ପାଠ ଯୁକ୍ତ ଦୁଇ ହେଲେ ପରିଚୟ ଡାକ୍ତର, ରୋଗୀ ବେଶରେ ଆସି ନକଲି ଡାକ୍ତରଙ୍କୁ ଧରିଲା ପୋଲିସ୍

ରୋଗୀ ବେଶରେ ଆସି ନକଲି ଡାକ୍ତରଙ୍କୁ ଧରିଲା ପୋଲିସ୍ । ବେଆଇନ ନର୍ସିଂ ହୋମରେ ଏଭଳି କିଛି ଢଙ୍ଗରେ ଚଢ଼ାଉ କରି ଏକ ବଡ଼ ଅପରାଧର ପର୍ଦ୍ଦାଫାସ୍ କରିଛି ପୋଲିସ୍ । ଆଳୁ ଖୋଳୁ ଖୋଳୁ ମହାଦେବ ବାହାରିବା ସଦୃଶ୍ୟ ତାଳଚେର ପୁରୁଷୋତ୍ତମ୍ ନର୍ସିଂ ହୋମ୍‌ର ଅନେକ ଗୁମର ଫିଟିଛି । ଉପଯୁକ୍ତ ଡାକ୍ତରୀ ଲାଇସେନ୍ସ ନଥିବା ସତ୍ତ୍ୱେ ପ୍ରଦୀପ ବେହେରା ନାମକ ବ୍ୟକ୍ତି ଚଲାଇଥିଲେ ନର୍ସିଂ ହୋମ୍ । ରୋଗୀ ଦେଖୁଥିଲେ, ଔଷଧ ବି ଦେଉଥିଲେ ।

ଯୁକ୍ତ ଦୁଇ ବିଜ୍ଞାନ ପରେ ପଶ୍ଚିମବଙ୍ଗରୁ MBBS କରିଥିଲେ ହେଲେ ତାହା ଫେକ୍ ବୋଲି ଜାଣିବା ପରେ ବି ଡାକ୍ତରୀ ପ୍ରାକ୍ଟିସ୍ ଜାରି ରଖିଥିଲେ ପ୍ରଦୀପ। ଆଜି ଧରାପଡ଼ିବା ପରେ ଏନେଇ ଖୋଦ୍ ସେ ସ୍ୱୀକାର କରିଛନ୍ତି । ଖାଲି ଏତିକି ନୁହେଁ, ନର୍ସିଂ ହୋମ୍‌ର ଅନୁମତି ୨୦୧୯ ପରଠୁ ଆଉ ନବୀକରଣ ହୋଇନି। ଅଭିଯୁକ୍ତଙ୍କୁ ଗିରଫ କରି ତଦନ୍ତ କରୁଛି ପୋଲିସ।