Kesari Chapter 2 Collection: ଦ୍ୱିତୀୟ ଦିନରେ ଝଡ କଲା ଅକ୍ଷୟ କୁମାରଙ୍କ ଫିଲ୍ମ 'କେସରୀ ଚାପ୍ଟର ୨'

ଅକ୍ଷୟ କୁମାର, ଆର୍‌ ମାଧବନ ଏବଂ ଅନନ୍ୟା ପାଣ୍ଡେ ଅଭିନୀତ ଫିଲ୍ମ 'କେସରୀ ଚାପ୍ଟର ୨' ପ୍ରଥମ ଦିନ ଅପେକ୍ଷା ଦ୍ୱିତୀୟ ଦିନରେ ଅଧିକ ରୋଜଗାର କରିଛି। ୧୯୧୯ ମସିହାର ଜାଲିଆନାୱାଲା ବାଗ ହତ୍ୟାକାଣ୍ଡର ଅଶୁଣା କାହାଣୀ ବର୍ଣ୍ଣନା କରିଛି 'କେସରୀ ୨'। ଅକ୍ଷୟଙ୍କ ଏହି ଫିଲ୍ମକୁ ସକାରାତ୍ମକ ସମୀକ୍ଷା ମିଳିଛି।

'କେସରୀ ୨'ରେ ଅନନ୍ୟାଙ୍କ ଅଭିନୟକୁ ମଧ୍ୟ ପ୍ରଶଂସା କରାଯାଉଛି। ଆର୍‌. ମାଧବନ ମଧ୍ୟ ଏଥିରେ ଏକ ଶକ୍ତିଶାଳୀ ଅଭିନୟ ଦେଇଛନ୍ତି। ସନ୍ନି ଦେଓଲଙ୍କ 'ଜାଟ୍‌' ବକ୍ସ ଅଫିସରେ ରହିବା ସତ୍ତ୍ୱେ, ଅକ୍ଷୟଙ୍କ ଫିଲ୍ମ ଦ୍ୱିତୀୟ ଦିନରେ ୯.୫୦ କୋଟି ଟଙ୍କା ରୋଜଗାର କରିଛି।

ସୈକ୍‌ନିଲ୍କ ରିପୋର୍ଟ ଅନୁଯାୟୀ, 'କେସରୀ ୨' ଦୁଇ ଦିନରେ ମୋଟ୍ ୧୭.୨୫ କୋଟି ଟଙ୍କା ରୋଜଗାର କରିଛି। ଅକ୍ଷୟ କୁମାରଙ୍କ ଏହି ଫିଲ୍ମ ପ୍ରଥମ ଦିନରେ ୭.୭୫ କୋଟି ଟଙ୍କା ରୋଜଗାର କରିଥିଲା।

ଯଦିଓ ଫିଲ୍ମଟି ଭଲ ସମୀକ୍ଷା ପାଇଛି, ତେବେ ଏହା ଚଳିତ ବର୍ଷର ଅକ୍ଷୟଙ୍କ ସୁପରହିଟ୍ 'ସ୍କାଏ ଫୋର୍ସ' ତୁଳନାରେ କମ୍ ରୋଜଗାର କରିଛି। 'ସ୍କାଏ ଫୋର୍ସ' ପ୍ରଥମ ଦିନରେ ୧୨ କୋଟି ଟଙ୍କାରୁ ଅଧିକ ଆୟ କରିଥିଲା।

ଅଧିକ ପଢ଼ନ୍ତୁ: 'କେସରୀ ଚାପ୍ଟର ୨'ର ଦମଦାର୍ ପ୍ରୋମୋ ରିଲିଜ୍; ଦର୍ଶକଙ୍କ ଉତ୍ସାହ ଦ୍ୱିଗୁଣ

ସେହିପରି, 'କେସରୀ ଚାପ୍ଟର ୨'ର ଦୁଇ ଦିନିଆ ରୋଜଗାର ୨୦୧୯ରେ ମୁକ୍ତିଲାଭ କରିଥିବା 'କେସରୀ' ଅପେକ୍ଷା କମ୍ ହୋଇଛି। 'କେସରୀ: ଦି ବ୍ୟାଟଲ ଅଫ୍ ସାରାଗଢ଼ି' ୨୧ କୋଟି ଟଙ୍କାରେ ଓପେନିଂ କରିଥିଲା। ଏହି ଚଳଚ୍ଚିତ୍ରଟି ୧୮୯୭ ମସିହାରେ ଘଟିଥିବା ସାରାଗଢ଼ି ଯୁଦ୍ଧ ଉପରେ ଆଧାରିତ ଥିଲା। ଚଳଚ୍ଚିତ୍ରଟି ରେକର୍ଡ ଭଙ୍ଗା ରୋଜଗାର କରିଥିଲା।

