Mardaani 3: ପୁଣି ମର୍ଦାନୀ ହୋଇ ଫେରିବେ ରାନୀ ମୁଖାର୍ଜୀ; ଏହିଦିନ ହେବ ରିଲିଜ୍

ବଲିଉଡ୍ ଅଭିନେତ୍ରୀ ରାନୀ ମୁଖାର୍ଜୀଙ୍କ 'ମର୍ଦାନୀ'ର ତୃତୀୟ ଭାଗକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ଦର୍ଶକମାନେ ଏହି ଫ୍ରାଞ୍ଚାଇଜ୍‌ର ପୂର୍ବ ଦୁଇଟି ଫିଲ୍ମକୁ ବହୁତ ପସନ୍ଦ କରିଥିଲେ। ଏବେ ନିର୍ମାତା ସୋମବାର 'ମର୍ଦାନୀ ୩'ର ରିଲିଜ୍ ତାରିଖ ଘୋଷଣା କରିଛନ୍ତି। ଏହି ଫିଲ୍ମରେ ମଧ୍ୟ ରାନୀ ମୁଖାର୍ଜୀ ପୋଲିସ ଅଫିସର୍ ଶିବାନୀ ଶିବାଜୀ ରାୟ ଭୂମିକାରେ ନଜର ଆସିବେ।

ୟଶ୍‌ ରାଜ୍‌ ଫିଲ୍ମସ୍ ତା’ର ଇନ୍‌ଷ୍ଟାଗ୍ରାମ୍‌ ହ୍ୟାଣ୍ଡେଲରେ 'ମର୍ଦାନୀ ୩'ରୁ ରାନୀ ମୁଖାର୍ଜୀଙ୍କ ପ୍ରଥମ ଲୁକ୍ ଶେୟାର କରିଛି, ଯେଉଁଥିରେ ସେ ଏକ ଶକ୍ତିଶାଳୀ ଏବଂ ଭୟଙ୍କର ଶୈଳୀରେ ନଜର ଆସିଛନ୍ତି। ହାତରେ ବନ୍ଧୁକ ଧରିଥିବା ରାନୀ ମୁଖାର୍ଜୀଙ୍କ ଲୁକ୍ ବହୁତ ଦମଦାର ହୋଇଛି।

ଫିଲ୍ମର ମୁକ୍ତିଲାଭ ତାରିଖ ଘୋଷଣା କରି ପ୍ରଯୋଜନା ସଂସ୍ଥା କହିଛି ଯେ, ଏହା ଆସନ୍ତା ବର୍ଷ ହୋଲି ଅବସରରେ ମୁକ୍ତିଲାଭ କରିବ।

ଅଧିକ ପଢ଼ନ୍ତୁ: ଏମିତି କହିଲେ ସାଉଥ୍ ସୁପର୍‌ଷ୍ଟାର୍‌ କମଲ ହାସନ; ମୁଁ ରାମଚନ୍ଦ୍ରଙ୍କ ବାପା…

ଆସନ୍ତା ବର୍ଷ ମୁକ୍ତିଲାଭ:

'ମର୍ଦାନୀ ୩'ରୁ ରାନୀ ମୁଖାର୍ଜୀଙ୍କ ଲୁକ୍ ଶେୟାର୍ କରି ପ୍ରଡକ୍ସନ୍ ହାଉସ୍ କ୍ୟାପ୍‌ସନ୍‌ରେ ଲେଖିଛି, “'ମର୍ଦାନୀ ୩' କାଉଣ୍ଟଡାଉନ୍ ଆରମ୍ଭ। ୨୭ ଫେବୃଆରୀ, ୨୦୨୬ରେ ଶିବାନୀ ଶିବାଜୀ ରୟ ବଡ଼ ପରଦାକୁ ଫେରିବା ସହିତ ହୋଲିରେ ମନ୍ଦ ସହିତ ଭଲର ଲଢେଇ ହେବ।

ଦୃଢ଼ କାହାଣୀ ଉପରେ ଗୁରୁତ୍ୱ:

