Deadbody : ବସ୍ତା ଭିତରୁ ବାହାରିଲା ମୃତଦେହ, ମାଟି ଖୋଳି ବାହାର କଲା ପୋଲିସ

କେନ୍ଦୁଝର : ମହିଳା କନଷ୍ଟେବଲ୍ ଶୁଭମିତ୍ରା ସାହୁ ହତ୍ୟା ମାମଲା । କେନ୍ଦୁଝର ଘଟଗାଁ ଜଙ୍ଗଲ କ୍ରାଇମ ସ୍ପଷ୍ଟରେ ଜେସିବି ସହାୟତାରେ ମାଟି ଖୋଳି ମୃତଦେହ ବାହାର କରିଛି ପୋଲିସ । ଅଖା ଭିତରେ ବନ୍ଧା ଯାଇଥିବା ଅବସ୍ଥାରେ ମୃତଦେହ ମାଟି ତଳେ ପୋତାଯାଇଥିଲା । ଘଟଗାଁ ସ୍ଥିତ ଜଙ୍ଗଲ କ୍ରାଇମ ସ୍ପଷ୍ଟ ଖୋଳି ମୃତଦେହ ଉଦ୍ଧାର କରିଛି କମିଶନରେଟ ପୋଲିସ । ମାଜିଷ୍ଟ୍ରେଟ୍ ଙ୍କ ଉପସ୍ଥିତିରେ ସଂପୂର୍ଣ୍ଣ ପ୍ରକ୍ରିୟା କରାଯାଇଛି । ପ୍ରଥମେ ଘଟଣା ସ୍ଥଳରୁ ଅଭିଯୁକ୍ତ ଦୀପକ ରାଉତକୁ ନେଇ କ୍ରାଇମ ସିନ୍ ରିକ୍ରିଏସନ କରିଥିଲା ପୋଲିସ। ଘଟଣା ସ୍ଥଳରେ କେଉଁଠି ମୃତଦେହ ପୋତିଥିଲା ତାହା ଦେଖାଇଥିଲା ଦୀପକ । ଏହାପରେ ଜେସିବି ସହାୟତାରେ ମାଟି ଖୋଳାଯାଇଥିଲା ।

ଦୀପକ ମାରି ପୋତିଥିବା ମାନିବା ପରେ ମାଟି ତଳୁ ମୃତଦେହ ବାହାର କରାଗଲା । ଦୀପକ ପୋଲିସ କନଷ୍ଟେବଲ୍ ହୋଇଥିବାରୁ ଚତୁରତା ଆପଣାଇଥିଲା । ନିଜେ ପୋଲିସ ହୋଇଥିଲେ ବି ଶେଷରେ ସେହି ପୋଲିସ ଜାଲରେ ଫସିଛି ଅଭିଯୁକ୍ତ ଦୀପକ।