ଆଜି ହେମା ମାଲିନୀ ବଲିଉଡଠାରୁ ଦୂରରେ ଥିବାବେଳେ ରାଜନୀତିରେ ସକ୍ରିୟ ଅଛନ୍ତି ଏବଂ ଦେଶ ତଥା ସମାଜର ଉନ୍ନତି ପାଇଁ କାମ କରିବା ଜାରି ରଖିଛନ୍ତି। ତେବେ ସେ କଳା ମାଧ୍ୟମରେ ସଚେତନତା ସୃଷ୍ଟି କରିବାକୁ ଚେଷ୍ଟା କରୁଛନ୍ତି।
ବିଜେପି ସାଂସଦ ହରିଦ୍ୱାରରେ ଗଙ୍ଗା ନଦୀ ବିଷୟରେ ଲୋକଙ୍କୁ ଅବଗତ କରାଇବା ପାଇଁ 'ଗଙ୍ଗା' ବାଲେ ଉପସ୍ଥାପନ କରିଥିଲେ। ସାଂସଦ ତାଙ୍କ ଉପସ୍ଥାପନା ହେତୁ ନିଜକୁ ସମ୍ମାନିତ ଏବଂ ଭାଗ୍ୟବାନ ମନେ କରିଛନ୍ତି।
Also Read
ଅଧିକ ପଢ଼ନ୍ତୁ: ଲୁଚିଛପି ବାହାହେଲେ ଅଦିଦି ରାଓ ହାଇଦର ଏବଂ ସିଦ୍ଧାର୍ଥ; ଭାଇରାଲ୍ ହେଉଛି ଫଟୋ
ହେମା ମାଲିନୀ ଇନଷ୍ଟାଗ୍ରାମରେ କିଛି ଫଟୋ ଶେୟାର କରି ପୋଷ୍ଟରେ ଲେଖିଛନ୍ତି, “ଗଙ୍ଗା ଆମ ଦେଶରେ ଶତାବ୍ଦୀ ଶତାବ୍ଦୀ ଧରି ପ୍ରବାହିତ ହେଉଛି। ଏହାକୁ ସଫା ରଖିବା ଆମର ଦାୟିତ୍ୱ। ତେବେ ଆମର ସମସ୍ତ ନଦୀର ଅବସ୍ଥା ସମାନ। ଏହି ‘ନୃତ୍ୟ ନାଟିକା’ ମାଧ୍ୟମରେ ଆମେ ଆମ ଦେଶର ସମସ୍ତ ନଦୀର ପରିଷ୍କାର ପରିଚ୍ଛନ୍ନତା ଉପରେ ଗୁରୁତ୍ୱାରୋପ କରୁଛୁ। ମୁଁ ଜଣେ କଳାକାର, ଫିଲ୍ମ ତାରକା, ଜଣେ ଅଭିନେତ୍ରୀ ଏବଂ ନୃତ୍ୟଶିଳ୍ପୀ। ତେଣୁ ସଚେତନତା ସୃଷ୍ଟି କରିବାକୁ ମୁଁ ଥିମ୍ ସୃଷ୍ଟି କରେ। ମୁଁ ଏହି ଉପାୟରେ ଯୋଗଦାନ ଦେବାକୁ ଚେଷ୍ଟା କରେ।”
ଗୋଟିଏ ଫଟୋରେ ହେମା ମହା ମଣ୍ଡଳେଶ୍ୱର ଅବଶେଶାନନ୍ଦଙ୍କ ସହିତ ଛିଡ଼ା ହୋଇଥିବା ଦେଖିବାକୁ ମିଳେ। ସେହିପରି ଅନ୍ୟ ଏକ ଫଟୋରେ ସେ ଯୋଗଗୁରୁ ରାମଦେବ ଏବଂ ଚିଦାନନ୍ଦ ସରସ୍ୱତୀଙ୍କ ସହ ଅଛନ୍ତି। ହେମା ମାଳିନୀ ୧୯୬୩ ମସିହାରେ ତାମିଲ ଫିଲ୍ମ 'ଇଧୁ ସଥିୟମ୍' ସହିତ ଅଭିନୟ ଜୀବନ ଆରମ୍ଭ କରିଥିଲେ।
ଅଧିକ ପଢ଼ନ୍ତୁ: ମୁଁ ନିଜ ପାଇଁ ଏପରି ଜଣେ ସାଥୀ ଚାହୁଁଛି ଯିଏ ମୋତେ ପାଗଳ ଭଳି ଭଲ ପାଉଥିବ; ଐଶ୍ୱର୍ଯ୍ୟା ରାୟ
ଏହି ଅଭିନେତ୍ରୀ 'ସପନୋ କା ସୌଦାଗର'ରେ ମୁଖ୍ୟ ଅଭିନେତ୍ରୀ ଭାବରେ ତାଙ୍କର ପ୍ରଥମ ବ୍ରେକ୍ ପାଇଥିଲେ ଏବଂ ଏହା ପରେ ସେ ଅନେକ ହିନ୍ଦୀ ଚଳଚ୍ଚିତ୍ରରେ କାମ କରିଛନ୍ତି। ସେ ଧର୍ମେନ୍ଦ୍ରଙ୍କ ସହ ଅନେକ ଫିଲ୍ମ କରିଥିଲେ, ଯାହାଙ୍କୁ ସେ ୧୯୮୦ରେ ବିବାହ କରିଥିଲେ।
ହେମା ୧୯୭୭ ମସିହାରେ 'ଡ୍ରିମ୍ ଗାର୍ଲ' ନାମକ ଏକ ଫିଲ୍ମରେ ଅଭିନୟ କରିଥିଲେ, ଯାହା ପରେ ଲୋକମାନେ ତାଙ୍କୁ ସ୍ନେହପୂର୍ଣ୍ଣ ଭାବରେ 'ଡ୍ରିମ୍ ଗାର୍ଲ' ବୋଲି କହିବା ଆରମ୍ଭ କରିଥିଲେ। ୧୯୭୨ର କମେଡି ଫିଲ୍ମ 'ସୀତା ଔର୍ ଗୀତା'ରେ ତାଙ୍କର ଡବଲ୍ ରୋଲ୍ ପାଇଁ ସେ ଶ୍ରେଷ୍ଠ ଅଭିନେତ୍ରୀରେ ଫିଲ୍ମଫେୟାର ପୁରସ୍କାର ଜିତିଥିଲେ।
୨୦୦୦ମସିହାରେ, ହେମା ମାଲିନୀ ଫିଲ୍ମଫେୟାର ଲାଇଫ୍ ଟାଇମ୍ ଆଚିଭ୍ମେଣ୍ଟ ଆୱାର୍ଡ ଜିତିଥିଲେ ଏବଂ ୨୦୧୯ରେ ସେ ୫୦ ବର୍ଷ ଧରି ସିନେମାରେ ଅବଦାନ ପାଇଁ ଫିଲ୍ମଫେୟାର ସ୍ୱତନ୍ତ୍ର ପୁରସ୍କାର ମଧ୍ୟ ପାଇଥିଲେ।