ଫଟୋ ସାମ୍ବାଦିକଙ୍କୁ ତଳେ ପକାଇ ମାରିଲେ ପୋଲିସ ବାବୁ !

କଳିଙ୍ଗ ଷ୍ଟାଡିୟମ ଗେଟ ସମ୍ମୁଖରେ ପୋଲିସର ବର୍ବରତା । ଫଟୋ ସାମ୍ବାଦିକଙ୍କୁ ଘୋଷାଡ଼ି ପିଟିଲା ପୋଲିସ । ହକି ମ୍ୟାଚ ଚାଲୁଥିବା ବେଳେ ଜଣେ ଫଟୋ ସାମ୍ବାଦିକଙ୍କୁ ଆକ୍ରମଣ କରି ଆହତ କରିଛନ୍ତି । ନ୍ୟୁଜିଲାଣ୍ଡ ହକି ଟିମ ଷ୍ଟାଡିୟମ ଅଭିମୁଖେ ଯାଉଥିବା ବେଳେ ଫଟୋ ଉଠାଇଥିଲେ ସାମ୍ବାଦିକ ରାକେଶ ରାଉଳ । କାହିଁକି ଫଟୋ ନେଉଛ କହି ହଠାତ ପ୍ରତିକ୍ରିୟାଶୀଳ ହୋଇ ଉଠିଥିଲେ ପୋଲିସ ବାବୁ । ଚାଲୁଥିବା ବସରୁ ଓହ୍ଲାଇ ଗାଳିଗୁଲଜ କରିବା ସହ ତଳେ ପକାଇ ମାଡ ମାରିଥିବା ଅଭିଯୋଗ ହୋଇଛି । ଏହାସହ କ୍ୟାମେରା ଛଡ଼ାଇନେଇଥିଲେ । ତେବେ ଏନେଇ ପୋଲିସର ପ୍ରତିକ୍ରିୟା ମିଳିପାରିନି  ।