Hrithik: ୬ବର୍ଷରେ ୨ଟି ହିଟ୍ , ସଫଳ ହେବ ତ ୱାର ଟୁ

ହ୍ରିତିକ ରୋଶନ । ବଲିଉଡର ହ୍ୟାଣ୍ଡସମ ହଙ୍କ୍ । ସୁନ୍ଦର ଚେହେରା, ନୃତ୍ୟ, ଅଭିନୟ ଏବଂ ଆକ୍ସନରେ ସେ ନିଜର ପ୍ରତିଭା ଓ ଦକ୍ଷତା ପ୍ରମାଣ କରିସାରିଛନ୍ତି। ସେ ଦର୍ଶକଙ୍କୁ ନିଜ ଅଭିନୟରେ ମନ୍ତ୍ରମୁଗ୍ଧ କରିବାରେ ସଫଳ ହୋଇଛନ୍ତି । ତାଙ୍କର ଏକ ବଡ଼ ଫ୍ୟାନବେସ୍ ମଧ୍ୟ ରହିଛି।

କିନ୍ତୁ ଗୋଟିଏ ବିଷୟରେ ମିଷ୍ଟର ରୋଶନଙ୍କ ଉପରେ ପ୍ରଶ୍ନ ଉଠିଛି। ତାହା ହେଉଛି ବକ୍ସ ଅଫିସର ରୋଜଗାର। ଦୀର୍ଘ ସମୟ ଧରି ହ୍ରିତିକ ରୋଶନ କୌଣସି ବଡ଼ ହିଟ୍ ଦେଇ ପାରିନାହାନ୍ତି । ଯଦି ଆପଣ ୨୦୧୯ରୁ ୨୦୨୫ ପର୍ଯ୍ୟନ୍ତ କଥା କହିବେ, ତେବେ ହ୍ରିତିକ ଗତ ୬ ବର୍ଷରେ ମାତ୍ର ୩ଟି ହିଟ ଫିଲ୍ମ ଦେଇଛନ୍ତି।

୨୦୧୯ ମସିହାରେ ହ୍ରିତିକଙ୍କ ଦୁଇଟି ଚଳଚ୍ଚିତ୍ର ରିଲିଜ ହୋଇଥିଲା। ଗୋଟିଏ ଥିଲା "ସୁପର ୩୦" ଏବଂ ଅନ୍ୟଟି ଥିଲା "ଓ୍ଵାର"। ଏହି ଦୁଇଟି ଚଳଚ୍ଚିତ୍ର ବକ୍ସ ଅଫିସରେ ଭଲ ପ୍ରଦର୍ଶନ କରିଥିଲା। "ସୁପର ୩୦"ର ବଜେଟ ଥିଲା ୬୦ କୋଟି ଟଙ୍କା ଏବଂ ଏହା ୨୧୦ କୋଟି ଟଙ୍କା ଆୟ କରିଥିଲା।

"ଓ୍ଵାର" ବିଷୟରେ କହିବାକୁ ଗଲେ, ଏହାର ବଜେଟ ଥିଲା ୧୫୦ କୋଟି ଟଙ୍କା ଏବଂ ଏହି ଚଳଚ୍ଚିତ୍ର ହିନ୍ଦୀ, ତାମିଲ ଏବଂ ତେଲୁଗୁ ମିଶି ବିଶ୍ୱବ୍ୟାପୀ ୪୭୫ କୋଟି ଟଙ୍କାର କଲେକ୍ସନ କରିଥିଲା। ଏହା ଥିଲା ୬ ବର୍ଷ ପୂର୍ବେ ହ୍ରିତିକଙ୍କର ଶେଷ ବ୍ଲକବଷ୍ଟର ହିଟ।

୨୦୨୨ରେ ତାଙ୍କର "ବିକ୍ରମ ବେଧା" ରିଲିଜ ହୋଇଥିଲା, କିନ୍ତୁ ଏହା କୌଣସି ବିଶେଷ କମାଲ କରି ପାରିନଥିଲା। ଏହା ପରେ ୨୦୨୪ରେ "ଫାଇଟର" ରିଲିଜ ହୋଇଥିଲା। ଏହି ଚଳଚ୍ଚିତ୍ର ବିଶ୍ୱବ୍ୟାପୀ ୩୫୮.୮୩ କୋଟି ଟଙ୍କାର କଲେକ୍ସନ କରିଥିଲା। ତେବେ ଏହାର ବଜେଟ ୨୫୦ କୋଟି ଟଙ୍କା ଥିବା କୁହାଯାଏ, ତେଣୁ ଏହି ହିସାବରେ ଆପଣ ଏହାକୁ ହିଟ ତ କେବେବି କହି ପାରିବେ ନାହିଁ।

ଅର୍ଥାତ୍ ୨୦୧୯ ପରେ ଏପର୍ଯ୍ୟନ୍ତ ସେ କୌଣସି ବ୍ଲକବଷ୍ଟର ଚଳଚ୍ଚିତ୍ର ଦେଇ ପାରିନାହାନ୍ତି। ଏବେ ସେ ୨୦୧୯ରେ ରିଲିଜ ହୋଇଥିବା "ଓ୍ଵାର"ର ସିକ୍ୱେଲ "ଓ୍ଵାର-୨" ନେଇ ଆସୁଛନ୍ତି। ଏହି ଚଳଚ୍ଚିତ୍ରରେ ହ୍ରିତିକଙ୍କ ସହ ଜୁନିୟର ଏନଟିଆର ମଧ୍ୟ ଅଛନ୍ତି। କିନ୍ତୁ ଏହାର ସିଧାସିଳଖ ଟକ୍କର ରଜନୀକାନ୍ତଙ୍କ "କୁଲି" ସହିତ ହେବ।