/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
/odishatv-khabar/media/post_attachments/uploadimage/library/16_9/16_9_0/IMAGE_1702885556.jpg)
know jamal kudu viral girl from bobby deol entry song from movie animal
ସନ୍ଦୀପ ରେଡ୍ଡୀ ଭଙ୍ଗାଙ୍କ ଏହି ଫିଲ୍ମ ଏପର୍ଯ୍ୟନ୍ତ ଭାରତରେ ୫୦୦ କୋଟିରୁ ଅଧିକ ଟଙ୍କା ରୋଜଗାର କରିସାରିଲାଣି। ଏହି ଫିଲ୍ମ କେବଳ ବକ୍ସ ଅଫିସରେ ନୁହେଁ ପପ୍ ସଂସ୍କୃତିରେ ମଧ୍ୟ ଏକ ଝଡ ସୃଷ୍ଟି କରିଛି। ଫିଲ୍ମର ଦୃଶ୍ୟ, ଗୀତ ଏବଂ ସଂଳାପ ଲୋକମାନଙ୍କୁ ରୋମାଞ୍ଚିତ କରୁଛି। ସେଥିମଧ୍ୟରୁ ଗୋଟିଏ ହେଉଛି ଏହି 'ଜମାଲ୍ କୁଡୁ' ଗୀତ। ଏହା ଏକ ଇରାନୀୟ ଗୀତ ହୋଇଥିବା ବେଳେ ଏହାକୁ ଫିଲ୍ମରେ ବବି ଦେଓଲଙ୍କ ଏଣ୍ଟ୍ରି ଗୀତ ଭାବରେ ବ୍ୟବହୃତ କରାଯାଇଛି।
ରଣବୀର କପୁରଙ୍କ ଅଭିନୀତ 'ଆନିମଲ୍'ରେ ବବି ଦେଓଲଙ୍କ ଏଣ୍ଟ୍ରି ଗୀତ ସୋସିଆଲ ମିଡିଆରେ ଆଲୋଡ଼ନ ସୃଷ୍ଟି କରୁଛି। ବିବାହ ଉତ୍ସବରେ ବାଜୁଥିବା ଏହି ଇରାନୀୟ ଗୀତ ବର୍ତ୍ତମାନ ଭାରତରେ ମଧ୍ୟ ବିବାହ ପାର୍ଟିର ଏକ ମୁଖ୍ୟ ଅଂଶରେ ପରିଣତ ହୋଇଛି।
'ଆନିମଲ୍'ର ଗୀତ 'ଜମାଲ କୁଡୁ' ଭାଇରାଲ ହେବା ପରେ ଏଥିରେ ଅଭିନୟ କରିଥିବା ଏକ ସୁନ୍ଦର ଯୁବତୀ ରାତାରାତି ନେସ୍ନାଲ୍ କ୍ରସ୍ରେ ପରିଣତ ହୋଇଛନ୍ତି। ଲୋକମାନେ ଏହି ଭାଇରାଲ୍ ଯୁବତୀଙ୍କ ବିଷୟରେ ଜାଣିବାକୁ ଖୁବ ଆଗ୍ରହୀ ହୋଇପଡିଛନ୍ତି। ଇନଷ୍ଟାଗ୍ରାମରେ ଏହି ସୁନ୍ଦରୀଙ୍କ ଫଲୋର୍ସ ଏବେ ୨୫ ଗୁଣ ବଢିଯାଇଛି।
'ଜମାଲ କୁଡୁ' ଖୁବ ଲୋକପ୍ରିୟ ହୋଇଥିବା ବେଳେ ଏଥିରେ ଅଭିନୟ କରିଥିବା ଇରାନର ମଡେଲ ତଥା ନୃତ୍ୟଶିଳ୍ପୀ ତନ୍ନାଜ ଦଭୁଦୀ ଏବେ ଚାରିଆଡେ ଆଲୋଚନାର ବିଷୟ ହୋଇଯାଇଛନ୍ତି। 'ଜମାଲ କୁଡୁ' ୧୯୫୦ ଦଶକର ଏକ ଇରାନୀୟ ଗୀତ, ଯାହାକୁ ଏହି ଫିଲ୍ମରେ କିଛି ପରିବର୍ତ୍ତନ ସହିତ ବ୍ୟବହୃତ କରାଯାଇଛି। ବବି ଦେଓଲଙ୍କ ଚରିତ୍ର ତୃତୀୟ ଥର ବିବାହ କରିବା ଅବସରରେ ଏହି ଗୀତକୁ ପରିବେଷଣ କରାଯାଇଛି।
