ସଜ୍ଜା ହେଲାଣି ମଣ୍ଡପ; କିଆରା-ସିଦ୍ଧାର୍ଥ ହେବେ ପତି-ପତ୍ନୀ

ତିନି ବର୍ଷର ଡେଟିଂ, ରୋମାନ୍ସ, ବୁଲାବୁଲି ଓ ପ୍ରେମର ମୁହୂର୍ତ୍ତ ବିତେଇବା ପରେ ବି-ଟାଉନର ସବୁଠାରୁ ପ୍ରିୟ ତଥା ଷ୍ଟାର୍ କପଲ୍ ବା 'ଶେର୍ ଶାହା' ଦମ୍ପତି ଆଜି ସବୁଦିନ ପାଇଁ ପରସ୍ପରଙ୍କ ହେବାକୁ ଯାଉଛନ୍ତି। ଗତ ଦୁଇ ଦିନ ଧରି ରାଜସ୍ଥାନର ଜୈସଲମେରର ସୂର୍ଯ୍ୟଗଡ୍ ମହଲ ସଜ୍ଜା ହେଉଛି। ଉଭୟଙ୍କ ପରିବାର ସମେତ ଇଣ୍ଡଷ୍ଟ୍ରିର ଅନେକ ପ୍ରତିଷ୍ଠିତ ବ୍ୟକ୍ତିତ୍ୱ ମଧ୍ୟ ଷ୍ଟାର୍‌ କପଲଙ୍କ ବିବାହର ଏକ ଅଂଶ ହେବାକୁ ପହଞ୍ଚିଛନ୍ତି।

ଆଜି ଦୁହେଁ ପରସ୍ପରଙ୍କୁ ବରଣ କରିବେ। ବର୍ତ୍ତମାନ ବିବାହ ସ୍ଥାନର ଭିଡିଓ ଏବଂ ଫଟୋ ସୋସିଆଲ ମିଡିଆ ରେ ଭାଇରାଲ ହେଉବାରେ ଲାଗିଛି। ପୂର୍ବରୁ, ଯେଉଁଠାରେ ହଳଦୀ ମଖା କାର୍ଯ୍ୟର ଭିଡିଓ ଭାଇରାଲ ହୋଇଥିଲା। ବର୍ତ୍ତମାନ ସିଦ୍ଧାର୍ଥ ମଲହୋତ୍ରାଙ୍କ ‘ବ୍ୟାଣ୍ଡ୍‌ ବାଜା ବାରାତ’ର ଭିଡିଓ ମଧ୍ୟ ପ୍ରଶଂସକଙ୍କ ସାମ୍ନାକୁ ଆସିଛି। ବର୍ତ୍ତମାନ ସୋସିଆଲ୍‌ ମିଡିଆରେ ଏହି ଭିଡିଓ ଭାଇରାଲ୍‌ ହେବାରେ ଲାଗିଛି।

ଅଧିକ ପଢ଼ନ୍ତୁ: ସିଦ୍ଧାର୍ଥ ମଲହୋତ୍ରା-କିଆରା ଆଡ୍‌ଭାନୀଙ୍କ ପ୍ରେମର ଗୀତ

ପାପାରାଜି ଶେୟାର କରିଥିବା ଭିଡିଓରେ ସିଦ୍ଧାର୍ଥ ମଲହୋତ୍ରାଙ୍କ ବିବାହ ଶୋଭାଯାତ୍ରା ପାଇଁ ପ୍ରସ୍ତୁତି ଚାଲିଥିବା ଦେଖାଯାଏ। ଏହି ଭିଡିଓରେ, ବ୍ୟାଣ୍ଡ୍‌ ବାଜା ଆରମ୍ଭ କରି ଶୋଭାଯାତ୍ରା ବରଯାତ୍ରୀ ସୂର୍ଯ୍ୟଗଡ ପ୍ରାସାଦ ଭିତରକୁ ଯାଉଥିବାର ନଜର ଆସିଛନ୍ତି। ଏଥି ସହିତ, ପ୍ରଶଂସକମାନେ ବିବାହର ଫଟୋ ଦେଖିବାକୁ ଉତ୍ସାହର ସହିତ ଅପେକ୍ଷା କରିଛନ୍ତି।

ପାପାରାଜିଙ୍କର ଏହି ଭିଡିଓରେ ପ୍ରଶଂସକମାନେ ହାର୍ଟ ଇମୋଜି ଶେୟାର କରୁଛନ୍ତି। ଏଥିସହିତ କିଆରା ଆଡ୍‌ଭାନୀ ଏବଂ ସିଦ୍ଧାର୍ଥ ମଲହୋତ୍ରାଙ୍କ ବରକନ୍ୟା ବେଶ ଦେଖିବା ନେଇ କହୁଥିବା ଦେଖିବାକୁ ମିଳିଛି।

ପୂର୍ବରୁ ସୋସିଆଲ ମିଡିଆରେ ଏହି ବିବାହର ହଳଦୀ ଉତ୍ସବର ଏକ ଭିଡିଓ ଭାଇରାଲ ହୋଇଥିଲା, ଯେଉଁଥିରେ କଦଳୀ ସାଜସଜ୍ଜାର ଝଲକ ଦେଖିବାକୁ ମିଳିଥିଲା। ଏହା ପରେ କିଆରା ଆଡଭାନୀ ଏବଂ ସିଦ୍ଧାର୍ଥ ମଲହୋତ୍ରାଙ୍କ ବିବାହ ପ୍ରସ୍ତୁତିର ସୁରକ୍ଷା ଆହୁରି ବୃଦ୍ଧିପାଇଛି। ଏଥିସହିତ ଅତିଥିମାନଙ୍କ ଫୋନ୍‌ରେ ଏକ କଳା କଭର ଲଗାଯାଇଛି।

ନିକଟରେ କିଆରାଙ୍କ ପିଲାଦିନର ବନ୍ଧୁ ଈଶା ଅମ୍ବାନୀ ସ୍ୱାମୀ ଆନନ୍ଦ ପିରାମଲଙ୍କ ସହ ସୂର୍ଯ୍ୟଗଡ ମହଲରେ ପହଞ୍ଚିଛନ୍ତି। କରଣ ଜୋହର, ଶାହୀଦ କପୁର, ତାଙ୍କ ପତ୍ନୀ ମୀରା କପୁର ଏବଂ ଜୁହୀ ଚାୱଲା ତାଙ୍କ ସ୍ୱାମୀଙ୍କ ସହ ସେଠାରେ ପହଞ୍ଚିଛନ୍ତି। ଏସବୁର ଭିଡିଓ ଏବଂ ଫଟୋ ଭାଇରାଲ୍‌ ହେବାରେ ଲାଗିଛି।