LIVE TV
ମନୋଜ ବାଜପେୟୀ ବଲିଉଡ୍ର ଜଣେ କିମ୍ବଦନ୍ତୀ ନାୟକ। ସେ ଆଜି ଯେଉଁ ଜାଗାରେ ପହଞ୍ଚିଛନ୍ତି ସେନେଇ ତାଙ୍କୁ ବହୁ ପରିଶ୍ରମ କରିବାକୁ ପଡିଛି। ସେ ଅନେକ ଚଳଚ୍ଚିତ୍ରରୁ ବାହାରିଛନ୍ତି ଆଉ ଅନେକ ଚଳଚ୍ଚିତ୍ରର ଅଂଶ ମଧ୍ୟ ହୋଇଛନ୍ତି, ଯାହାକୁ କରିବାକୁ ଅନ୍ୟ ଷ୍ଟାରମାନେ ମନ କରିଛନ୍ତି। କିନ୍ତୁ ତାଙ୍କ ଅଭିନୟ ହେତୁ ମନୋଜ ବଲିଉଡରେ ଏକ ଅବିସ୍ମରଣୀୟ ଚିହ୍ନ ଛାଡିଦେଇଛନ୍ତି ଯାହାକୁ ଦେଖି ଲୋକମାନେ ଆଜି ଅବାକ ହୋଇଯାଆନ୍ତି।
ଅବଶ୍ୟ, ଖୁବ୍ କମ୍ ଲୋକ ଜାଣିଥିବେ ଯେ ବଲିଉଡରେ ପ୍ରସିଦ୍ଧ ହେବା ପୂର୍ବରୁ ମନୋଜ ତାଙ୍କ ପ୍ରାରମ୍ଭିକ କ୍ୟାରିୟରରେ ଏପରି କିଛି ଭୂମିକାରେ ଅଂଶ ଗ୍ରହଣ କରିଥିଲେ, ଯାହା ଲୋକମାନେ କରିବାକୁ ଲଜ୍ଜା କରୁଥିଲେ।
ମନୋଜ ବାଜପେୟୀ ରାମ ଗୋପାଳ ବର୍ମାଙ୍କ କ୍ରାଇମ୍ ଡ୍ରାମା 'ସତ୍ୟା'ରୁ ପରିଚୟ ପାଇଥିଲେ। ଏହି ଚଳଚ୍ଚିତ୍ର ୧୯୯୮ରେ ମୁକ୍ତିଲାଭ କରିଥିଲା। ପରେ ‘ଗ୍ୟାଙ୍ଗ୍ସ୍ ଅଫ୍ ୱାସିପୁର’, ‘ଜୁବେଦା’, ‘ଆରକ୍ଷଣ’, ‘ରାଜନୀତି’ ଏବଂ ‘ପିଞ୍ଜର’ ଭଳି ଚଳଚ୍ଚିତ୍ର କରି ମନୋଜ ଦର୍ଶକଙ୍କ ହୃଦୟ ଜିତିଥିଲେ। ମନୋଜ ପ୍ରାୟ ୨୫ ବର୍ଷ ଧରି ବଲିଉଡରେ ଅଛନ୍ତି ଏବଂ ସେ ଦିନକୁ ଦିନ ବଲିଉଡ୍ରେ ଆଗକୁ ବଢୁଛନ୍ତି।
Also Read
ନିକଟରେ ମନୋଜ ବାଜପେୟୀ ଏକ ସାକ୍ଷାତକାରରେ ତାଙ୍କର ପ୍ରଥମ ଦିନଗୁଡ଼ିକୁ ମନେପକାଇଛନ୍ତି। ଯେତେବେଳେ ସେ ‘ସତ୍ୟା’ ଚଳଚ୍ଚିତ୍ରର ଏକ ଅଂଶ ହୋଇ ନ ଥିଲେ ସେ ସମୟର କଥା କହିଛନ୍ତି। ଯେତେବେଳେ ମନୋଜଙ୍କୁ ପଚରାଯାଇଥିଲା ଯେ ସେ କେବଳ ଟଙ୍କା ପାଇଁ ସେ କେବେ କୌଣସି ପ୍ରୋଜେକ୍ଟରେ ଦସ୍ତଖତ କରିଛନ୍ତି କି? ମନୋଜ ଏଥିରେ ରାଜି ହୋଇ କହିଛନ୍ତି, “ହଁ! ମୋ ପାଖରେ କୌଣସି କାମ ନଥିଲା ଏବଂ ମୁଁ ବେକାର ବସିଥିଲି।”
