Teaser Release:ଏଥର ମୁହାଁମୁହିଁ ହେବେ ଅରଶଦ ୱାରସୀ ଏବଂ ଅକ୍ଷୟ କୁମାର, ମଜା ଆସିବ ୩ ଗୁଣା

ଅକ୍ଷୟ କୁମାର ଏବଂ ଅରଶଦ ୱାରସୀଙ୍କ ଫିଲ୍ମ ‘ଜଲି ଏଲଏଲବି ୩’ର ଟିଜର ଆଜି ରିଲିଜ ହୋଇଛି। ଏଥର ଫିଲ୍ମରେ ଉଭୟ ଜଲି ଭାବରେ ନଜର ଆସିବେ ଏବଂ ପରସ୍ପର ସହ ମୁକାବିଲା କରୁଥିବା ଦେଖାଯିବେ। ଟିଜରଟି ବେଶ ମଜାଦାର ଲାଗୁଛି। ଏଥିରେ ଅରଶଦ ୱାରସୀ ଏବଂ ଅକ୍ଷୟ କୁମାରଙ୍କ ସହ ସୌରଭ ଶୁକ୍ଲା ମଧ୍ୟ ନଜର ଆସିଛନ୍ତି।

ଏହି ୧ ମିନିଟ ୩୦ ସେକେଣ୍ଡର ଟିଜରର ଆରମ୍ଭ ଏକ ମାମଲାର ଶୁଣାଣୀ ଘୋଷଣା ସହିତ ହୋଇଛି। ଯେଉଁଥିରେ ଜଗଦୀଶ ତ୍ୟାଗୀ ଉର୍ଫ ମେରଠରୁ ଜଲି ଅର୍ଥାତ ଅରଶଦ ୱାରସୀଙ୍କ ନାମ ଡକାଯାଇଛି। ଏହାପରେ ଅରଶଦ ୱାରସୀ ସ୍କୁଟରରେ ଚଲାଉଥିବାର ଓ ତା’ପରେ କୋର୍ଟରେ ଦେଖାଯାଇଛନ୍ତି।

ଏହାପରେ ଜଜ୍ ଭୂମିକାରେ ପୁଣି ଥରେ ନଜର ଆସୁଥିବା ସୌରଭ ଶୁକ୍ଲାଙ୍କ ଏଣ୍ଟ୍ରି ହୋଇଛି। ତା’ପରେ ଡିଫେନ୍ସ ଓକିଲ ଭାବେ ଜଗଦେଶ୍ୱର ମିଶ୍ରା ଉର୍ଫ ଲକ୍ଷ୍ନୋରୁ ଜଲି ଅର୍ଥାତ ଅକ୍ଷୟ କୁମାରଙ୍କ ଏଣ୍ଟ୍ରି ହୋଇଛି। ଏହାପରେ ଉଭୟଙ୍କ ମଧ୍ୟରେ ମାମଲା ଓ ଫିଲ୍ମର ମଜାଦାର କାହାଣୀ ଆରମ୍ଭ ହୋଇଛି। ଟିଜରରେ ଫିଲ୍ମର କାହାଣୀର ଏକ ହାଲୁକା ଝଲକ ଦେଖିବାକୁ ମିଳିଛି, ଯାହା ଦର୍ଶାଉଛି ଯେ ଏଥର ମଜା ତିନି ଗୁଣା ହେବ।

jolly

ସୁଭାଷ କପୁରଙ୍କ ନିର୍ଦ୍ଦେଶନାରେ ନିର୍ମିତ ଜଲି ଏଲଏଲବି ୩ ୧୯ ସେପ୍ଟେମ୍ବରରେ ସିନେମା ହଲରେ ରିଲିଜ ହେବ। ଏହି ଫିଲ୍ମରେ ଅକ୍ଷୟ କୁମାର, ଅରଶଦ ୱାରସୀ ଏବଂ ସୌରଭ ଶୁକ୍ଲାଙ୍କ ସହ ହୁମା କୁରେଶୀ ଏବଂ ଅମ୍ରିତା ରାଓ ମଧ୍ୟ ପ୍ରମୁଖ ଭୂମିକାରେ ନଜର ଆସିବେ। ଫିଲ୍ମକୁ ନେଇ ଲୋକଙ୍କ ମଧ୍ୟରେ ବେଶ ଉତ୍ସାହ ରହିଛି ଏବଂ ସେମାନେ ଫିଲ୍ମକୁ ଅପେକ୍ଷା କରିଛନ୍ତି।

ଏହା ହେଉଛି ଜଲି ଏଲଏଲବି’ ଫ୍ରାଞ୍ଚାଇଜିର ତୃତୀୟ କିସ୍ତି। ଏହା ପୂର୍ବରୁ ଏହି ନାମରେ ଦୁଇଟି ଫିଲ୍ମ ରିଲିଜ ହୋଇସାରିଛି। ପ୍ରଥମେ ୨୦୧୩ ମସିହାରେ ଜଲି ଏଲଏଲବି’ ରିଲିଜ ହୋଇଥିଲା। ଏହି ଫିଲ୍ମରେ ଅରଶଦ ୱାରସୀ, ସୌରଭ ଶୁକ୍ଲା ଏବଂ ବୋମନ ଇରାନୀ ପ୍ରମୁଖ ଭୂମିକାରେ ନଜର ଆସିଥିଲେ।

jolly

ଏହାପରେ ୨୦୧୭ ମସିହାରେ ଫିଲ୍ମର ଦ୍ୱିତୀୟ ପାର୍ଟ ରିଲିଜ ହୋଇଥିଲା । ଏଥିରେ ଅରଶଦ ୱାରସୀଙ୍କ ସ୍ଥାନରେ ଅକ୍ଷୟ କୁମାର ଜଲି ଭୂମିକାରେ ନଜର ଆସିଥିଲେ। ଏଥିରେ ଅକ୍ଷୟ କୁମାରଙ୍କ ସହ ଅନ୍ନୁ କପୁର, ହୁମା କୁରେଶୀ ଏବଂ ସୌରଭ ଶୁକ୍ଲା ପ୍ରମୁଖ ଭୂମିକାରେ ଦେଖାଦେଇଥିଲେ।

ଏବେ ପ୍ରାୟ ଆଠ ବର୍ଷ ପରେ ଫିଲ୍ମର ତୃତୀୟ ପାର୍ଟ ରିଲିଜ ହେବାକୁ ଯାଉଛି। ଏଥିରେ ପ୍ରଥମ ଓ ଦ୍ୱିତୀୟ ଫିଲ୍ମର ପ୍ରମୁଖ ଚରିତ୍ର ଅର୍ଥାତ ଅରଶଦ ୱାରସୀ ଏବଂ ଅକ୍ଷୟ କୁମାର ନଜର ଆସିବେ।