LIVE TV
ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମ୍ରେ ନିଜ ଉଲଗ୍ନ ଫଟୋ ପୋଷ୍ଟ କରିବାକୁ ନେଇ ଅଭିନେତା ରଣବୀର ସିଂହଙ୍କ ବିରୋଧରେ ମାମଲା ରୁଜୁ ହୋଇଛି । ମୁମ୍ବାଇର ଚେମ୍ବୁର ଥାନାରେ ଆଇପିସି ଧାରା ୨୯୨, ୨୯୩ ଓ ସୂଚନା ପ୍ରଯୁକ୍ତି ବିଦ୍ୟା ଆଇନର ୫୦୯ରେ ଦଫା ଲଗାଯାଇଛି ।
କିଛିଦିନ ପୂର୍ବରୁ ରଣବୀର ଗୋଟିଏ ପତ୍ରିକା ପାଇଁ ନଗ୍ନ ଅବସ୍ଥାରେ ବସିଥିବା ପୋଜ୍ରେ ଫଟୋ ସୁଟ୍ କରିଥିଲେ ।ଏହି ଫଟୋଟି ସଂପୃକ୍ତ ପତ୍ରିକାରେ ମଲାଟରେ ପ୍ରକାଶ ପାଇଥିଲା । ଆଉ ଏହି କଭର ପେଜ୍ ଫଟୋକୁ ରଣବୀର ଇନଷ୍ଟାଗ୍ରାମର ନିଜ ପେଜ୍ରେ ଅପଲୋଡ୍ କରିଥିଲେ ।
Also Read
FIR filed against Ranveer Singh over his nude photoshoot
Read @ANI Story | https://t.co/M1RGsLB69M#RanveerSingh #MumbaiPolice #nudephotoshoot #photoshoot pic.twitter.com/iXZwAcRJVR— ANI Digital (@ani_digital) July 26, 2022
ଏହାକୁ ନେଇ ମୁମ୍ବାଇର ଗୋଟିଏ ବେସରକାରୀ ସଂସ୍ଥା ଗତକାଲି ଚେମ୍ବୁର ଥାନାରେ ରଣବୀରଙ୍କ ବିରୋଧରେ ଏତଲା ଦେଇଥିଲେ । ମହିଳାଙ୍କ ଭାବାବେଗକୁ ଆଘାତ ଦେଉଥିବା ଦର୍ଶାଇ ରଣବୀରଙ୍କ ବିରୋଧରେ ମାମଲା ରୁଜୁ କରିବାକୁ ସଂପୃକ୍ତ ଏନ୍ଜିଓ ଆବେଦନ କରିଥିଲା । ଏହାପରେ ଚେମ୍ବୁର ଥାନା ପକ୍ଷରୁ ରଣବୀରଙ୍କ ବିରୋଧରେ ମାମଲା ରୁଜୁ କରାଯାଇଛି ।
ତେବେ, ରଣବୀର ସିଂହଙ୍କ ଏହିପରି ଫଟୋସୁଟ୍କୁ ନେଇ ଏବେ ସାରା ଦେଶରେ ଚର୍ଚ୍ଚା ଜୋର୍ ଧରିଛି । ବଲିଉଡ୍ଠାରୁ ଆରମ୍ଭ କରି ସୋସିଆଲ୍ ମିଡିଆ ୟୁଜର୍ସଙ୍କ ପର୍ଯ୍ୟନ୍ତ ସମସ୍ତେ ରଣବୀର ସିଂହଙ୍କ ଏହି ନଗ୍ନ ଫଟୋକୁ ନେଇ ବୋଶ୍ ଆଲୋଚନା–ସମାଲୋଚନା କରୁଛନ୍ତି । ସେସିଆଲ୍ ମିଡିଆରେ ଏହି ଫଟୋ ଏବେ ବେଶ୍ ଭାଇରାଲ୍ ହେବାରେ ଲାଗିଛି । ତେବେ କିଛି ୟୁଜର୍ସ ଏହି ସେକ୍ସି ଏବଂ କୁଲ୍ ବୋଲି କହୁଥିବାବେଳେ ଆଉ କେତେକ ୟୁଜର୍ସ ଏହାକୁ ତୀବ୍ର ନିନ୍ଦା କରିଛନ୍ତି ।