ମନୋଜ ଆହୁରି ମଧ୍ୟ କହିଛନ୍ତି ଯେ “ଯଦି ଜଣେ ଅଭିନେତା ଟଙ୍କା ପାଇଁ କିମ୍ବା ଘର ଚଳାଇବା ପାଇଁ କିଛି କରନ୍ତି, ତେବେ ସେ ଅନୁତାପ କରିବା ଉଚିତ ନୁହେଁ। ତାଙ୍କୁ ଏପରି ଏକ ଚଳଚ୍ଚିତ୍ର କରିବା ଉଚିତ ଯେଉଁଥିରେ ତାଙ୍କୁ ଲାଗିବ ଯେ ସେ କେବଳ ଏକ ଲମ୍ଫ ମାରିବାକୁ କିଛି ପଦକ୍ଷେପ ନେଉଛନ୍ତି। ଏହା ଏମିତି କିଛି ନଥିଲା ଯାହା ମୋ ତରଫରୁ ଦୟା ଦେଖେଇବାକୁ ଥିଲା। ଏହି ସହରରେ ବଞ୍ଚିବା ପାଇଁ ମୋର ଟଙ୍କା ଦରକାର ଥିଲା। ତେଣୁ ମୁଁ ତାହା କଲି ଯାହା ମତେ ଠିକ ଲାଗିଲା। ମୁଁ ଏଥିରେ କଦାପି ଦୁଃଖିତ ନୁହେଁ। ମୋ ପାଖରେ ଆଜି ବି ସେହି ଚଳଚ୍ଚିତ୍ରଗୁଡ଼ିକ ବହୁତ ଗର୍ବର ସହିତ ଅଛି।
ପ୍ରକାଶଥାଉ ଯେ ମନୋଜ ଏହା ପୂର୍ବରୁ ଦେଇଥିବା ଏକ ସାକ୍ଷାତକାରରେ ତାଙ୍କ ଆର୍ଥିକ ସଙ୍କଟ ବିଷୟରେ ମଧ୍ୟ କହିଥିଲେ। ଏହା ସତ୍ତ୍ୱେ ସେ ମଧ୍ୟ ସ୍ୱୀକାର କରିଥିଲେ ଯେ ଥରେ ତାଙ୍କ ପତ୍ନୀ ଶବାନା ରଜା ତାଙ୍କର ଏକ 'ଖରାପ ଚଳଚ୍ଚିତ୍ର' ଦେଖିବା ପରେ 'ଟଙ୍କା ପାଇଁ ଚଳଚ୍ଚିତ୍ର ନ କରିବାକୁ' ତାଙ୍କୁ ପରାମର୍ଶ ଦେଇଥିଲେ। ତେବେ ସେ ସେହି ଚଳଚ୍ଚିତ୍ରର ନାମ ପ୍ରକାଶ କରି ନଥିଲେ, କିନ୍ତୁ କହିଥିଲେ ଯେ ଯେତେବେଳେ ତାଙ୍କ ପତ୍ନୀ ସେହି ଚଳଚ୍ଚିତ୍ର ଦେଖିବା ପାଇଁ ଥିଏଟରକୁ ଯାଇଥିଲେ, ତାଙ୍କ ପଛରେ ଥିବା କିଛି ଝିଅ ତାଙ୍କୁ ପରିହାସ କରିଥିଲେ।
ମନୋଜ କହିଥିଲେ “ଏହି କଥାକୁ ନେଇ ତାଙ୍କୁ ଭାରି ଖରାପ ଲାଗିଥିଲା। ସେ କହିଥିଲେ ଯେ ଏହା ଏକ ଖରାପ ଫିଲ୍ମ ଥିଲା। ଫିଲ୍ମ ସରିଲା ପରେ ସେ ମତେ ଫୋନ କରିଥିଲେ ଆଉ ମୁ ପଚାରିଥିଲି ଯେ ଫିଲ୍ମ କେମିତି ଲାଗିଲା, ସେ କହିଥିଲେ, ‘ଟଙ୍କା ପାଇଁ ଫିଲ୍ମ କରିବା ବନ୍ଦ କର। ଆମେ ଏତେ ବି ଦୁଖରେ ନାହୁଁ ଯେ ତମେ ଟଙ୍କା ପାଇଁ ଏମିତି କରିବ। ତମେ ଭଲ କାହାଣୀ ଓ ଭୂମିକା ବାଛ, ଏଭଳି ଫିଲ୍ମ ନୁହେଁ। ତୁମକୁ ଆଉ କିଛି ପ୍ରମାଣ କରିବାର ଅଛି।’”
