'କିସି କା ଭାଇ କିସି କୀ ଜାନ'କୁ ନେଇ ବଡ ଆଶା; ୫ କାରଣ ନେଇ ହିଟ୍ ହେବ

ସଲମାନ ଖାନଙ୍କ କିଛି ଫିଲ୍ମ ଆସୁଥିବ ଆଉ ଏହାକୁ ନେଇ କୌଣସି ଚର୍ଚ୍ଚା ହେଉ ନଥିବ, ଏହା କ’ଣ କେବେ ହୋଇପାରେ! ଆଜିକାଲି 'ଭାଇଜାନ୍' ବା ସଲମାନ ଖାନ ତାଙ୍କର ଆଗାମୀ ଫିଲ୍ମ 'କିସି କା ଭାଇ କିସି କୀ ଜାନ' ପାଇଁ ଚର୍ଚ୍ଚାରେ ଅଛନ୍ତି। ଏହା ଦ୍ୱାରା ସଲମାନ ଦୀର୍ଘ ଦିନ ପରେ ବକ୍ସ ଅଫିସକୁ ଫେରୁଛନ୍ତି।

ଏହି ଫିଲ୍ମରେ ପୂଜା ହେଗ୍‌ଡେଙ୍କ ଠାରୁ ଶହନାଜ୍‌ ଗିଲ୍‌, ରାଘବ ଜୁୟାଲ, ପଲକ ତିୱାରୀ ଭଳି ତାରକାମାନେ ଅଛନ୍ତି। ଏନେଇ ଏହି ଫିଲ୍ମ ଆରମ୍ଭରୁ ଚର୍ଚ୍ଚାରେ ରହିଛି। କିନ୍ତୁ, ବର୍ତ୍ତମାନ ପ୍ରଶ୍ନ ଉଠୁଛି ଯେ ବକ୍ସ ଅଫିସରେ କ’ଣ ହେବ, କାରଣ ଅତୀତରେ ଏହିପରି ଅନେକ ଫିଲ୍ମ ଯେଉଁଥିରୁ ଦର୍ଶକ ଅଧିକ ଆଶା କରୁଥିଲେ ସେସବୁ ବକ୍ସ ଅଫିସ୍‌ରେ ମାତ୍ ମାରିଛି।

ତେବେ ଏହା କୁହାଯାଉଛି ଯେ 'କିସି କା ଭାଇ କିସି କୀ ଜାନ' ବକ୍ସ ଅଫିସରେ ଆତଙ୍କ ସୃଷ୍ଟି କରିପାରେ ଏବଂ ସଲମାନ ଖାନଙ୍କ କ୍ୟାରିଅରକୁ ମଧ୍ୟ ଏକ ନୂଆ ମୋଡ଼ ଦେଇପାରେ। ଏହା ପଛରେ ୫ ଟି ବଡ଼ କାରଣ ରହିଛି। ଆସନ୍ତୁ ନଜର ପକେଇ ନେବା।

ଅଧିକ ପଢ଼ନ୍ତୁ: ପୁଣି ସଲମାନଙ୍କ ଡେଟିଂକୁ ନେଇ ଚର୍ଚ୍ଚା; କିଏ ଏହି ନୂଆ ନାୟିକା

୧- ପ୍ରଥମ କାରଣ ହେଉଛି ଶାହରୁଖଙ୍କ ପରି ସଲମାନ ମଧ୍ୟ ଏହି ଚଳଚ୍ଚିତ୍ର ସହିତ ଏକ ଜବରଦସ୍ତ ପ୍ରତ୍ୟାବର୍ତ୍ତନ କରୁଛନ୍ତି। ଏଭଳି ପରିସ୍ଥିତିରେ ପ୍ରଶଂସକମାନେ ଏହି ଚଳଚ୍ଚିତ୍ରରୁ ବହୁତ ଆଶା କରନ୍ତି।

