LIVE TV
‘ବିଗ୍ ବସ୍’ ସିଜିନ୍ ୧୭ର ବିଜେତା ହେଲେ ମୁନାୱର ଫାରୁକୀ । ଷ୍ଟାଣ୍ଡ ଅପ୍ ହାସ୍ୟ ଅଭିନେତା ମୁନାୱର ଫାରୁକୀଙ୍କୁ ‘ବିଗ୍ ବସ୍’ ସିଜିନର ବିଜେତା ଭାବେ ଘୋଷଣା କରାଯାଇଛି । ‘ବିଗ୍ ବସ୍’ ସୋ’ ହୋଷ୍ଟ ତଥା ବଲିଉଡ ଅଭିନେତା ସଲମାନ ଖାନ ୩୨ ବର୍ଷିୟ ଫାରୁକୀଙ୍କୁ ବିଜେତା ଭାବେ ଘୋଷଣା କରିଛନ୍ତି । ପୁରସ୍କାର ଆକାରରେ ମୁନାୱର ଫାରୁକୀଙ୍କୁ ନଗଦ ୫୦ ଲକ୍ଷ ଟଙ୍କା ସହ ଏକ କାର୍ ମିଳିଛି ।
ମୁନାୱର ଫାରୁକୀ ଫାଇନାଲରେ ଲାଇଭ ଭୋଟିଂ ମାଧ୍ୟମରେ ଅଭିନେତା ଅଭିଷେକ କୁମାରଙ୍କୁ ପରାସ୍ତ କରିଥିଲେ । ଏଥିରେ ବଲିଉଡର ଅଜୟ ଦେବଗନ ଏବଂ ଆର ମାଧବନ ବିଶେଷ ଅତିଥି ଥିଲେ।
Also Read
ମୁନାୱର ଫାରୁକୀ ଏନେଇ ସୋସିଆଲ ମିଡିଆ ‘x’ରେ ଏକ ଫଟୋ ପୋଷ୍ଟ କରିଛନ୍ତି । ଫଟୋରେ ସଲମାନ୍ଙ୍କ ସହିତ ନିଜେ ‘ବିଗ୍ ବସ୍’ ସିଜିନ୍ ୧୭ର ଟ୍ରଫି ଧରିଥିବା ଦେଖିବାକୁ ମିଳିଛି । ଏଥିସହିତ ସେ ତାଙ୍କ ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି ।
Bohot Bohot Shukriya Janta ❤️
— munawar faruqui (@munawar0018) January 28, 2024
Aapke pyaar aur support ke liye Aakhir kar Trophy Dongri aa hi gayi 🏆❤️ #munawarkijanta aur #munawarkewarrior ko mera dil se shukriya ❤️ #mkjw pic.twitter.com/XPrix3B2do
‘ବିଗ୍ ବସ୍’ ଫାଇନାଲରେ ଅଭିନେତା ମନାରା ଚୋପ୍ରା, ଅଙ୍କିତା ଲୋଖଣ୍ଡେ ଏବଂ ୟୁଟ୍ୟୁବର୍ ଅରୁଣ ଶ୍ରୀକାନ୍ତ ମହାଶେତନ ଓ ଅନ୍ୟ ପ୍ରତିଯୋଗୀ ଥିଲେ । ‘ବିଗ୍ ବସ୍’ର ସିଜିନ୍ -୧୭ ଅକ୍ଟୋବର ୨୦୨୩ରେ ପ୍ରିମିୟର୍ ହୋଇଥିଲା । ଯେଉଁଥିରେ ବିକି ଜେନା, ଆୟେଶା ଖାନ୍, ଅନୁରାଗ ଡୋବାଲ, ଐଶ୍ୱର୍ଯ୍ୟା ଶର୍ମା, ନିଲ ଭଟ୍ଟ, ଈଶା ମାଲଭିଆ, ଜିଗନା ଭୋରା, ଫିରୋଜା ଖାନ ଏବଂ ରିଙ୍କୁ ଧାୱନଙ୍କ ସମେତ ୧୭ ଜଣ ପ୍ରତିଯୋଗୀ ରହିଥିଲେ ।