ଏବେ ଆମକୁ ଦେଖିବାକୁ ପଡିବ ଯେ 'କେସରୀ ୨' ଏହାର ସିକ୍ୱେଲ୍ ‘‌କେସରୀ’ର ରେକର୍ଡ ଭାଙ୍ଗିପାରିବ କି ନାହିଁ? 'କେସରୀ ୨' ଜାଲିଆନାୱାଲା ବାଗ୍‌ ହତ୍ୟାକାଣ୍ଡ ପରେ ଘଟିଥିବା ଘଟଣା ଉପରେ ଆଧାରିତ। ତେବେ ଫିଲ୍ମରେ ଥିବା ଦେଶପ୍ରେମର ଆକର୍ଷଣ ବିଶେଷକରି ଉତ୍ତର ଭାରତରେ ଥିଏଟରକୁ ଅଧିକରୁ ଅଧିକ ଲୋକଙ୍କୁ ଆକର୍ଷିତ କରିବ ବୋଲି ଆଶା କରାଯାଉଛି।

ତେବେ ରବିବାରର ରୋଜଗାରକୁ ଦେଖିବା ପରେ ଜଣାପଡିବ ଯେ ଫିଲ୍ମଟି କେତେ ଶୀଘ୍ର ଏବଂ କେତେ ଆୟ କରିପାରିବ। ଅକ୍ଷୟ ଇନ୍‌ଷ୍ଟାଗ୍ରାମ୍‌ରେ 'କେସରୀ ୨'ର BTS ଫଟୋ ଶେୟାର କରିଛନ୍ତି। ଏହି ଫଟୋଗୁଡ଼ିକରେ ଫିଲ୍ମର ବିଭିନ୍ନ ସିକ୍ୱେନ୍ସ ଦେଖିବାକୁ ମିଳେ।

ଫଟୋଗୁଡ଼ିକୁ ଶେୟାର କରି ଅକ୍ଷୟ କୁମାର ଲେଖିଛନ୍ତି, "ଅନେକ କାହାଣୀ ଶୁଣିଥିବେ କିନ୍ତୁ ଏହି କାହାଣୀଟି ଏକ ଝଡ଼। ସି. ଶଙ୍କରନ୍ ନାୟାରଙ୍କ ଏହି କାହାଣୀ ମୋତେ ଥରାଇ ଦେଇଥିଲା କାରଣ ଆମେ ଜାଣି ନଥିଲୁ ଯେ ଜାଲିଆନାୱାଲା ବାଗ୍‌ ହତ୍ୟାକାଣ୍ଡ ପରେ, ଜଣେ ବ୍ୟକ୍ତି ସମଗ୍ର ବ୍ରିଟିଶ ସାମ୍ରାଜ୍ୟକୁ କୋର୍ଟକୁ ଟାଣି ଆଣିଥିଲେ ଏବଂ ଆଣ୍ଠେଇ ଦେଇଥିଲେ।"

ଅକ୍ଷୟ କୁମାର ଆହୁରି ଲେଖିଛନ୍ତି, "ମୁଁ କେବଳ ଜଣେ କଳାକାର ଭାବରେ ନୁହେଁ ବରଂ ଜଣେ ଭାରତୀୟ ଭାବରେ ‘କେସରୀ ୨’ କରିଛି। ଏହା କେବଳ ଏକ ଫିଲ୍ମ ନୁହେଁ... ଏହା ଏକ ଅସମ୍ପୂର୍ଣ୍ଣ ହିସାବ, ଏହା ଏକ ଯନ୍ତ୍ରଣାଦାୟକ ସ୍ମୃତି... ଏବଂ ଶେଷରେ – ଏହା ଏକ ନ୍ୟାୟ।"

ଅଧିକ ପଢ଼ନ୍ତୁ: ଲୋକେ କହୁଛନ୍ତି, ବହୁତ ଦିନ ପରେ ଏକ ଭଲ ଫିଲ୍ମ ଆସିଛି, ଯାହାକୁ ଦେଖିବା ଉଚିତ