ସୁପରଷ୍ଟାର ଅଲୁ ଅର୍ଜୁନଙ୍କ ଆଗାମୀ ଚଳଚ୍ଚିତ୍ର 'ପୁଷ୍ପା ୨'ର ଦ୍ୱିତୀୟ ଗୀତ 'ଅଙ୍ଗାରୋଁ' ମୁକ୍ତିଲାଭ କରିଛି। ଏହି ଗୀତର ଟିଜର କିଛି ଦିନ ପୂର୍ବରୁ ମୁକ୍ତିଲାଭ କରିଥିଲା ଯେଉଁଥିରେ ଅଲୁ ଅର୍ଜୁନ ଏବଂ ରଶ୍ମିକା ମନ୍ଦନା ନଜର ଆସିଥିଲେ। ଏହାକୁ ନେଇ ଦର୍ଶକଙ୍କ ମଧ୍ୟରେ ବହୁତ ଉତ୍ସାହ ଥିଲା। ନିର୍ମାତା ନିଜ ପ୍ରତିଶ୍ରୁତି ଅନୁଯାୟୀ ଆଜି ଦିନ ୧୧.୦୭ରେ ପୂରା ଗୀତଟିକୁ ରିଲିଜ୍ କରିଛନ୍ତି।
ଏହି ଗୀତଟି ୬ ଟି ଭାଷାରେ ପ୍ରସ୍ତୁତ କରାଯାଇଛି। ଏହାକୁ ଲୋକପ୍ରିୟ ଗାୟକ ଶ୍ରେୟା ଘୋଷାଲ ଗାଇଛନ୍ତି। ଗୀତ ରିଲିଜ୍ ହେବା ମାତ୍ରେ ପ୍ରଶଂସକମାନେ ସେମାନଙ୍କ ଭଲପାଇବାର ବର୍ଷା କରିବା ଆରମ୍ଭ କରିଦେଇଛନ୍ତି। ୟୁଟ୍ୟୁବ୍ରେ ଗୀତ ରିଲିଜ୍ ହେବାର ମାତ୍ର ୧ ଘଣ୍ଟା ଭିତରେ ୨ଲକ୍ଷ ୫୫ ହଜାର ଉପରେ ଲୋକ ଦେଖିସାରିଲେଣି।
ଅଧିକ ପଢ଼ନ୍ତୁ: ପୁଷ୍ପା ଭିଲେନ୍ଙ୍କୁ ମାରାତ୍ମକ ରୋଗ; ଡାକ୍ତର କହିଲେ ଭଲ ହେବା ସହଜ ନୁହେଁ
Also Read
ପ୍ରକାଶଥାଉ ଯେ 'ପୁଷ୍ପା ୨'ର ପ୍ରଥମ ଗୀତ 'ପୁଷ୍ପା-ପୁଷ୍ପା'କୁ ମଧ୍ୟ ଦର୍ଶକଙ୍କ ଭଲ ପ୍ରତିକ୍ରିୟା ମିଳିଥିଲା। ଇନଷ୍ଟାଗ୍ରାମ ବ୍ୟବହାରକାରୀମାନେ ମଧ୍ୟ ଏହି ଗୀତରେ ଜମେଇକି ରିଲ୍ ତିଆରି କରିଥିଲେ। ଏହି ଗୀତଟି ବର୍ତ୍ତମାନ ପର୍ଯ୍ୟନ୍ତ ୟୁଟ୍ୟୁବରେ ଚାରି କୋଟିରୁ ଅଧିକ ଭ୍ୟୁ ପାଇସାରିଛି।
ଦ୍ୱିତୀୟ ସିଙ୍ଗଲ୍ ଆହୁରି ବଡ ପ୍ରଭାବ ପକାଇବାକୁ ପ୍ରସ୍ତୁତ। ଏହି ଅନନ୍ୟ ଭିଡିଓ ଗୀତରେ ଦର୍ଶକମାନେ ସେମାନଙ୍କର ପ୍ରିୟ ଚଳଚ୍ଚିତ୍ରର ପ୍ରକୃତ ସେଟ୍ର ଝଲକ ପାଇବେ, ଯାହା ନିଶ୍ଚିତ ଭାବରେ ଦର୍ଶକଙ୍କ ପାଇଁ ଏକ ନୂଆ ଏବଂ ମଜାଦାର ଅନୁଭୂତି ହେବ। ଭିଡିଓରେ ନିର୍ଦ୍ଦେଶକ ସୁକୁମାର ଏହି ଗୀତର ସୁଟିଂକୁ ଉପଭୋଗ କରୁଥିବା ଦେଖିବାକୁ ମିଳିଥିବାବେଳେ କାଷ୍ଟ୍ ଏବଂ କ୍ରୁ କୋରିଓଗ୍ରାଫ୍ର ଗଣେଶ ଆଚାର୍ଯ୍ୟ ମଧ୍ୟ ଗୀତର ଧୂନ୍ରେ ନାଚୁଛନ୍ତି।
‘ପୁଷ୍ପା ୨’ ର ଦ୍ୱିତୀୟ ସିଙ୍ଗଲ୍ 'ଦ କପଲ୍ ସଙ୍ଗ୍' ଶେଷରେ ସୁସେକି (ତେଲୁଗୁ), ଅଙ୍ଗାରୋଁ (ହିନ୍ଦୀ), ସୁଡାନା (ତାମିଲ୍), ନୋଡୋକା (କନ୍ନଡ), କଣ୍ଡାଲୋ (ମଲାୟାଲମ୍) ଏବଂ ଆଗୁରେନ୍(ବଙ୍ଗାଳି) ଭଳି ୬ଟି ଭିନ୍ନ ଭିନ୍ନ ଭାରେ ରିଲିଜ୍ ହୋଇଛି। ଏହି ଗୀତଟି ଏକ ମଜାଳିଆ, ପାୱାର ପ୍ୟାକ୍, ପେପି ନମ୍ବର ଯାହା ନିଶ୍ଚିତ ଭାବରେ ଦର୍ଶକଙ୍କ ମଧ୍ୟରେ ହଇଚଇ ଖେଳେଇବ।
