• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Prangyan Parimita

ବିଦ୍ୟାର ମନ୍ଦିରରେ ପିଲାଙ୍କ ସହ ଅତ୍ୟାଚାର । ଆବାସିକ ବିଦ୍ୟାଳୟରେ ଛାତ୍ରଙ୍କୁ ନିର୍ଯାତନା ଦେଇଥିବା ଅଭିଯୋଗ ହୋଇଛି ।ବୌଦ୍ଧ କାଲେଶ୍ୱର୍ ଆବାସିକ ବିଦ୍ୟାଳୟରୁ ଏପରି ଅଭିଯୋଗ ଆସିଛି । ପିଲାଙ୍କୁ ଶିକ୍ଷକ ଓ ରାନ୍ଧୁଣି ନିର୍ଧୁମ ମାଡ଼ ମାରିବାରୁ ଭୟରେ ସ୍କୁଲ ଛାଡି ପଳାଇ ଆସିଲେ ୫ ଜଣ ଛାତ୍ର । ଏବଟେ ବୌଦ୍ଧ ବସ୍ ଷ୍ଟାଣ୍ଡ ରୁ ୫ ଜଣ ଛାତ୍ର ଙ୍କୁ ଉଦ୍ଧାର କଲା ପୋଲିସ୍ ।

ଅଭିଯୋଗ ଅନୁଯାୟୀ ଦୁଇ ଦିନ ପୂର୍ବରୁ ରାତିରେ ଛାତ୍ରାବାସରେ ଛାତ୍ରଙ୍କୁ ମାଡ଼ ମାରିଥିବା କୁହାଯାଇଛି । କେବେଳ ଏତିକି ନୁହେଁ ବିଭିନ୍ନ ସମୟରେ ସ୍କୁଲର ଶିକ୍ଷକ ମଧ୍ୟ ଛାତ୍ରଛାତ୍ରୀଙ୍କୁ ମାଡ ମାରୁଥିବା ଅଭିଯୋଗ କରିଛନ୍ତି । ଗତକାଲି ସକାଳୁ ଛାତ୍ର ମାନେ ମାଡ ସହି ନପାରି ସ୍କୁଲ ଛାଡି ଚାଲି ଚାଲି ୫ କିମି ଆସି ବସଷ୍ଟାଣ୍ଡରେ କାନ୍ଦୁଥିବ ଅବସ୍ଥାରେ ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ପରେ ପୋଲିସକୁ ଏନେଇ ଖବର ଦେବାରୁ ବୌଦ୍ଧ ପୋଲିସ୍ ଆସି ଛାତ୍ରଙ୍କୁ ଉଦ୍ଧାର କରିଛି ।

ନିର୍ଯାତନାର ଶିକାର ହୋଇଥିବା ସମସ୍ତ ଛାତ୍ରଙ୍କର ବୟସ ୧୦ ବର୍ଷ ମଧ୍ୟରେ । ଏହି ଘଟଣାକୁ ନେଇ ପ୍ରଧାନ ଶିକ୍ଷକଙ୍କୁ ଯୋଗାଯୋଗ କରାଯାଇଥିଲା । କିନ୍ତୁ ସେ ସ୍କୁଲରେ ଅନୁପସ୍ଥିତ ଥିବା ଯୋଗୁଁ ପ୍ରତିକ୍ରିୟା ମିଳିପାରିନାହିଁ ।

(ରିପୋର୍ଟ-ଦୀପକ ଆଦାର, ବୌଦ୍ଧ)

Other Stories