Javed Akhtar: ମହିଳାଙ୍କ ଦ୍ୱାରା ହେଉଥିବା ହିଂସାକୁ ନିନ୍ଦା କରାଯାଉଛି, ମହିଳା ସାମ୍ନା କରୁଥିବା ନିର୍ଯାତନାକୁ ଅଣଦେଖା ଦେଖାଯାଉଛି: ଜାଭେଦ ଅଖତର

ରାଜା ରଘୁବଂଶୀ ଏବଂ ସୌରଭ ରାଜପୁତଙ୍କ ନିର୍ମମ ହତ୍ୟା ମାମଲା ଉପରେ ଜନସାଧାରଣଙ୍କ କ୍ରୋଧକୁ ନେଇ ବରିଷ୍ଠ ଗୀତିକାର ଏବଂ ସ୍କ୍ରିପ୍ଟ ଲେଖକ ଜାଭେଦ ଅଖତର ତାଙ୍କର ମତ ଦେଇଛନ୍ତି। ଏହି ହତ୍ୟାକାଣ୍ଡ ଗୁଡ଼ିକ ସେମାନଙ୍କ ପତ୍ନୀ ସୋନମ ରଘୁବଂଶୀ ଏବଂ ମୁସ୍କାନ ରସ୍ତୋଗୀ ଦ୍ୱାରା କରାଯାଇଥିବା ଅଭିଯୋଗ ହୋଇଛି।

ମହିଳା ଅପରାଧୀମାନଙ୍କୁ ନେଇ ସାରା ଦେଶରେ ବ୍ୟାପିଥିବା ଏହି ଅପରାଧ ଘଟଣାକୁ ନେଇ ଜାଭେଦ ଅଖତର ପ୍ରତିକ୍ରିୟା ଦେଇଛନ୍ତି। ସେ ସମାଜକୁ ଡବଲ ଷ୍ଟାଣ୍ଡାର୍ଡ ବୋଲି କହି ଏହା ଉପରେ ପ୍ରତିକ୍ରିୟା ଦେଇଛନ୍ତି।

ଜାଭେଦ ଅଖତର ସମ୍ପ୍ରତି ଏକ ସାକ୍ଷାତକାରରେ ରାଜା ରଘୁବଂଶୀ ଏବଂ ସୌରଭ ରାଜପୁତଙ୍କ ନିର୍ମମ ହତ୍ୟା ବିଷୟରେ କହିଛନ୍ତି। ସେ କହିଛନ୍ତି ଯେ ଏହି ମାମଲାଗୁଡ଼ିକ ପ୍ରତି ଜାତୀୟ ପ୍ରତିକ୍ରିୟାକୁ ନେଇ ତାଙ୍କର 'ମିଶ୍ରିତ ଭାବନା' ଅଛି। ଏହାକୁ ନେଇ ସେ ସମାଜକୁ ଡବଲ ଷ୍ଟାଣ୍ଡାର୍ଡ ହେବା ନେଇ ମତ ଦେଇଛନ୍ତି।

ଅଧିକ ପଢ଼ନ୍ତୁ:ପାକିସ୍ତାନ ଲୋକଙ୍କ ପ୍ରତି ମୋର କୌଣସି ଅଭିଯୋଗ ନାହିଁ; ଜାଭେଦ ଅଖତର

ଜାଭେଦ ସାହେବ ପ୍ରଶ୍ନ କରିଛନ୍ତି, “ଏହି ଦୁଇ ମହିଳା ନିଜ ସ୍ୱାମୀଙ୍କୁ ହତ୍ୟା କରିଛନ୍ତି ଏବଂ ସମାଜ ଦୋହଲି ଯାଇଛି। ତା'ପରେ ଏପରି ମଧ୍ୟ ମହିଳା ଅଛନ୍ତି ଯେଉଁମାନଙ୍କୁ ପ୍ରତିଦିନ ଜୀବନ୍ତ ଜାଳି ଦିଆଯାଉଛନ୍ତି... ସେମାନଙ୍କୁ ପ୍ରତିଦିନ ମାଡ଼ ଦିଆଯାଉଛି। ତେବେ ସମାଜ କାହିଁକି କ୍ରୋଧିତ ହେଉ ନାହିଁ?'

