IED Blast: ମାଓବାଦୀଙ୍କ IED ବିସ୍ଫୋରଣ, ଉଡ଼ିଗଲା ଗାଡ଼ି, ୮ ଯବାନ ସହିଦ

ମାଲକାନଗିରି ସୀମାନ୍ତ ବିଜାପୁରରେ ନକ୍ସଲମାନେ ଭୟଙ୍କର ବିସ୍ଫୋରଣ ଘଟାଇଛନ୍ତି । ଏଥିରେ ୮ ଜଣ ଯବାନ ଓ ଗାଡ଼ି ଡ୍ରାଇଭରଙ୍କର ପ୍ରାଣହାନି ଘଟିଛ । ୫ରୁ ଅଧିକ ଯବାନ ଗୁରୁତର ଆହତ ହୋଇଛନ୍ତି । ମାଓ ଅପରେସନ ସାରି ଡିଆରଜି ଯବାନମାନେ ଫେରୁଥିବା ବେଳେ ଏହି ଘଟଣା ଘଟିଛି । ବିସ୍ଫୋରଣର ତୀବ୍ରତା ଏତେ ଅଧିକ ଥିଲା ଯେ, ଯବାନଙ୍କ ଗାଡିଟି ଭୂମିଠାରୁ ପ୍ରାୟ ୨୦ ଫୁଟ ଉପରକୁ ଉଠିଯାଇଥିଲା । ଗାଡିର କିଛି ଅଂଶ ଗଛରେ ଲାଗିଥିବା ବେଳେ ତଳେ ପଡିଥିବା ଅଂଶ ଚୁରମାର୍ ହୋଇଯାଇଛି । କୁଟୁରୁ- ବେନ୍ଦ୍ରେ ରାସ୍ତାରେ ଏହି ଅଘଟଣ ଘଟିଛି । ଏହା ପରେ ସରକାରଙ୍କ ପକ୍ଷରୁ ଘଟଣାସ୍ଥଳକୁ ଅଧିକ ସୁରକ୍ଷା କର୍ମୀଙ୍କୁ ପଠାଯିବା ସହ ଆହତମାନଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ନିଆଯାଇଛି ।