LIVE TV
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଭାରତୀୟ-ଆମେରିକୀୟ ଗାୟକ ଫାଲୁଙ୍କ ଦ୍ୱାରା ରଚନା କରାଯାଇଥିବା ବାଜରାର ଲାଭକୁ ପରିଚିତ କରେଇବା ନେଇ ସ୍ୱତନ୍ତ୍ର ଗୀତ 'ଆବ୍ୟୁଡେନ୍ସ୍ ଇନ୍ ମିଲେଟ୍ସ୍' ଗ୍ରେମୀ ପୁରସ୍କାର ପାଇଁ ମନୋନୀତ ହୋଇଛି। ଏହି ଗୀତକୁ ସର୍ବଶ୍ରେଷ୍ଠ ଗ୍ଲୋବାଲ୍ ମ୍ୟୁଜିକ୍ ପ୍ରଦର୍ଶନ ବର୍ଗରେ ମନୋନୀତ କରାଯାଇଛି। ଅଧିକାରୀମାନେ ଶୁକ୍ରବାର ଏହି ସୂଚନା ଦେଇଛନ୍ତି।
ମୁମ୍ବାଇରେ ଜନ୍ମିତ ଗାୟକ ତଥା ଗୀତିକାର ଫାଲଗୁନି ଶାହା ‘ଫାଲୁ’ ନାମରେ ଜଣାଶୁଣା। ଫାଲୁ ଏବଂ ତାଙ୍କ ସ୍ୱାମୀ ତଥା ଗାୟକ ଗୌରବ ଶାହାଙ୍କ ଦ୍ୱାରା ବୋଲାଯାଇଥିବା 'ଆବ୍ୟୁଡେନ୍ସ୍ ଇନ୍ ମିଲେଟ୍ସ୍' ଗୀତ ଏହି ପୁରସ୍କାର ପାଇଁ ମନୋନୀତ ହୋଇଛି। ଏହି ଗୀତରେ, ମିଲେଟ୍ଜାତୀୟ ଖାଦ୍ୟ ଯଥା ବାଜରା ଚାଷ ଏବଂ ଏହାର ବ୍ୟବହାର ଏବଂ ଶସ୍ୟ ଭାବରେ ଏହାର ଲାଭ ବିଷୟରେ ବର୍ଣ୍ଣନା କରାଯାଇଛି।
ଗୀତ ବିଷୟରେ କହିବାକୁ ଗଲେ ମୋଦିଙ୍କ ଦ୍ୱାରା ଲିଖିତ ଏବଂ ଦିଆଯାଇଥିବା ଭାଷଣ ଏହି ଗୀତରେ ଦର୍ଶାଯାଇଛି। ଏଥିରେ ବିଶ୍ୱର କ୍ଷୁଧା ହ୍ରାସ କରିବାର ଅନ୍ୟ ଏକ ସମ୍ଭାବ୍ୟ ଚାବି ଭାବରେ ସୁପର୍ଗ୍ରେନ୍ ବିଷୟରେ ସଚେତନତା ସୃଷ୍ଟି ମଧ୍ୟ କରାଯାଇଛି।
Also Read
ଗ୍ରେମୀ ପୁରସ୍କାର ପାଇଁ ନାମାଙ୍କନ ତାଲିକାରେ ମୋଟ ସାତୋଟି ଗୀତ ଶ୍ରେଷ୍ଠ ଗ୍ଲୋବାଲ୍ ମ୍ୟୁଜିକ୍ ପ୍ରଦର୍ଶନ ବର୍ଗରେ ମନୋନୀତ ହୋଇଛି। ଏଥିମଧ୍ୟରେ ଅରୁଜ ଅଫ୍ତାବ, ବିଜୟ ଆୟର ଏବଂ ଶେହଜାଦ ଇସ୍ମାଇଲୀଙ୍କ ଗୀତ 'ଶ୍ୟାଡୋ ଫୋର୍ସେସ୍', ବର୍ନା ବାଏଙ୍କ 'ଏଲୋନ୍', ଡେଭିଡ୍ଙ୍କ 'ଫିଲ୍', ସିଲ୍ଭାନା ଏଷ୍ଟ୍ରାଡାଙ୍କ 'ମିଲାଗ୍ରୋ ବାଇ ଡିଜାଷ୍ଟ୍ରେ', ବେଲା ଫ୍ଲେକ, ଏଡଗର ମେୟର, ଜାକିର ହୁସେନ୍ ଫିଟ୍ ଏବଂ ରାକେଶ ଚୌରାସିୟାଙ୍କ ‘ପସ୍ତୋ’, ଇବ୍ରାହିମ୍ ମାଲୌକ୍, ସୀମାଫଂକ୍, ଟ୍ୟାଙ୍କ୍ ଓ ବଙ୍ଗାସ୍ଙ୍କ ‘ଟୋଡୋ କୋଲୋରେସ୍’ ଗୀତକୁ ମନୋନୀତ କରାଯାଇଛି।
ସୂଚନାଯୋଗ୍ୟ ଯେ ୨୦୨୩ ବର୍ଷକୁ “ଆନ୍ତର୍ଜାତୀୟ ବାଜରା ବର୍ଷ” ଘୋଷିତ କରାଯାଇଛି। ଏଥିପାଇଁ ଭାରତ ତରଫରୁ ଏକ ପ୍ରସ୍ତାବ ଅଣାଯାଇଥିଲା। ମିଳିତ ଜାତିସଂଘର ଖାଦ୍ୟ ଏବଂ କୃଷି ସଂଗଠନର ପରିଚାଳନା ପରିଷଦର ସଦସ୍ୟ ତଥା ମିଳିତ ଜାତିସଂଘର ସାଧାରଣ ସଭାର ୭୫ତମ ଅଧିବେଶନ ଏହା ଅନୁମୋଦନ କରିଛି।
ଏହି ବର୍ଷ ରିଲିଜ୍ ପୂର୍ବରୁ ଫାଲୁ କହିଥିଲେ ଯେ ପ୍ରଧାନମନ୍ତ୍ରୀ ମୋଦି ମୋ ଏବଂ ମୋ ସ୍ୱାମୀ ଗୌରବ ଶାହାଙ୍କ ସହ ଏକ ଗୀତ ଲେଖିଛନ୍ତି। ଗୀତ 'ଆବ୍ୟୁଡେନ୍ସ୍ ଇନ୍ ମିଲେଟ୍ସ୍' ଟ୍ରାକ୍ରେ ଯାହା "ଆନ୍ତର୍ଜାତୀୟ ମିଲେଟସ୍ ବର୍ଷ" ପାଳନ ଅବସରରେ ମୁକ୍ତିଲାଭ କରିଥିଲା।
