LIVE TV
ଭୋଳାଙ୍କ ଭକ୍ତିରେ ଭୋଳ ହୋଇ ବେକ କାଟିଦେଲେ ଭକ୍ତ ମହାଦେବଙ୍କ ଉଦ୍ଦେଶ୍ୟରେ ମସ୍ତକ ଅର୍ପଣ କରିବା ପାଇଁ ଜଣେ ୩୦ ବର୍ଷିୟ ଯୁବକ ଏଭଳି କାଣ୍ଡ ଘଟାଇଥିବା ଜଣାପଡ଼ିଛି । ଉତ୍ତରପ୍ରଦେଶର ଲଲିତପୁରରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଯୁବକ ଜଣକ ଇଲେକ୍ଟ୍ରିକ୍ କଟର ମେସିନ ସାହାଯ୍ୟରେ ବେକ କାଟି ଦେଇଥିବା ଜଣାପଡ଼ିଛି । ଏବେ ତାଙ୍କୁ ଝାନ୍ସି ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ତାଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି ।
ଗୁରୁତର ଯୁବକ ଜଣକ ହେଲେ ଲଲିତପୁର ଥାନା ଅନ୍ତର୍ଗତ ରଘୁନାଥପୁରା ଗାଁର ଦୀପକ କୁଶୱା । ମଙ୍ଗଳବାର ଦିନ ସେ ପ୍ରାୟ ସକାଳ ୪ଟା ସମୟରେ ପାଖ ଶିବ ମନ୍ଦିରକୁ ଯାଇଥିଲେ । ଆଉ ସେଠାରେ ଭଗବାନଙ୍କୁ ମୁଣ୍ଡ ଦେଇଦେବା ପାଇଁ ବେକରେ କଟର ମେସିନ ଚଳାଇ ଦେଇଥିଲେ । ଆଉ ତା’ପରେ ଯନ୍ତ୍ରଣାରେ ଚିତ୍କାର କରିଥିଲେ । ଏହା ଦେଖି ଘଟଣାସ୍ଥଳରେ ଉପସ୍ଥିତ ଥିବା ଲୋକେ ସ୍ତବ୍ଧ ହୋଇଯାଇଥିଲେ।
Also Read
ପରେ ଦୀପକଙ୍କୁ ରକ୍ତାକ୍ତ ଅବସ୍ଥାରେ ଘଟଣାସ୍ଥଳରୁ ଉଦ୍ଧାର କରି ଚିକିତ୍ସା ପାଇଁ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କ ଅବସ୍ଥା ଗୁରୁତର ଥିବାରୁ ପରେ ତାଙ୍କୁ ଝାନ୍ସି ହସ୍ପିଟାଲକୁ ରେଫର କରାଯାଇଛି ।
ଦୀପକଙ୍କ ବାପା ପଲଟୁରାମଙ୍କ ଅନୁସାରେ, ଦୀପକଙ୍କ ଦୁଇଟି ପିଲାଥିବା ବେଳେ କିଛି ଦିନ ହେବ ସେ ଭଗବାନଙ୍କ ପ୍ରେମରେ ବିଭୋର ଥିଲା । ସବୁବେଳେ ପାଖରେ ରଖିଥିବା ଏକ ଡାଏରୀରେ ଶିବଙ୍କ ସମ୍ପର୍କରେ ଲେଖାଲେଖି କରୁଥିଲା । ତେବେ ଶିବଙ୍କ ଉଦ୍ଦେଶ୍ୟରେ ମସ୍ତକ ଅର୍ପଣ କରିବା ପାଇଁ ଥିବା ଇଚ୍ଛା ମଧ୍ୟ ଡାଏରୀରେ ଉଲ୍ଲେଖ ଥିବା ପୋଲିସ ପକ୍ଷରୁ ପ୍ରକାଶ ପାଇଛି ।
ଅନେକ ସମୟରେ ଶିବଙ୍କ ଦର୍ଶନ ପାଇବା ପରେ ତଥା ତାଙ୍କୁ ପ୍ରସନ୍ନ କରିବା ପାଇଁ ଅନେକ ଭକ୍ତ ବିଭିନ୍ନ ଅଦ୍ଭୁତ କାମ ସବୁ କରିଥାଆନ୍ତି । କିନ୍ତୁ ଏଭଳି ପାଗଳାମୀ କରିବା ବୋଧହୁଏ ପ୍ରଥମ ଥର ଦେଖିବା ପାଇଁ ମିଳିଛି ।