ସେ ଯୁକ୍ତି ଦର୍ଶାଇ କହିଛନ୍ତି ଯେ ଯେତେବେଳେ ମହିଳାମାନଙ୍କ ଦ୍ୱାରା ହେଉଥିବା ହିଂସାକୁ ନିନ୍ଦା କରାଯାଉଛି, ସେତେବେଳେ ସାରା ଦେଶରେ ଅଗଣିତ ମହିଳାମାନେ ସମ୍ମୁଖୀନ ହେଉଥିବା ନିରନ୍ତର ନିର୍ଯାତନାକୁ ପ୍ରାୟତଃ ନୀରବତା ସହ ଦେଖାଯାଉଛି।

ସେ ଆହୁରି ମଧ୍ୟ କହିଛନ୍ତି, “ସମାଜ ବହୁତ ନିର୍ଲଜ୍ଜ। ଯେତେବେଳେ ଦୁଇଜଣ ମହିଳା ହତ୍ୟା କଲେ, ସମସ୍ତେ ଆଶ୍ଚର୍ଯ୍ୟ ହୋଇଗଲେ କିନ୍ତୁ ଏତେ ବର୍ଷ ଧରି ମହିଳାମାନଙ୍କୁ ନିର୍ଯାତନା ଦେଉଥିବା ପୁରୁଷମାନଙ୍କ ବିରୁଦ୍ଧରେ କେହି ମୁହଁ ଖୋଲୁ ନାହାଁନ୍ତି। ଯଦି ସେମାନେ ବିବାହ ପରେ ତୁରନ୍ତ ହତ୍ୟା କରିଛନ୍ତି, ତେବେ ଜାଣିବାକୁ ଚେଷ୍ଟା କରନ୍ତୁ ଯେ ସେମାନଙ୍କୁ କ’ଣ ବିବାହ କରିବାକୁ ବାଧ୍ୟ କରାଯାଇଥିଲା କି? ଭାରତର ଏକ ଛୋଟ ସହରର ଜଣେ ମହିଳାଙ୍କ ପାଇଁ ବିବାହ କରିବା ନେଇ ମନା କରିବା କ'ଣ ସହଜ? ସେ କ'ଣ ଏହା କହିପାରିବ?”

ରାଜା ରଘୁବଂଶୀ ହତ୍ୟା ମାମଲା:

ପ୍ରକାଶଥାଉ ଯେ ଜୁନ୍ ୨ ତାରିଖରେ, ରାଜା ରଘୁବଂଶୀଙ୍କ ମୃତଦେହ ପୂର୍ବ ଖାସି ପାହାଡ଼ ଜିଲ୍ଲାରେ ଅବସ୍ଥିତ ଚେରାପୁଞ୍ଜି ନାମରେ ଜଣାଶୁଣା ସୋହରା ଅଞ୍ଚଳର ଏକ ଗଭୀର ଘାଟି ନିକଟରେ ମିଳିଥିଲା। କିଛି ଦିନ ପରେ ସୋନମ ରଘୁବଂଶୀ ଆତ୍ମସମର୍ପଣ କରିଥିଲେ। ପୋଲିସର ସୂଚନା ଅନୁଯାୟୀ, ସୋନମ ତାଙ୍କ ପ୍ରେମିକ ରାଜ କୁଶୱାହା ଏବଂ ଅନ୍ୟ ତିନି ଜଣଙ୍କ ସହିତ ମିଶି ବିବାହର ପ୍ରାୟ ଦୁଇ ସପ୍ତାହ ପରେ ହନିମୁନ୍ ସମୟରେ ତାଙ୍କ ସ୍ୱାମୀ ରାଜାଙ୍କୁ ହତ୍ୟା କରିବାକୁ ଷଡ଼ଯନ୍ତ୍ର କରିଥିଲେ।

ସୌରଭ ରାଜପୁତ ହତ୍ୟା ମାମଲା:

ସେହିପରି, ମେରଠର ମୁସ୍କାନ ରସ୍ତୋଗୀ ତାଙ୍କ ପ୍ରେମିକ ସାହିଲ ଶୁକ୍ଲାଙ୍କ ସହିତ ମିଶି ମାର୍ଚ୍ଚ ୪ ତାରିଖରେ ତାଙ୍କ ସ୍ୱାମୀ ସୌରଭ ରାଜପୁତଙ୍କୁ ହତ୍ୟା କରିଥିଲେ। ସେମାନେ ସୌରଭଙ୍କ ମୃତଦେହକୁ ଅନେକ ଖଣ୍ଡ କରି ସିମେଣ୍ଟ ଭର୍ତ୍ତି ଏକ ଡ୍ରମ୍‌ରେ ଲୁଚାଇ ରଖିଥିଲେ।

ଅଧିକ ପଢ଼ନ୍ତୁ:‘ଅପରେସନ୍ ସିନ୍ଦୂର’କୁ ନେଇ ଏମିତି କହିଲେ ଜାଭେଦ ଅଖତର; ଲୋକେ କଲେ ଟାର୍ଗେଟ୍