ମୁମ୍ବାଇ: ବଲିଉଡରେ ଅନେକ ଯୋଡ଼ିଙ୍କୁ ଦର୍ଶକେ ପସନ୍ଦ କରିଥାନ୍ତି । ଆଉ ସେହି ରିଲ୍ ଯୋଡ଼ି ରିଅଲ ଯୋଡ଼ିରେ ପରିଣତ ହୋଇଥାନ୍ତି । ସେମାନଙ୍କର ପ୍ରେମ କାହାଣୀ ଦର୍ଶକଙ୍କ ଦ୍ୱାରା ମଧ୍ୟ ପ୍ରଶଂସିତ ହୋଇଥାଏ। କିନ୍ତୁ ବଲିଉଡରେ ଏପରି କିଛି ଯୋଡ଼ି ଅଛନ୍ତି ଯେଉଁମାନଙ୍କର ପ୍ରେମ ଯନ୍ତ୍ରଣାଦାୟକ ମୋଡ଼ରେ ଶେଷ ହେଉଛି ।
ତେବେ ପ୍ରସିଦ୍ଧ ଅଭିନେତା ସିଦ୍ଧାର୍ଥ ଶୁକ୍ଲା ଏବଂ ଶେହନାଜ ଗିଲ୍ଙ୍କ ଯୋଡି ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା କିନ୍ତୁ ସିଦ୍ଧାର୍ଥଙ୍କ ହଠାତ୍ ଦେହାନ୍ତ ହେତୁ ଶେହନାଜ ସ୍ତବ୍ଧ ହୋଇଯାଇଛନ୍ତି । ସେହିପରି ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଥିବା ବେଳେ ରିୟା ଚକ୍ରବର୍ତ୍ତୀଙ୍କ ସହ ସମାନ ଘଟଣା ଘଟିଥିଲା। ଏପରି ଅନେକ ଦମ୍ପତି ଥିଲେ ଯେଉଁମାନଙ୍କୁ ନେଇ ଅନେକ ଚର୍ଚ୍ଚା ହୋଇଥିଲା । କିନ୍ତୁ ସେମାନଙ୍କର ପ୍ରେମ କାହାଣୀ ଅସମ୍ପୂର୍ଣ୍ଣ ରହିଲା ।
'ବିଗ୍ ବସ୍ ୧୩'ର ବିଜେତା ସିଦ୍ଧାର୍ଥ ଶୁକ୍ଲା ଏବଂ ଶାହନାଜ୍ ଗିଲଙ୍କ ଯୋଡି ବିଗ୍ବସ୍ ଘରେ ତିଆରି ହୋଇଥିଲା । ଏହି ଯୋଡି ଏତେ ଲୋକପ୍ରିୟ ଥିଲା ଯେ ପ୍ରଶଂସକମାନେ ତାଙ୍କୁ 'ସିଡନାଜ୍' ନାମ ଦେଇଥିଲେ । ନିକଟରେ ଏକ ରିଆଲିଟି ସୋ ରେ ଦୁହେଁଙ୍କୁ ଦେଖିବାକୁ ମିଳିଥିଲା ତେବେ ସିଡନାଜଙ୍କୁ ଏକାଠି ଦେଖିବାର ପ୍ରଶଂସକଙ୍କ ସ୍ୱପ୍ନ ଅସମ୍ପୂର୍ଣ୍ଣ ରହିଗଲା । ସେହିପରି ବଲିଉଡର ଅତି ପ୍ରସିଦ୍ଧ ତଥା ସୁନ୍ଦର ଅଭିନେତ୍ରୀ ଦିବ୍ୟା ଭାରତୀ ସାଜିଦ ନାଦିଆୱାଲାଙ୍କ ସହ ପ୍ରେମ ବିବାହ କରିଥିଲେ । ବିବାହର ଏକ ବର୍ଷ ପରେ ଦିବ୍ୟା ଦୁନିଆରୁ ବିଦାୟ ନେଇଥିଲେ । ଦିବ୍ୟାଙ୍କ ମୃତ୍ୟୁ ପରେ ସାଜିଦ ସଂପୂର୍ଣ୍ମ ଭାବେ ଭାବରେ ଭାଙ୍ଗି ପଡିଥିଲେ।
ସେହିପରି ଆଦିତ୍ୟ ପାଞ୍ଚୋଲିଙ୍କ ପୁଅ ସରୋଜ ପଞ୍ଚୋଲି ଏବଂ ଜିଆ ଖାନଙ୍କ ପ୍ରେମ କାହାଣୀ ମଧ୍ୟ ଚର୍ଚ୍ଚାରେ ଥିଲା । ୨୦୧୩ରେ ଜିଆ ଖାନଙ୍କ ମୃତଦେହ ତାଙ୍କ କୋଠରୀରୁ ମିଳିଥିଲା । ଜିଆଙ୍କ ମୃତ୍ୟୁ ପରେ ସରୋଜ ଅନେକ ବିବାଦରେ ଘେରି ରହିଥିଲେ । ଜିଆଙ୍କର ମୃତ୍ୟୁ ପରେ ତାଙ୍କର ପ୍ରେମ କାହାଣୀ ଅଧୁରା ରହିଯାଇଥିଲା ।
୨୦୧୬ରେ 'ବାଲିକା ବଧୂ' ଅଭିନେତ୍ରୀ ପ୍ରତ୍ୟୁଷା ବାନାର୍ଜୀଙ୍କ ଦେହାନ୍ତ ହୋଇଥିଲା, ପ୍ରତ୍ୟୁଷାଙ୍କ ମୃତ୍ୟୁ ପରେ ତାଙ୍କ ପ୍ରେମିକା ରାହୁଲ ରାଜ ଦୀର୍ଘ ସମୟ ଧରି ବିବାଦରେ ରହିଥିଲେ। ସେମାନଙ୍କର ପ୍ରେମ କାହାଣୀ ମଧ୍ୟ ଅସମ୍ପୂର୍ଣ୍ଣ ରହିଲା ।
ସେହିପରି ସୁଶାନ୍ତ ସିଂ ରାଜପୁତ ଏବଂ ରିୟା ଚକ୍ରବର୍ତ୍ତୀଙ୍କ ପ୍ରେମ କାହାଣୀ ମଧ୍ୟ ଏକ କଷ୍ଟଦାୟକ ସମାପ୍ତ ହୋଇଥିଲା । ସୁଶାନ୍ତଙ୍କ ମୃତ୍ୟୁ ପରେ ତାଙ୍କ ଗର୍ଲଫ୍ରେଣ୍ଡ ରିୟାଙ୍କୁ ନେଇ ଅନେକ ବିବାଦ ଲାଗି ରହିଥିଲା । ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ସୁଶାନ୍ତ ରିୟାଙ୍କୁ ବିବାହ କରିବାକୁ ଯୋଜନା କରିଥିଲେ ମଧ୍ୟ ସୁଶାନ୍ତଙ୍କ ମୃତ୍ୟୁ ପରେ ଏହି ପ୍ରେମ କାହାଣୀ ଶେଷ ହୋଇଥିଲା ।