ରାନୀ ମୁଖାର୍ଜୀ ଏକ ବିବୃତିରେ ଏକ ଦୃଢ଼ ସ୍କ୍ରିପ୍ଟର ଗୁରୁତ୍ୱ ଉପରେ ଜୋର୍ ଦେଇ କହିଛନ୍ତି, “ଯଦି 'ମର୍ଦାନୀ ୩'ର ସ୍କ୍ରିପ୍ଟ ପ୍ରକୃତରେ ଦୃଢ଼ ହୁଏ, ତେବେ ମୁଁ ବହୁତ ଖୁସି ହେବି। ଜଣେ ଅଭିନେତ୍ରୀ ଭାବରେ, ମୁଁ କେବଳ ସେତେବେଳେ ଫିଲ୍ମ କରେ ଯେତେବେଳେ କାହାଣୀ ଦୃଢ଼ ଥାଏ ଏବଂ ଏହାର ଏକ ଅର୍ଥପୂର୍ଣ୍ଣ ପ୍ରଭାବ ଥାଏ।”

‘ମର୍ଦାନୀ ୨’କୁ ନେଇ ଡରୁଥିଲେ ରାନୀ ମୁଖାର୍ଜୀ:

ସେ ଆହୁରି ମଧ୍ୟ କହିଛନ୍ତି, “ଯେତେବେଳେ ମୁଁ ‘ମର୍ଦାନୀ ୨’ କରିଥିଲି, ମୁଁ ବହୁତ ନର୍ଭସ ଥିଲି କାରଣ ମୁଁ ପୂର୍ବରୁ କେବେ ସିକ୍ୱେଲ୍ କରି ନ ଥିଲି। ମୁଁ ପୂର୍ବରୁ ଛାଡି ଦେଇଥିବା ଚରିତ୍ରଟିକୁ ପୁଣି ଥରେ ଅଭିନୟ କରିପାରିବି କି ନାହିଁ ତାକୁ ନେଇ ମୋର ସନ୍ଦେହ ଥିଲା। କିନ୍ତୁ ଆଶ୍ଚର୍ଯ୍ୟର କଥା, ମୁଁ ଏହାକୁ ପ୍ରକୃତରେ ପସନ୍ଦ କଲି। ଏବେ ଏହା ଅନୁଭବ କରିବା ପରେ, ମୁଁ 'ମର୍ଦାନୀ ୩'ରେ ପୁଣି ସେହି ଭୂମିକାରେ ଅଭିନୟ କରିବାକୁ ଉତ୍ସାହିତ।”

୨୦୧୪ ମସିହାରେ ଆସିଥିଲା ପ୍ରଥମ ଫିଲ୍ମ:

ପ୍ରଦୀପ ସରକାରଙ୍କ ନିର୍ଦ୍ଦେଶିତ 'ମର୍ଦାନୀ' ୨୦୧୪ ମସିହାରେ ମୁକ୍ତିଲାଭ କରିଥିଲା। 'ମର୍ଦାନୀ ୨' ଗୋପୀ ପୁଥରାନଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା, ଯାହା ୨୦୧୯ ମସିହାରେ ମୁକ୍ତିଲାଭ କରିଥିଲା। 'ମର୍ଦାନୀ' ମାନବ ଚାଲାଣର କାହାଣୀ ଉପରେ ଆଧାରିତ ଥିବା ବେଳେ 'ମର୍ଦାନୀ ୨' ଜଣେ ସାଇକୋ କିଲରଙ୍କ ଉପରେ ଆଧାରିତ ଥିଲା।

ଦୁଇଟି ଫିଲ୍ମରେ ରାଣୀ ମୁଖାର୍ଜୀଙ୍କୁ ଜଣେ କଠୋର ଏବଂ ନିର୍ଭୀକ ପୋଲିସ ଅଧିକାରୀ ଭାବରେ ବହୁତ ପସନ୍ଦ କରାଯାଇଥିଲା। ଦୁଇଟି ଯାକ ଫିଲ୍ମ ବକ୍ସ ଅଫିସରେ ସଫଳ ହୋଇଥିଲା।

ଅଧିକ ପଢ଼ନ୍ତୁ: ଦ୍ୱିତୀୟ ଦିନରେ ଝଡ କଲା ଅକ୍ଷୟ କୁମାରଙ୍କ ଫିଲ୍ମ 'କେସରୀ ଚାପ୍ଟର ୨'