୨- ଦ୍ୱିତୀୟ କାରଣଟି ହେଉଛି ‘ପଠାନ’ରେ ଯେଉଁଭଳି ଭାବେ ଶାହରୁଖଙ୍କୁ ଜବରଦସ୍ତ ଆକ୍ସନ କରୁଥିବା ଦେଖିବାକୁ ମିଳିଥିଲା, 'କିସି କା ଭାଇ କିସି କୀ ଜାନ'ରେ ସଲମାନ ମଧ୍ୟ ପ୍ରଶଂସକଙ୍କ ପାଇଁ ଆକ୍ସନ ଏବଂ ଜବରଦସ୍ତ ମସାଲା ନେଇ ଆସୁଛନ୍ତି। ଦର୍ଶକମାନେ ମଧ୍ୟ ଏହିଭଳି ଫିଲ୍ମ ଦେଖିବାକୁ ପସନ୍ଦ କରୁଛନ୍ତି। ଏଭଳି ପରିସ୍ଥିତିରେ ଫିଲ୍ମ ଦର୍ଶକଙ୍କୁ ନିରାଶ କରିବ ନାହିଁ ବୋଲି ଆଶା କରାଯାଉଛି।

୩- ତୃତୀୟ ଏବଂ ସବୁଠାରୁ ବଡ କାରଣ ହେଉଛି ସଲମାନ ଖାନଙ୍କ ପ୍ରତ୍ୟେକ ଚଳଚ୍ଚିତ୍ର ପରି ଏହା ଏକ ପାରିବାରିକ ଚଳଚ୍ଚିତ୍ର, ଯାହାକୁ ସହଜରେ ନିଜ ପରିବାର ସହିତ ସମସ୍ତେ ଦେଖିପାରିବେ। ଏହି ଚଳଚ୍ଚିତ୍ରରେ କୌଣସି ପ୍ରକାରର ଆପତ୍ତିଜନକ ଦୃଶ୍ୟ ନାହିଁ। ଫିଲ୍ମ ହିଟ୍ ହେବାର ଏହା ମଧ୍ୟ ଏକ କାରଣ।

୪- ଚତୁର୍ଥ କାରଣ ହେଉଛି ଏହି ସିନେମାରେ ସାଉଥ୍‌ ସିନେମାର ତଡ୍‌କା ଦିଆଯାଇଛି। ବହୁ ବର୍ଷ ପରେ ସାଉଥ୍ ଅଭିନେତା ଭେଙ୍କଟେଶଙ୍କୁ ହିନ୍ଦୀ ଚଳଚ୍ଚିତ୍ରରେ କାମ କରିବାର ଦେଖିବାକୁ ମିଳିବ। ସେହିପରି ରାମ ଚରଣଙ୍କ ଝଲକ ମଧ୍ୟ ଫିଲ୍ମରେ ରହିଛି।

୫- ପଞ୍ଚମ ଏବଂ ଶେଷ କାରଣ ହେଉଛି ‘ଇଦ୍’। ସଲମାନ ଖାନଙ୍କ ସର୍ବାଧିକ ଆୟ କରିଥିବା ଅଧିକାଂଶ ଚଳଚ୍ଚିତ୍ର ଇଦ୍‌ରେ ହିଁ ମୁକ୍ତିଲାଭ କରିଛି। ତେଣୁ ଆଶା କରାଯାଉଛି ଯେ ଏହି ଫିଲ୍ମ କମାଲ କରିବ।

ସଲମାନ ଖାନଙ୍କ ଏହି ମଲ୍ଟି ଷ୍ଟାରର ଫିଲ୍ମ ଏପ୍ରିଲ ୨୧ରେ ଅର୍ଥାତ୍ ‘ଇଦ୍’ ଅବସରରେ ମୁକ୍ତିଲାଭ କରିବ। ଏଭଳି ପରିସ୍ଥିତିରେ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ବଢିବାରେ ଲାଗିଛି। ଯଦିଓ ଏହି ଚଳଚ୍ଚିତ୍ରରୁ ସମସ୍ତଙ୍କର ବହୁତ ଆଶା ଅଛି, କିନ୍ତୁ ବକ୍ସ ଅଫିସରେ ଫିଲ୍ମ କେତେ ରୋଜଗାର କରିବ ତାହା କେବଳ ସମୟ କହିବ।