Rapper Badshah: ରାପର୍‌ ବାଦଶାହଙ୍କ କ୍ଲବ୍‌ ପାଖରେ ବୋମା ମାଡ଼; ଚାରିଆଡ଼େ ଆତଙ୍କ

ଚଣ୍ଡିଗଡ଼ରୁ ଏକ ବଡ ଖବର ସାମ୍ନାକୁ ଆସିଛି। ମଙ୍ଗଳବାର ସକାଳେ ଚଣ୍ଡିଗଡ଼ର ସେକ୍ଟର ୨୬ର ଏକ ନାଇଟ୍ କ୍ଲବ ନିକଟରେ ଏକ ବୋମା ବିସ୍ଫୋରଣ ଘଟିଥିବା ଖବର ପାଇବା ପରେ ଏହି ଅଞ୍ଚଳରେ ହଇଚଇ ପରିସ୍ଥିତି ସୃଷ୍ଟି ହୋଇଛି। କୁହାଯାଉଛି ଯେ ସନ୍ଦିଗ୍ଧମାନେ ଟାର୍ଗେଟ୍‌ କରିଥିବା କ୍ଲବ୍‌ ହେଉଛି ରାପର୍‌ ତଥା ଗାୟକ ବାଦଶାହଙ୍କର।

ଦେଶୀ ବୋମାରେ ବିସ୍ଫୋରଣ:

ଚଣ୍ଡିଗଡ଼ ପୋଲିସ ସୂତ୍ରରୁ ପ୍ରକାଶ ଯେ ଘଟଣାସ୍ଥଳରୁ କିଛି ଝୋଟ ଦଉଡି ମଧ୍ୟ ଉଦ୍ଧାର କରାଯାଇଛି। ନାଇଟ୍ କ୍ଲବ୍ ବାହାରେ ଦେଶୀ ବୋମା ଦ୍ୱାରା ବିସ୍ଫୋରଣ କରାଯାଇଛି।

ଅଧିକ ପଢ଼ନ୍ତୁ: ମେହେନ୍ଦୀ ରଙ୍ଗର ଶାଢିକୁ ମୋତି ଗଳାହାର, ଆକର୍ଷଣୀୟ ଲୁକ୍‌ରେ ରଶ୍ମିକା ମନ୍ଦାନା

ଏହି ବିସ୍ଫୋରଣ ଘଟିବା ବେଳେ ନାଇଟ୍ କ୍ଲବ୍‌ ବନ୍ଦ ଥିଲା। ଏଭଳି ପରିସ୍ଥିତିରେ ଏହି ବିସ୍ଫୋରଣ କେବଳ ଆତଙ୍କ ଖେଳାଇବା ଉଦ୍ଦେଶ୍ୟରେ କରାଯାଇଥିଲା ବୋଲି ବିଶ୍ୱାସ କରାଯାଏ। ତଥାପି ପୋଲିସ ମଧ୍ୟ ଏହି ମାମଲାର ତଦନ୍ତ କରୁଛି। ଏହି ଘଟଣା ସମ୍ପର୍କରେ ଏପର୍ଯ୍ୟନ୍ତ କୌଣସି ଅଫିସିଆଲ ବିବୃତ୍ତି ଜାରି କରାଯାଇ ନାହିଁ।

ରେଷ୍ଟୁରାଣ୍ଟରେ କାମ କରୁଥିବା ବ୍ୟକ୍ତିଙ୍କ ମତ:

ଯେଉଁଠାରେ ବିସ୍ଫୋରଣ ଘଟିଥିଲା ​​ସେହି ରେଷ୍ଟୁରାଣ୍ଟ୍‌ରେ କାମ କରୁଥିବା ପୁରନ ନାମକ ଜଣେ କର୍ମଚାରୀ ANI କୁ କହିଛନ୍ତି ଯେ, “ପ୍ରବଳ ବିସ୍ଫୋରଣ ଶୁଣିବା ପରେ ଆମେ ବାହାରକୁ ଆସିଥିଲୁ। କବାଟର କାଚ ଭାଙ୍ଗିଯାଇଥିଲା, ପରେ ଆମେ ପୋଲିସକୁ ଅଭିଯୋଗ କରିଥିଲୁ। ଯେତେବେଳେ ଏହି ବିସ୍ଫୋରଣ ଘଟିଲା, ରେଷ୍ଟୁରାଣ୍ଟ ଭିତରେ ୭-୮ କର୍ମଚାରୀ ଉପସ୍ଥିତ ଥିଲେ। ଏଥିରେ କେହି ଆହତ ହୋଇନାହାଁନ୍ତି।”

ପୋଲିସ୍‌ର ସିସିଟିଭି ଫୁଟେଜ୍‌ ଯାଞ୍ଚ:

ତେବେ ଏହି ଘଟଣା ସମ୍ପର୍କରେ ବାଦଶାହା ଏପର୍ଯ୍ୟନ୍ତ କୌଣସି ମତ ଦେଇନାହାଁନ୍ତି। ଆକ୍ରମଣକାରୀଙ୍କୁ ଧରିବା ପାଇଁ ସେଠାରେ ଥିବା ସିସିଟିଭି ଫୁଟେଜ୍‌କୁ ମଧ୍ୟ ପୋଲିସ ଯାଞ୍ଚ କରିବା ଆରମ୍ଭ କରିଛି। ଲୋକଙ୍କୁ ପଚରାଉଚରା କରାଯାଉଛି। ଏଭଳି ପରିସ୍ଥିତିରେ ଅଭିଯୁକ୍ତଙ୍କୁ ଶୀଘ୍ର ଗିରଫ କରାଯିବ ବୋଲି ଆଶା କରାଯାଉଛି।

ଅଧିକ ପଢ଼ନ୍ତୁ: 'ପୁଷ୍ପା ୨' ଟ୍ରେଲର ଲଞ୍ଚ୍‌ ବେଳେ ପାଟନାବାସୀଙ୍କୁ କ୍ଷମା ମାଗିଲେ ଅଲ୍ଲୁ ଅର୍ଜୁନ