଶେଷ କରିବା ନେଇ ନିର୍ମାତା ଫିଲ୍ମର ରିଲିଜ୍ ତାରିଖ ପ୍ରକାଶ କରିଛନ୍ତି। ଚଳଚ୍ଚିତ୍ର ଦ୍ୱାରା ମିଳିଥିବା ଜବରଦସ୍ତ ପ୍ରତିକ୍ରିୟା ପରେ ଏବେ ଏହାର ଦ୍ୱିତୀୟ ଭାଗର ରିଲିଜ୍ ତାରିଖ ମଧ୍ୟ ସାମ୍ନାକୁ ଆସିଛି।

ଅଧିକ ପଢ଼ନ୍ତୁ: 'RRR' କୁ ପୁଣି ସଫଳତା; ଜାପାନରେ କଲା ରେକର୍ଡ଼

କେବେ ହେବ ରିଲିଜ୍:

ଗତ ବର୍ଷ ପ୍ରେକ୍ଷାଳୟକୁ ଆସିଥିବା 'PS-1' ମଧ୍ୟ ଟିକେଟ୍ ୱିଣ୍ଡୋରେ ମଧ୍ୟ ଅନେକ ରେକର୍ଡ କରିଥିଲା। ତାମିଲ ସିନେମାର ସର୍ବାଧିକ ଆୟକାରୀ ଚଳଚ୍ଚିତ୍ରରେ ପରିଣତ ହୋଇଥିବା ଏହି ମେଗା ବଜେଟ୍ ଚଳଚ୍ଚିତ୍ର ପାଇଁ ଲୋକଙ୍କ ମଧ୍ୟରେ ବହୁତ ଉତ୍ସାହ ଥିଲା, ଯାହା ଏହାର ବକ୍ସ ଅଫିସ୍ ଆୟ ଉପରେ ସିଧାସଳଖ ପ୍ରଭାବ ପକାଇଥିଲା। ଚଳଚ୍ଚିତ୍ର ରିଲିଜ୍ ହେବା ଦିନଠାରୁ ଏହାର ସିକ୍ୱେଲ୍ ରିଲିଜ୍ ତାରିଖ ଅର୍ଥାତ୍ 'PS-2' କୁ ନେଇ ଚର୍ଚ୍ଚା ଜୋର ଧରିଥିଲା।

ଫିଲ୍ମର ରିଲିଜ୍ ତାରିଖ ଦାବି କରି ଅନେକ ରିପୋର୍ଟ ମଧ୍ୟ ସାମ୍ନାକୁ ଆସିଥିଲା। ତେବେ ଆଜି 'ପୋନ୍ନିୟିନ୍ ସେଲଭନ୍ ୨'ର ରିଲିଜ୍ ତାରିଖ ଆନୁଷ୍ଠାନିକ ଭାବେ ଘୋଷଣା କରାଯାଇଛି। ନିର୍ମାତା ପୋଷ୍ଟର ଶେୟାର କରିଛନ୍ତି, ଯେଉଁଥିରେ ସ୍ପଷ୍ଟ ଭାବେ ଲେଖାଯାଇଛି ଯେ 'PS-2' ସାରା ବିଶ୍ୱରେ ଏପ୍ରିଲ ୨୮ରେ ମୁକ୍ତିଲାଭ କରିବ।

(ଏପ୍ରିଲ୍ ୨୮ ରେ ରିଲିଜ୍ ହେବ)

ଫିଲ୍ମର କାହାଣୀ:

'ପୋନ୍ନିୟିନ୍ ସେଲଭନ୍ : ୨' ମହାନ ଚୋଳ ସମ୍ରାଟ ରାଜା ଚୋଳଙ୍କ କାହାଣୀକୁ ନେଇ ପ୍ରସ୍ତୁତ। ସେ ତାଙ୍କ ସମୟରେ ଦକ୍ଷିଣରେ ସବୁଠାରୁ ଶକ୍ତିଶାଳୀ ରାଜା ଥିଲେ, ମୁଖ୍ୟତ ଚୋଳ ଶକ୍ତିକୁ ପୁନଃସ୍ଥାପିତ କରିବା ଏବଂ ଦକ୍ଷିଣ ପୂର୍ବ ଏସିଆ ଏବଂ ଭାରତ ମହାସାଗରରେ ନିଜର ସର୍ବୋଚ୍ଚତାକୁ ସୁନିଶ୍ଚିତ କରିବା ପାଇଁ ସ୍ମରଣ କରାଯାଏ।

ମଣିରତ୍ନମଙ୍କ ଦ୍ୱାରା ନିର୍ଦ୍ଦେଶିତ 'ପୋନ୍ନିୟିନ୍ ସେଲଭନ୍ ୨'କୁ ଲାଇକା ପ୍ରଡକ୍‌ସନ୍ସ ପ୍ରସ୍ତୁତି କରିଛନ୍ତି। 'ଲାଇକା ପ୍ରଡକ୍‌ସନ୍ସ' ହେଉଛି ଅନ୍ୟତମ ସଫଳ ଭାରତୀୟ ଫିଲ୍ମ ଷ୍ଟୁଡିଓ ଯିଏ ଭାରତକୁ ଅନେକ ବଡ ବଡ ତାମିଲ୍ ଫିଲ୍ମ ଦେଇଛି। ଏଥିରେ 'ପୋନ୍ନିୟିନ୍ ସେଲଭନ୍' 'ଆଇ' ଏବଂ 'ରୋବଟ୍', '2.0' ଭଳି ସିନେମା ରହିଛି।

ଦେଖନ୍ତୁ ଭିଡିଓ | ଏ ସିନେମା ଦେଖିଲେ ଭୁଲିଯିବେ ବାହୁବଳୀ