• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

କରୀନା କପୁର, ଜାଭେଦ୍ ଜାଫରୀ ଏବଂ ମୋନା ସିଂହଙ୍କ ପରେ ‘୩ ଇଡିୟଟ୍ସ’ର, ସିକ୍ୱେଲ୍‌କୁ ନେଇ ଚତୁର ଏବଂ ଭାଇରସ୍ ବା ଓମି ବୈଦ୍ୟ ଏବଂ ବୋମନ୍ ଇରାନୀ ମଧ୍ୟ ସେମାନଙ୍କ ପ୍ରତିକ୍ରିୟା ସୋସିଆଲ ମିଡିଆରେ ଶେୟାର କରିଛନ୍ତି। ଏହା ବର୍ତ୍ତମାନ ଭାଇରାଲ୍‌ ହେବାରେ ଲାଗିଛି।  ଏହି ପ୍ରତିକ୍ରିୟା ପରେ ପ୍ରଶଂସକମାନେ ଅନୁମାନ କରୁଛନ୍ତି ଯେ ଏହା ବୋଧହୁଏ ‘୩ ଇଡିୟଟ୍ସ’ର ନୂଆ ସିକ୍ୱେଲ୍ ପାଇଁ ପ୍ରମୋସନ। ଏଥି ସହିତ, ପ୍ରଶଂସକମାନେ ଇନଷ୍ଟାଗ୍ରାମରେ ଏହି ଅଭିନେତାମାନଙ୍କ ଦ୍ୱାରା ହୋଇଥିବା ଭିଡିଓରେ ନିଜ ନିଜ ପ୍ରତିକ୍ରିୟା ଶେୟାର କରୁଥିବା ମଧ୍ୟ ଦେଖିବାକୁ ମିଳୁଛି।

‘୩ ଇଡିୟଟ୍ସ’ ସିକ୍ୱେଲର ଭାଇରାଲ୍ ଫଟୋକୁ ନେଇ ଅଭିନେତାମାନେ ଦେଇଥିବା ସେମାନଙ୍କର ପ୍ରତିକ୍ରିୟା ଦିନକୁ ଦିନ ଭାଇରାଲ ହେବାରେ ଲାଗିଛି। ଏକ ମଜାଳିଆ ଭିଡିଓରେ ବିରୁ ସହଶ୍ରବୁଦ୍ଧି 'ଭାଇରସ୍' ବା ବୋମନ୍ ଇରାନୀ ଏକ ମଜାଳିଆ ଭିଡିଓରେ ରାଜକୁମାର ହିରାନୀଙ୍କ ସିକ୍ୱେଲର ଗୁଜବକୁ ନେଇ କହିଛନ୍ତି ଯେ “ଆପଣମାନେ ଏ କ’ଣ କରୁଛନ୍ତି? ଏହା କ’ଣ ପୂର୍ବରୁ ବାହାରକୁ ଆସିଗଲା ଏବଂ କ୍ଲିପ୍ ଭାଇରାଲ୍ ହେଉଛି? ଭାଇରସ୍ ବିନା ତୁମେ କିପରି ‘୩ ଇଡିୟଟ୍ସ’ ବିଷୟରେ ଚିନ୍ତା କରିପାରିବ? ଭଗବାନଙ୍କୁ ଧନ୍ୟବାଦ କରୀନା ମୋତେ ଏ ବିଷୟରେ ସୂଚନା ଦେଇଛନ୍ତି। ନଚେତ୍ ମୁଁ କେବେ ଜାଣିପାରି ନ ଥା'ନ୍ତି। ଏହା ଠିକ୍ ନୁହେଁ। ସାଙ୍ଗମାନେ ଏତେ ବଡ ରୋଷେଇ କରୁଛ ହେଲେ ଆମକୁ ଜଣେଇଲ ନାହିଁ? ଏହା କ’ଣ ଆପଣଙ୍କ ଶାଳୀନତା? କେଉଁଠି ଅଛି ଆପଣଙ୍କ ବନ୍ଧୁତା? ମୁଁ ଭାବୁଥିଲି ଆମେ ବନ୍ଧୁ ବୋଲି।”

“ମୁଁ ନିଶ୍ଚିତ ଯେ ଜାଭେଦ୍ ଜାଫରୀଙ୍କୁ ଏ ବିଷୟରେ କୌଣସି ଧାରଣା ନାହିଁ। ଦୟାକରି କଲ୍ କର, ଜାଭେଦ। ଏହି ଭିଡିଓରେ କ୍ୟାପ୍‌ସନ୍ ଦିଆଯାଇଛି ଯେ ସେମାନେ କିପରି ଭାଇରସ୍‌ ବିନା ‘୩ ଇଡିୟଟ୍ସ’ର ସିକ୍ୱେଲ କରିପାରିବେ? ଭାଇରସ୍‌ ଯଦି ଭିଲେନ୍ ନ ହେବ, ତେବେ ଆଉ କ’ଣ ହେବ?”

ଏହା ଉପରେ ଶର୍‌ମନ୍ ଉତ୍ତର ଦେଇଛନ୍ତି, "ସରୀ ଭାଇରସ୍... ମୋର କହିବାର କଥା ବୋମନ୍ ଇରାନୀ ସାର୍, ଦୟାକରି ରାଗନ୍ତୁ ନାହିଁ, ମୁଁ ଶୀଘ୍ର ବିସ୍ତୃତ ଭାବରେ କହିବି... ଦୟାକରି ଫୋନ୍ ଉଠାନ୍ତୁ।"

ଏହା ବ୍ୟତୀତ ଚତୁର ବା ଅଭିନେତା ଓମି ବୈଦ୍ୟ ମଧ୍ୟ ଏହି ସଂଯୋଗରେ ଏକ ଭିଡିଓ ଶେୟାର କରିଛନ୍ତି, ଯେଉଁଥିରେ ସେ ସିକ୍ୱେଲ୍ ବିଷୟରେ କହୁଥିବା ନଜର ଆସନ୍ତି। ଅନ୍ୟପକ୍ଷରେ, ତାଙ୍କର ଚମତ୍କାର ଷ୍ଟାଇଲ୍‌କୁ ପୁଣି ଥରେ ଦେଖି ପ୍ରଶଂସକମାନେ ସେମାନେଙ୍କ ହସ ବନ୍ଦ କରି ପାରିବେ ନାହିଁ। ପ୍ରଶଂସକମାନେ ଉଭୟଙ୍କ ଭିଡିଓ ଉପରେ ଦମଦାର ମନ୍ତବ୍ୟ ଦେଉଛନ୍ତି।