ଅଧିକ ପଢ଼ନ୍ତୁ: ‘ସିଙ୍ଘମ୍ ଏଗେନ୍’ରୁ ଅଜୟଙ୍କ ପ୍ରଥମ ଝଲକ; ଦେଖିଲେ ଲାଗିବ ‘ସୂର୍ଯ୍ୟବଂଶୀ’ର ବାଜୀରାଓ
ଏହି ଗୀତଟିକୁ ଭିନ୍ନ ଉପାୟରେ ତିଆରି କରାଯାଇଥିବା ବେଳେ ଭାରତୀୟ ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନ୍ୟତମ ଶ୍ରେଷ୍ଠ ଗାୟକ ଶ୍ରେୟା ଘୋଷାଲ ଏକରୁ ଅଧିକ ଭାଷାରେ ଏହି ଗୀତ ଗାଇ ନିଜ ପ୍ରତିଭାରେ ସମସ୍ତଙ୍କ ହୃଦୟ ଜିତିଛନ୍ତି। ତେବେ ଭାରତର ଲୋକପ୍ରିୟ ଯୋଡି ଅଲୁ ଅର୍ଜୁନଙ୍କୁ ପୁଷ୍ପାରାଜ ଏବଂ ରଶ୍ମିକା ମନ୍ଦନାଙ୍କ ଶ୍ରୀବଲୀ ରୂପରେ ଦେଖିବା ଦର୍ଶକଙ୍କ ପାଇଁ କୌଣସି ଏକ ଟ୍ରିଟ୍ ଠାରୁ ବି କମ୍ ନୁହେଁ।
ଉଭୟଙ୍କ ମଧ୍ୟରେ ଥିବା ଅନ୍-ସ୍କ୍ରିନ୍ ସମ୍ପର୍କ ପାର୍ଟ ୨ରେ ପୂର୍ବ ଅପେକ୍ଷା ଗଭୀର ମନେହୁଏ, ତେଣୁ ସେମାନଙ୍କର ଅନ୍-ସ୍କ୍ରିନ୍ କେମେଷ୍ଟ୍ରୀକୁ ମଧ୍ୟ ଦମଦାର ଲାଗେ। ଗୋଟିଏ ପଟେ ଅଲୁ ଅର୍ଜୁନ ଗୀତରେ ଅହେତୁକ ଶକ୍ତି ଏବଂ ସ୍ୱାଗ୍ ସହିତ ନଜର ଆସିଥିବା ବେଳେ ଅନ୍ୟ ପଟେ ରଶ୍ମିକା ତାଙ୍କ ସାମି ସାମି ଚାର୍ମରେ ହୃଦୟକୁ ଥରେଇ ଦେଇଛନ୍ତି।
ଏହି ଲିରିକାଲ୍ ଭିଡିଓରେ ଅନେକ ଆକର୍ଷଣୀୟ ହୁକ୍ ଷ୍ଟେପ୍ ରହିଛି, ଯାହା ନିଃସନ୍ଦେହରେ ରିଲ୍ ୟୁନିଭର୍ସରେ ରାଜ୍ କରିବାକୁ ଯାଉଛି। ଫିଲ୍ମର ଏହି ଗୀତ ପ୍ରକୃତରେ ଫିଲ୍ମ ରିଲିଜ୍ ପାଇଁ ଉତ୍ସାହ ବଢାଇବାକୁ ସ୍ଥିର କରିଛି।
‘ପୁଷ୍ପା ୨’କୁ ସୁକୁମାର ନିର୍ଦ୍ଦେଶନା ଦେଇଛନ୍ତି। ଏହି ଫିଲ୍ମ ୧୫ ଅଗଷ୍ଟ ୨୦୨୪ରେ ମୁକ୍ତିଲାଭ କରିବ। ଏହାର ପ୍ରଥମ ଭାଗ ୨୦୨୧ରେ ମୁକ୍ତିଲାଭ କରିଥିଲା, ଯାହାକୁ ଲୋକମାନେ ବହୁତ ପସନ୍ଦ କରିଥିଲେ। ଅଲୁ ଏବଂ ରଶ୍ମିକାଙ୍କର ପ୍ରଶଂସକମାନେ ଦ୍ୱିତୀୟ ଭାଗରୁ ମଧ୍ୟ ଜବରଦସ୍ତ ମନୋରଞ୍ଜନ କରିବା ଆଶା କରୁଛନ୍ତି।
ଫିଲ୍ମରେ ଫହାଦ୍ ଫାଜିଲଙ୍କ ଚରିତ୍ର ଦେଖିବା ପାଇଁ ଦର୍ଶକଙ୍କ ଉତ୍ସାହ ମଧ୍ୟ ଆକାଶ ଛୁଆଁ ହୋଇଛି। ମିଡିଆ ରିପୋର୍ଟ ଅନୁଯାୟୀ, ଏହି ଫିଲ୍ମରେ ଅଭିନେତ୍ରୀ ସାମନ୍ଥା ରୁଥ୍ ପ୍ରଭୁଙ୍କ ଏକ କୈମିଓ ଦେଖିବାକୁ ମିଳିପାରେ।