Astrospeak
  • Live TV
  • Read In English

କଙ୍ଗନାଙ୍କ ଭାଇ ପ୍ରେମ; ସାଂସଦ ହେଉ ହେଉ ସାନ ଭାଇକୁ ଆଲିଶାନ୍ ଘର ଉପହାର

ନିର୍ବାଚନରୁ ଅବସର ମିଳିବା ମାତ୍ରେ କଙ୍ଗନା ନିଜ ପରିବାର ସହିତ ଉତ୍ସବ ପାଳନ କରୁଛନ୍ତି ଏବଂ ବହୁ କ୍ୱାଲିଟି ଟାଇମ୍ ବିତାଉଛନ୍ତି। ତେବେ ସବୁଠାରୁ କୌତୁହଳର କଥା ହେଲା କଙ୍ଗନା ସାଂସଦ ହେଉ ହେଉ ନବ ବିବାହିତ ଦମ୍ପତିଙ୍କୁ ଚଣ୍ଡିଗଡ଼ରେ ଏକ ସୁନ୍ଦର ଘର ଉପହାର ଦେଇଛନ୍ତି।

kangana ranaut gifts new house to cousin
କଙ୍ଗନାଙ୍କ ଭାଇ ପ୍ରେମ; ସାଂସଦ ହେଉ ହେଉ ସାନ ଭାଇକୁ ଆଲିଶାନ୍ ଘର ଉପହାର

କଙ୍ଗନା ରାନାୱତ ବର୍ତ୍ତମାନ ମଣ୍ଡିର ସାଂସଦ ହୋଇ ଖୁବ ଚର୍ଚ୍ଚାରେ ଅଛନ୍ତି। ନିର୍ବାଚନରୁ ଅବସର ମିଳିବା ମାତ୍ରେ ସେ ନିଜ ପରିବାର ସହିତ ଉତ୍ସବ ପାଳନ କରୁଛନ୍ତି ଏବଂ ବହୁ କ୍ୱାଲିଟି ଟାଇମ୍ ବିତାଉଛନ୍ତି। ବହୁ ଦିନ ପରେ ସେ ଏହି ସୁଯୋଗ ପାଇଛନ୍ତି। ଏଭଳି ପରିସ୍ଥିତିରେ ସେ ଏହି ମୁହୂର୍ତ୍ତକୁ ଜମେଇକି ଉପଭୋଗ କରୁଛନ୍ତି।

ପରିବାର ସହିତ ଏହି ସମୟ ଅତିବାହିତ କରୁଥିବାବେଳେ କଙ୍ଗନା ସୋସିଆଲ ମିଡିଆ ଆକାଉଣ୍ଟରେ କିଛି ଫଟୋ ଶେୟାର କରିଛନ୍ତି। ଫଟୋ ଶେୟାର କରି ସେ ତାଙ୍କ ସମ୍ପର୍କୀୟ ଭାଇ ବରୁଣ ରାଣାୱତ ଏବଂ ଭାଉଜଙ୍କୁ ବିବାହ ପାଇଁ ଅଭିନନ୍ଦନ ଜଣାଇଛନ୍ତି। ତେବେ ସବୁଠାରୁ କୌତୁହଳର କଥା ହେଲା କଙ୍ଗନା ସାଂସଦ ହେଉ ହେଉ ନବ ବିବାହିତ ଦମ୍ପତିଙ୍କୁ ଚଣ୍ଡିଗଡ଼ରେ ଏକ ସୁନ୍ଦର ଘର ଉପହାର ଦେଇଛନ୍ତି।

ପଢନ୍ତୁ ଏହି ଖବର: ଜିତିଲେ କଙ୍ଗନା ରାଣାୱତ; ଆଉ ଦେଖିବାକୁ ମିଳିବେନି ମନୋରଂଜନ ଦୁନିଆରେ!

କଙ୍ଗନାଙ୍କ ଭାଇ ବର୍ତ୍ତମାନ ଯେକୌଣସି ସମୟରେ ଚଣ୍ଡିଗଡ଼ର ନୂଆ ଘରକୁ ଯାଇପାରିବେ। କଙ୍ଗନା ତାଙ୍କ ଫଟୋରେ ଘରର ଉଦ୍ଘାଟନୀ ସମାରୋହର ଝଲକ ମଧ୍ୟ ଦେଖାଇଛନ୍ତି। କଙ୍ଗନାଙ୍କ ବ୍ୟତୀତ ବରୁଣ ରାଣାୱତ ତାଙ୍କ ଇନଷ୍ଟାଗ୍ରାମରେ ତାଙ୍କ ଘରର ଫଟୋ ଶେୟାର କରି ଭଉଣୀଙ୍କୁ ଧନ୍ୟବାଦ ଜଣାଇଛନ୍ତି। ସେ ଲେଖିଛନ୍ତି, “ଧନ୍ୟବାଦ ଦିଦି @ kanganaranaut ଚଣ୍ଡିଗଡ଼ ବର୍ତ୍ତମାନ ଆମ ଘର।”

କଙ୍ଗନା ଲେଖିଛନ୍ତି- ଗୁରୁ ନାନକ ଦେବ ଜୀ କହିଛନ୍ତି ଯେ ଆମର ଯାହା ଅଛି, ଆମେ ଏହାକୁ ଅନ୍ୟମାନଙ୍କ ସହ ବାଣ୍ଟିବା ଜରୁରୀ। ସେ କହିଛନ୍ତି ଯେ ଆମେ ସବୁବେଳେ ଅନୁଭବ କରୁ ଯେ ଆମ ପାଖରେ ପର୍ଯ୍ୟାପ୍ତ ପରିମାଣ ନାହିଁ, ତଥାପି ଆମକୁ ଅନ୍ୟମାନଙ୍କ ସହ ବାଣ୍ଟିବାକୁ ହେବ। ମୁଁ ଭାବୁଛି ଏହାଠାରୁ ଅଧିକ ଖୁସି ଆଉ କିଛି ନାହିଁ।”

ଇନଷ୍ଟାଗ୍ରାମ ଷ୍ଟୋରୀ ବ୍ୟତୀତ କଙ୍ଗନା ରାଣାୱତଙ୍କ ଭାଇ ନୂଆ କରି କିଣାଯାଇଥିବା ଘରର ଚିତ୍ର ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛନ୍ତି ଏବଂ ସୁନ୍ଦର ଉପହାର ପାଇଁ ତାଙ୍କ ବଡ଼ ଭଉଣୀଙ୍କୁ କୃତଜ୍ଞତା ଜଣାଇଛନ୍ତି। ସେ ଲେଖିଛନ୍ତି - ପ୍ରିୟଜନଙ୍କ ସହିତ ଏକ ନୂତନ ଗୃହରେ ନୂତନ ଆରମ୍ଭ @kanganaranaut ଆପଣଙ୍କ ଆଗମନରେ ଘରର ଗର୍ବ ବଢିଗଲା। ବହୁତ ସୁନ୍ଦର ଘର। ତୁମ ପ୍ରେମ ଏବଂ ଆଶୀର୍ବାଦ ପାଇଁ ଅନେକ ଧନ୍ୟବାଦ।

ପଢନ୍ତୁ ଏହି ଖବର: ଏ‍ବେ ରିଲିଜ୍‌ ହେବନି ‘ପୁଷ୍ପା-୨’; ଜାଣନ୍ତୁ ପରଦାକୁ ଆସୁଛି କେବେ ?