ଗୀତର ଆରମ୍ଭରେ ବବି ଦେଓଲ ମୁଣ୍ଡରେ ଏକ ଗ୍ଲାସ ଧରି ନାଚୁଥିବା ଦେଖିବାକୁ ମିଳେ। ସେ ଏହି ଗୀତରେ ଗାଉଥିବା ଝିଅମାନଙ୍କ ନିକଟକୁ ଯାଆନ୍ତି। ମଝିରେ ଠିଆ ହୋଇଥିବା ତନ୍ନାଜ, ନିଜ ଷ୍ଟାଇଲ୍ ଏବଂ ସୌନ୍ଦର୍ଯ୍ୟ ପାଇଁ ରାତିସାରା ଭାଇରାଲ ହୋଇଗଲେ।
ଲୋକମାନେ ସ୍ନେହରେ ତନ୍ନାଜ ଦଭୁଦୀଙ୍କୁ ତନ୍ନୀ ବୋଲି ଡାକନ୍ତି। ଗଣମାଧ୍ୟମର ରିପୋର୍ଟ ଅନୁଯାୟୀ, ସେ ଜଣେ ଇରାନୀ ମଡେଲ ଏବଂ ନୃତ୍ୟଶିଳ୍ପୀ ଯିଏ ଭାରତରେ କାମ କରନ୍ତି। ସେ 'ଜମାଲ କୁଡୁ' ପୂର୍ବରୁ ମଧ୍ୟ ଅନେକ ବଲିଉଡ ଗୀତରେ କାମ କରିଛନ୍ତି।
ତନ୍ନାଜ ଦଭୁଦୀ ନୋରା ଫତେହୀ, ବରୁଣ ଧାୱନ, ଜନ୍ ଆବ୍ରାହମ ଏବଂ ସନ୍ନି ଲିଓନଙ୍କ ସହ ଷ୍ଟେଜ୍ ଶୋ’ ମଧ୍ୟ କରିଛନ୍ତି। ତାଙ୍କୁ ମଧ୍ୟ ଅଧିକାଂଶ ସମୟରେ ବ୍ୟାକ୍ଗ୍ରାଉଣ୍ଡ୍ରେ ଦେଖିବାକୁ ମିଳିଥାଏ।
/odishatv-khabar/media/post_attachments/uploadimage/library/16_9/16_9_5/IMAGE_1702885829.jpg "tannaz.davoodi")
ତନ୍ନାଜ୍ ଦଭୁଦୀତେବେ 'ଜମାଲ କୁଡୁ' ହେଉଛି ପ୍ରଥମ ଗୀତ ଯେଉଁଥିରେ ସେ ଅଭିନୟ କରିଛନ୍ତି। ଏଥିରେ ବବି ଦେଓଲଙ୍କ ପରେ ସେ ସର୍ବାଧିକ ଧ୍ୟାନ ଆକର୍ଷଣ କରିଥିଲେ। ସେ ଏହି ଗୀତରେ କିଛି ସମୟ ପାଇଁ ଅଭିନୟ କରିଥିଲେ ମଧ୍ୟ ଏହା ତାଙ୍କ ଜୀବନକୁ ବଦଳାଇ ଦେଇଛି। ତନ୍ନାଜ ଗର୍ବର ସହିତ ନିଜ ଇନଷ୍ଟାଗ୍ରାମ ବାୟୋରେ ନିଜକୁ 'ଜମାଲ ଜମାଲୁ' ଗର୍ଲ ବୋଲି କହିଛନ୍ତି।
ଭାରତରେ ତାଙ୍କର ଲୋକପ୍ରିୟତା ଦେଖି ଲୋକମାନେ ତାଙ୍କୁ ନୂଆ ନେସ୍ନାଲ୍ କ୍ରସ୍ ବୋଲି କହୁଛନ୍ତି। 'ଆନିମଲ୍' ରିଲିଜ୍ ପୂର୍ବରୁ ତନ୍ନଜାଙ୍କ ଇନଷ୍ଟାଗ୍ରାମରେ ୧୦ ହଜାର ଫଲୋର୍ସ ଥିଲେ। ଦୁଇ ସପ୍ତାହ ମଧ୍ୟରେ, ତାଙ୍କ ଫଲୋର୍ସ ସଂଖ୍ୟା ୨୭ ଗୁଣା ବଢି ୨.୭ ଲକ୍ଷରୁ ଅଧିକ ହୋଇଯାଇଛି।
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)