LIVE TV
ଏମିତି କାହିଁକି ଆତ୍ମହତ୍ୟା ? କ’ଣ ରହିଛି ଏହା ଫଛର କାରଣ ? ମୃତ୍ୟୁ ପୂର୍ବରୁ କାହିଁକି ମହିଳା ବେଶ ଧାରଣ କରିଥିଲେ ଏୟାରପୋର୍ଟ ଅଫିସର୍ । କ’ଣ ଥିଲା ତାଙ୍କର ଶେଷ ଇଚ୍ଛା । ସାଧାରଣତଃ ଜଣେ ବ୍ୟକ୍ତି ଆତ୍ମହତ୍ୟା କରିବା ସମସ୍ତଙ୍କୁ ଚକିତ କରିଥାଏ । ଏହାକୁ ସହଜରେ କେହି ଗ୍ରହଣ କରିପାରନ୍ତି ନାହିଁ । କିନ୍ତୁ ଏଠି ଜଣେ ବ୍ୟକ୍ତିଙ୍କ ଆତ୍ମହତ୍ୟା ଯେତିକି ରହସ୍ୟଜନକ, ତାଠାରୁ ଅଧିକ ରହସ୍ୟ ଜନକ ହେଉଛି ସେ ମହିଳା ବେଶରେ ଆତ୍ମହ୍ୟା କରିବା ।
Also Read
ଓଠରେ ଲିପଷ୍ଟିକ୍, କପାଳରେ ବିନ୍ଦି, ଶରୀରରେ ମହିଳା ପୋଷାକ, ଏହା କେବେ ଜଣେ ପୁରୁଷର ଶେଷ ଇଚ୍ଛା ହୋଇପାରେ କି? ଏପରି ପ୍ରଶ୍ନ ମନକୁ ଆସିବାର କାରଣ ହେଉଛି ଜଣେ ବିମାନବନ୍ଦର ଅଧିକାରୀଙ୍କ ଆତ୍ମହତ୍ୟା। ଉତ୍ତରାଖଣ୍ଡର ପନ୍ତନଗର ବିମାନବନ୍ଦରରେ ଏୟାରପୋର୍ଟ ଟ୍ରାଫିକ କଣ୍ଟ୍ରୋଲ (ATC) ବିଭାଗର ଆସିଷ୍ଟାଣ୍ଟ ମ୍ୟାନେଜର ଭାବେ କାର୍ଯ୍ୟରତ ଥିବା ଆଶିଷ ଚୌସାଲୀ ଏହିପରି ମହିଳା ବେଶ ଧାରଣ କରି ନିଜ ଜୀବନ ହାରି ଦେଇଛନ୍ତି।
ସୂଚନା ଅନୁସାରେ, ୩୫ ବର୍ଷୀୟ ଆଶିଷ ପିଥୋରାଗଡର ବାସିନ୍ଦା। ସେ ବିମାନବନ୍ଦର କମ୍ପ୍ଲେକ୍ସରେ ଥିବା ସରକାରୀ ବାସଭବନରେ ରହୁଥିଲେ। ଗତକାଲି ରାତି ପ୍ରାୟ ୧୦ଟା ପର୍ଯ୍ୟନ୍ତ ସାଙ୍ଗମାନଙ୍କ ସହ ପାର୍ଟି କରିବା ପରେ ଶୋଇବାକୁ ନିଜ ରୁମକୁ ଯାଇଥିଲେ ଆଶିଷ। କିନ୍ତୁ ସକାଳେ କବାଟ ଖୋଲି ନଥିଲେ କି ବାହାରୁ ଡାକିଲେ ବି ଶୁଣିନଥିଲେ।
ଫଳରେ ସେଠାରେ ରହୁଥିବା ତାଙ୍କ ପୁତୁରା ତଥା ସାଙ୍ଗ ବାଧ୍ୟ ହୋଇ କବାଟ ଭାଙ୍ଗିଥିଲେ। ଏହାପରେ ଯାହା ଦେଖିଥିଲେ ସମସ୍ତେ ଆଶ୍ଚର୍ଯ୍ୟ ହୋଇ ଯାଇଥିଲେ। ସିଲିଂର ଆଶିଷଙ୍କ ମୃତଦେହ ଝୁଲନ୍ତା ଅବସ୍ଥାରେ ରହିଥିଲା। ବଡ଼ କଥା ହେଉଛି କି, ସେ ଶେଷ ସମୟରେ ଜଣେ ବିବାହିତ ମହିଳାଙ୍କ ପରି ବେଶ ଧାରଣ କରିଥିଲେ। ମେକଅପ୍ ନେବା ସହ ଲିପଷ୍ଟିକ୍, ବିନ୍ଦି ଲଗାଇଥିଲେ, ଏପରିକି ମହିଳାଙ୍କ ପୋଷାକ ମଧ୍ୟ ପିନ୍ଧିଥିଲେ, ଯାହାକୁ ନେଇ ସମସ୍ତଙ୍କ ମନରେ ସନ୍ଦେହ ସୃଷ୍ଟି ହୋଇଛି।
ଏହା ଆତ୍ମହତ୍ୟା ନା ହତ୍ୟା ତାହା ସନ୍ଦେହ ଘେରରେ ଥିବାବେଳେ ଆଶିଷଙ୍କ ପରିଚିତ ଲୋକେ ତାଙ୍କ ମଧ୍ୟରେ ପୂର୍ବରୁ କେବେ ମହିଳାଙ୍କ ଗୁଣ ଦେଖିନଥିବା କହିଛନ୍ତି। ବାସ୍ତବରେ ଏହା ସେକ୍ସ ଡିଜଅର୍ଡର୍, ନା ଏହା ପଛରେ ଆଉ କିଛି କାରଣ ଅଛି ସେନେଇ ତଦନ୍ତ ଆରମ୍ଭ କରିଛି ପୋଲିସ।
ଆଶିଷଙ୍କ ଶରୀରରେ କୌଣସି କ୍ଷତି ନଥିବା ବେଳେ ଶେଷ ସମୟରେ ଜଣେ ବିବାହିତା ମହିଳାଙ୍କ ବେଶ ହୋଇ କାହିଁକି ମୃତ୍ୟୁକୁ ଗ୍ରହଣ କଲେ ତାର ରହସ୍ୟ ଉନ୍ମୋଚନ କରିବାକୁ ଚେଷ୍ଟା କରୁଛି ପୋଲିସ।
